பிச்சைக்காரன்

வித்யாசாகர் · வித்யாசாகர் Wed Nov 04, 2009 7:07 pm

பிச்சைக்காரன்

மானங்கெட்ட பொழப்புத் தாங்க,
ஈனப் பிறவி ஜனங்க நாங்க -
காசு கேட்டு நடக்கும் நடைக்கு -
நாண்டுகிட்டு சாகலாங்க !

யாறு தந்த சாபந்தானோ - என்
அப்பன் ஆத்தா போட்ட பாதை!
சாமி வந்து திருத்தி தந்தா - இந்த
பிறவி வாழ்க்கை மாறுமாங்க!

அரசு போட்ட ஐந்து பைசா
எங்களுக்கேன்னு செய்ததாங்க!
அஞ்சோ பத்தோ சேர்றதுக்குள்ள -
என் வெற்று உடம்பு தோலுக்கெல்லாம் _

புண்ணு புண்ணு.. புண்ணு தாங்க!

முள்ளு மேல விழுந்த வாழ்க்கை
மீண்டு வர யோசிக்கையில -
மீண்டும் பசியெடுத்தா - அடுத்தப் பாட்டு
பிச்சை பிச்சை.. பிசைத்தாங்க!

காசு காசு.. காசுதான் சோறு -
சோறு சோறு.. சொறில்லையே வாழ்க்கை;
பகலு இரவு பார்க்கிறோமே - இந்த
ஒத்த வரி உரைக்காமையா இருக்கு,

உரைத்து மட்டும் என்ன செய்ய
இதோ என் புள்ள போறான் -
பிச்சை எடுக்க!
------------------------------------------------
வித்யாசாகர்

**Tamilzhan** · **Tamilzhan** Wed Nov 04, 2009 7:11 pm

மன்னிக்கவும் பொருத்தமான படம் பொருத்திவிட்டேன்..!

kirupairajah · kirupairajah Wed Nov 04, 2009 7:12 pm

வித்யாசாகர் wrote:பிச்சைக்காரன்

முள்ளு மேல விழுந்த வாழ்க்கை
மீண்டு வர யோசிக்கையில -
மீண்டும் பசியெடுத்தா - அடுத்தப் பாட்டு
பிச்சை பிச்சை.. பிசைத்தாங்க!

காசு காசு.. காசுதான் சோறு -
சோறு சோறு.. சொறில்லையே வாழ்க்கை;
பகலு இரவு பார்க்கிறோமே - இந்த
ஒத்த வரி உரைக்காமையா இருக்கு,

உரைத்து மட்டும் என்ன செய்ய
இதோ என் புள்ள போறான் -
பிச்சை எடுக்க!
------------------------------------------------
வித்யாசகர்

ஒரு வேளை சாப்பாட்டிற்கு படும் இன்னல்களை சிறப்பாக காட்டியுள்ளீர்கள், அருமையான கவிதை, நன்றி வித்யாசகர்!

வித்யாசாகர் · வித்யாசாகர் Wed Nov 04, 2009 7:30 pm

படத்திற்கு நன்றியும் மன்னிப்பிற்கு மறுப்பும் அன்பரே. நான் உங்கள் அனைவரின் சகோதரன் இல்லையா மன்னிப்பெதற்கு நன்றியை நிறைய வைத்துக் கொள்ளுங்கள். படம் மிக பொருத்தம், கவிதையின் வலியான வரிகளை படமே உயிர்பித்து தருகிறது..

மிக்க நன்றிகள் அன்பு தோழர் கிருபை. எப்பொழுது கவிதை இட்டாலும் உடனே படித்து பின்னூட்டம் இடுவதிம் பெருமகிழ்ச்சி கொள்கிறேன் அடுத்த கவிதை பதியும் தருணத்திற்காய் காத்திருக்கிறேன்..

மீனு · மீனு Wed Nov 04, 2009 8:59 pm

மிக சிறப்பாக உள்ளது கவிதை..அதே நேரம் கை ஏந்தி பிச்சை பெரும் அந்த சிறுமியை பார்க்க கஷ்டமா இருக்கு ..மலை என்றும் பாராம ,,இந்த சிறுமி ..கை ஏந்துவது கஷ்டமா இருக்கு..
வித்யாசாகர் உங்கள் கவிதை வரிகள் வழியை தருகிறது ..

..மானங்கெட்ட பொழப்புத் தாங்க,
ஈனப் பிறவி ஜனங்க நாங்க பிச்சைக்காரன் 67637

உண்மைதான்..நமக்கு பணம் கொடு என்று கேட்பது..எத்தனை கஷ்டம்..
தினமும் இப்படி எத்தனை குழந்தைகள் பிச்சை எடுத்து ..தம் பசியை அணைச்சுக்கிறாங்க,, தப்பு இந்த குழந்தைகள் செய்யலையே.. ,,தப்பு பெற்றவர்கள் செய்வதுதான்..