ஊசியும் கத்திரிகோலும் ...

mbalasaravanan · mbalasaravanan Fri Jan 23, 2015 10:22 am

தையற்காரர் ஒருவர் ,தனது கடையில் துணிகள் தைத்துக்கொண்டிருந்தார் .
அவருடைய மகன் அருகில் இருந்து , அவர் வேலை செய்வதைப் பார்த்துக் கொண்டிருந்தான் .
தையற்காரர் ஒரு புதுத் துணியை எடுத்தார் . அதை அழகிய பளபளக்கும் கத்திரிக்கோலால் துண்டுகளாக வெட்டினார்.
பின்னர் கத்திரிக்கோலைக் கால் அருகே போட்டுவிட்டு துணியைத் தைக்கலானார்.
துணியை தைத்து முடிந்ததும் சிறிய ஊசியை எடுத்துத் தனது தலையில் இருந்த தொப்பியில் குத்திப் பத்திரப்படுத்தினார்.
இதைப் பார்த்துக் கொண்டிருந்த மகன் அவரிடம் , “அப்பா ! கத்திரிகோல் விலை உயர்ந்தது ,அழகானது.
அதை அலட்சியமாக காலடியில் போடுகிறீர்கள்.
ஊசி சிறியது ...மலிவானது .
ஆனால், அதை தலையில் பாதுகாக்கிறீர்களே. அது ஏன்...?” என்று கேட்டான்.
“ நீ சொல்வது உண்மைதான்” என்றார் தையற்காரர் . “கத்திரிகோல் அழகாகவும் ... மதிப்புள்ளதாகவும் இருந்தாலும் , அதன் செயல் வெட்டுவது.அதாவது பிரிப்பது !
ஆனால் , ஊசி சிறியதாகவும், மலிவானதாகவும் இருந்தாலும் அதன் செயல் சேர்ப்பது .
எதனுடைய மதிப்பும் அதன் செயலைக்கொண்டே நிர்ணயிக்கப்படுகிறது .
அதன் உருவத்தை வைத்து அல்ல “ என்றார்.
நன்றி:முகநூல்