பெரியாரின் இளமைப் பருவ சுவாரஷ்யங்கள்???

பெரியாரின் இளமைப் பருவ சுவாரஷ்யங்கள்???


பெரியாரின் இளமைப்பருவம் குறித்து ஆர். முத்துகுமார் தனது பெரியார் புத்தகத்தில் சில சுவாரஷ்யமான தகவல்களைக் கொடுக்கிறார்.

“கிருஷ்ணசாமி (பெரியாரின் அண்ணன்) சாத்வீகமான சிறுவன். அப்பாவின் பேச்சுக்கு எதிர்ப்பேச்சுப் பேசமாட்டான். ஆனால் ராமசாமியோ அண்ணனுக்கு நேர் எதிர். வால் முளைக்காத குறைதான். சதாசர்வக் காலமும் சேட்டை செய்வதுதான் ராமசாமியின் உத்தியோகம்.
ஐந்து வயது ஆவதற்குள் ராமசாமியின் சேட்டைகள் ஈரோட்டில் ஏகப் பிரபலம். ஊர்ப் பிரமுகரின் மகன் என்பது கூடுதல் செல்வாக்கு. மிதப்பாக நடப்பான். எகத்தாளமாகவும் எடுத்தெறிந்தும் பேசுவான்.”

“வீட்டுக்கு வருவோர் போவோரிடம் எல்லாம் நிறையப் பேச்சுக் கொடுப்பான். சில சமயங்களில் வார்த்தைகள் எசகு பிசகாக வந்து விழுந்துவிடும். முகம் சுளிக்கும் அளவுக்கு. அதற்காக பேச்சை மட்டும் நிறுத்திவிட மாட்டான் ராமசாமி.”
“பள்ளிக் கூடத்திற்கு அனுப்பினால் குறும்புகள் குறையு வாய்ப்பு உண்டா?”

“ராமசாமியை பள்ளிக் கூடம் மாற்றவில்லை. மாறாக, வீட்டில் செய்த குறும்புகள் பள்ளிக் கூடத்தில் பரிணாம வளர்ச்சி பெற்றன. சக மாணவர்கள் மீது கை நீட்டும் அளவுக்கு வளர்ந்து விட்டான்.”

“ஆட்களை வைத்து ராமசாமியை வளைத்துப் பிடித்தார் வெங்கட்டர் (நாயக்கர், பெரியாரின் தந்தை), இரும்பு வளையத்தை காலில் மாட்டி, அதனுடன் இணைக்கப்பட்ட இரும்புச் சங்கிலியின் மறுமுனையைச் சதுரமான மரக்கட்டையுடன் இணைத்துவிட்டார். அதிக எடை கொண்ட ரக்கட்டையை நகர்த்த முடியாது. தூக்க முடியாது. நடந்தால் இரும்பு வளையம் தடுக்கும். அப்படித்தான் நினைத்தார் வெங்கட்டர். ஆனால் ராமசாமி அசரவில்லை. கட்டையைத் தூக்கி தோளில் போட்டுக் கொண்டு கிளம்பி விட்டான்.

சில காலம் பொறுமையாக இருந்த வெங்கட்டர், மீண்டும் அவனைப் பள்ளியில் சேர்த்து விட்டார். இப்போதும் மாணவர்கள் மீது கைநீட்டுவதை ராமசாமி நிறுத்தவில்லை.
ஆத்திரம் வந்தால் அடித்துப் போட்டுவிடுவான். அதற்குப் பிராயச் சித்தமாக அலுக்காமல் ஆயிரம் தடவை தண்டனை வாசகம் எழுதித் தந்துவிட்டு மீண்டும் கலகம் செய்வதில் மும்முரம் காட்டத் தொடங்கிவிடுவான்.

இதுநாள் வரை மாணவர்களை அடித்த ராமசாமி ஒருநாள் ஆசிரியரையே ஓங்கி அடித்து விட்டான். விஷயம் தெரிந்ததும் வெங்கட்டருக்கு தர்மசங்கடமாகி விட்டது. ‘இதென்னடா வம்பாகப் போய்விட்டதே’ என்று நினைத்தவர் உடனடியாகப் பள்ளிக் கூடத்துக்கு ஆள் அனுப்பி ராமசாமியை வீட்டுக்கு அழைத்து வரச் சொல்லிவிட்டார். ‘டேய் ராமசாமி, நாளைல இருந்து பள்ளிக் கூடத்துக்குப் போக வேணாம். மண்டிக்கு வந்துவிடு என்று சொன்னார்.” விட்டான்.”
இதை படிக்கும் வாசகர்கள் இவர் எப்படிப் பட்ட பிள்ளை என்று தாங்களே தீர்மானித்துக் கொள்ளலாம். வாலிபச் சேட்டைகளும் வரும்…

அறியப்படாத செய்திகளைத் தந்துள்ளீர் ஜெசிபர் ! நன்றி!

சாத்வீகம் இக்காலத்துக்கு ஒத்து வராது நண்பரே

: