தீபாவளி ஸ்பெஷல் ரெசிபீஸ்! - தேனம்மை லட்சுமணன்

**ayyasamy ram** · **ayyasamy ram** Fri Oct 17, 2014 4:07 am

சந்திரகா-சூர்யகலா!-
தேவையானவை:
மைதா - 2 கப்,
பால் கோவா - 2 கப்,
சர்க்கரை - 2 கப்,
முந்திரி - 20,
திராட்சை - 20,
நெய் - 1 டேபிள் ஸ்பூன்,
ஏலக்காய் - 4,
எண்ணெய் பொரிக்கத் தேவையான அளவு.
=
செய்முறை:
பால் கோவாவை உதிர்த்து ஒரு டீஸ்பூன் நெய்யில்
முந்திரி திராட்சையை பொரித்துப் போட்டு ஏலப்
பொடியும் சேர்த்துப் பிசைந்து கொள்ளவும்.

மீதி நெய்யை உருக்கி ஊற்றி, அதில் மைதாவைப்
போட்டு சிறிது தண்ணீர் தெளித்துக் கெட்டியாகப்
பிசைந்து ஊறவைக்கவும். மைதாவை சின்னச்
சின்ன பூரிகளாக இட்டு, அதில் கோவாவை
பூரணமாக வைத்து சோமாஸ் போல் விளிம்பு மடித்து
எண்ணெயில் பொரித்தெடுக்கவும்.

சர்க்கரையில் அரை கப் தண்ணீர் சேர்த்து கம்பிப்
பாகு காய்ச்சவும். சோமாஸ்களை சர்க்கரைப் பாகில்
போட்டு சில நிமிடங்களில் எடுத்துத் தட்டில் வைக்கவும்.
இதுவே சந்திரகலா. இதை அரைவட்டமாகச் செய்தால்
சூர்யகலா.
-
--------------------------------------------------
நன்றி: குமுதம் பக்தி இதழ்

**ayyasamy ram** · **ayyasamy ram** Fri Oct 17, 2014 4:10 am

முந்திரி, பாதாம், பிஸ்தா ரோல்!
-
தேவையானவை:
-
முந்திரி - 100 கிராம்,
பாதாம் - 100 கிராம்,
பிஸ்தா -100 கிராம்,
தூள் செய்த சர்க்கரை - 300 கிராம்,
கேசரி கலர் - 1 சிட்டிகை,
பச்சை கலர் - 1 சிட்டிகை,
நெய்- 3 டேபிள் ஸ்பூன்.
-
செய்முறை:
-
முந்திரி, பாதாம், பிஸ்தாவை நன்கு காயவைத்துத்
தனித்தனியாக மிக்ஸியில் பொடிக்கவும்,

சர்க்கரையைப் பாகுவைத்து மூன்று பங்காக்கி,
அதில் தனித்தனியாக பாதாம், பிஸ்தா, முந்திரி
போட்டுக் கிளறவும். பாதாமில் கேசரி கலரையும்,
பிஸ்தாவில் பச்சை கலரையும் சேர்க்கவும்.
சுருண்டதும் இறக்கி நெய் தடவிய சப்பாத்திப்
பலகையில் போட்டு மெல்லிசாக தனித்தனியாக
செவ்வக வடிவில் திரட்டவும்.

மூன்றையும் ஒன்றன்மேல் ஒன்றாக வைத்து
மெல்லிய ரோலாக சுருட்டவும். ரோலை குறுக்கு
வாட்டில் வெட்டிப் பரிமாறவும்.

மூன்று வண்ணங்களில் அழகான ட்ரைகலர்
நட்ஸ் ரோல் தயார்.
-
------------------------------------------

**ayyasamy ram** · **ayyasamy ram** Fri Oct 17, 2014 4:18 am

காலா ஜாமூன்!
-
தேவையானவை:
-
கோவா (சர்க்கரை சேர்க்காதது) - 200 கிராம்,
பனீர் - 100 கிராம்,
சர்க்கரை - 300 கிராம்,
மைதா - 2 டேபிள் ஸ்பூன்,
சோளமாவு - 1 டேபிள் ஸ்பூன்,
ஏலக்காய்த் தூள் - 1 சிட்டிகை,
நெய் அல்லது எண்ணெய் - பொரிக்கத் தேவையான அளவு.
-
செய்முறை: கோவாவையும், பனீரையும் சன்னமாகத்
துருவவும். அதில் மைதா, சோளமாவை சலித்துப்
போட்டு நன்கு மென்மையாகும்வரை பிசையவும்.

தேவையான அளவில் கொஞ்சம் கொஞ்சமாக எடுத்து
உள்ளங்கையில் வைத்து நிரடல், வெடிப்பு இல்லாமல்
பிசைந்து மென்மையாக உருட்டி வைக்கவும்.

சர்க்கரையில் கால் கப் தண்ணீர் ஊற்றி திக்காக பாகு
காய்ச்சவும். பாகில் சிறிது பால் ஊற்றினால் அழுக்கு,
தூசி எல்லாம் மேலே எழும்பி வரும். அதை வடிகட்டி
எடுத்துவிட்டு திரும்பக் காய்ச்சி ஏலக்காய்ப்
பொடியைப் போட்டு வைக்கவும்.
-
நெய் அல்லது எண்ணெய்ச் சூடுபடுத்தி ஜாமூன்களை
மிதமான தீயில் டார்க் ப்ரவுன் அல்லது கறுப்பாகும்
வரை பொரிக்கவும். பாகில் 10 நிமிடம் ஊறவைத்து
எடுத்து சில்வர் ஃபாயில் பேப்பரால் அலங்கரிக்கவும்.
-
-------------------------------------------------

Sponsored content · Sponsored content

தீபாவளி ஸ்பெஷல் ரெசிபீஸ்! - தேனம்மை லட்சுமணன்

தீபாவளி ஸ்பெஷல் ரெசிபீஸ்! - தேனம்மை லட்சுமணன்

Re: தீபாவளி ஸ்பெஷல் ரெசிபீஸ்! - தேனம்மை லட்சுமணன்

Re: தீபாவளி ஸ்பெஷல் ரெசிபீஸ்! - தேனம்மை லட்சுமணன்

Re: தீபாவளி ஸ்பெஷல் ரெசிபீஸ்! - தேனம்மை லட்சுமணன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக