சீர்வரிசை பொருட்கள்...புரோகிதர் மந்திரம்... ஆட்டுக்கும் நாய்க்கும் திருமணம்!

**Powenraj** · **Powenraj** Sun Feb 15, 2015 4:24 pm

சென்னை: சீர்வரிசை பொருட்கள் மற்றும் புரோகிதர் மந்திரத்தோடு இந்து முன்னணியினர் ஆட்டுக்கும், நாய்க்கும் திருமணம் செய்து வைத்த நிகழ்ச்சி சென்னையில் நடந்துள்ளது.
உலகம் முழுவதும் நேற்று காதலர் தினம் காதலர்களால் கொண்டாடப்பட்டு வருகிறது. அதே நேரத்தில் இந்தியாவில் பல்வேறு தரப்பிலும் அரசியல் மற்றும் மத இயக்கங்கள் சார்பில் கடுமையான எதிர்ப்புகளும் எழுந்துள்ளது.
இந்த நிலையில் காதலர் தினத்துக்கு எதிர்ப்பு தெரிவிக்கும் வகையில் இன்று இந்து அமைப்பினர் நூதன போராட்டங்களில் ஈடுபட்டனர். சென்னை ஆர்.கே.நகரில் இந்து முன்னணி சார்பில் ஆண் ஆட்டுக்கும், பெண் நாய்க்கும் திருமணம் செய்து வைக்கப்பட்டது.

இந்து முன்னணி நிர்வாகிகள் பால்ராஜ், ராஜேந்திரன், பாஜக பிரமுகர்கள் கிருஷ்ணகுமார், சக்திவேல் உள்ளிட்டோர் இதில் பங்கேற்றனர். இதில் திருமண சீர்வரிசை பொருட்கள் வைக்கப்பட்டு இருந்தன.மேலும் நிஜ திருமணத்தைப் போலவே புரோகிதர் மந்திரம் ஓத, இந்த திருமணம் நடைபெற்றது.

பாரத் இந்து முன்னணி அமைப்பின் சார்பில் சூளை ஏ.பி. சாலையில் நாய்களுக்குத் திருமணம் செய்து வைக்கப்பட்டது. 2 நாய்களின் கழுத்தில் மாலை போட்டு அதனை ஊர்வலமாக அழைத்து வந்து நாய் திருமணம் நடைபெற்றது.

ஈரோடு மாவட்டம் கோபியிலும், இந்து முன்னணி சார்பில் நாய்களுக்குத் திருமணம் நடைபெற்றது. கன்னியாகுமரி அருகே உள்ள கொட்டாரத்தில் இந்து மகாசபா அமைப்பினர் நாய்களுக்குத் திருமணம் செய்து வைத்து தங்கள் எதிர்ப்பை தெரிவித்தனர்.

விகடன்

**ayyasamy ram** · **ayyasamy ram** Mon Feb 16, 2015 6:17 am

சீர்வரிசை பொருட்கள்...புரோகிதர் மந்திரம்... ஆட்டுக்கும் நாய்க்கும் திருமணம்! 103459460

சிவனாசான் · சிவனாசான் Mon Feb 16, 2015 8:01 am

எல்லாம் சினி கற்பனையே. கற்பனை என்னவோஅபாரமாக இருக்கலாம் அதற்காகவா அத்து மீறல்கள். கலாச்சாரம் என்பது மிருகத்தனமாக செயல்படுவதா...???????வயல்களுக்கு எதற்கு வரப்பு போடராங்க அதுபோல....... ..வரப்பில்லை என்றால் சமவெளிங்க ...வரப்பிருந்தால்தான் வயலுக்கு அழகு...அதுபோல ...என்னங்க இது காதலர்தினமாம் காதலர் தினம் ..சமவெளிபோலாகவா........!!!!!

Sponsored content · Sponsored content

சீர்வரிசை பொருட்கள்...புரோகிதர் மந்திரம்... ஆட்டுக்கும் நாய்க்கும் திருமணம்!

சீர்வரிசை பொருட்கள்...புரோகிதர் மந்திரம்... ஆட்டுக்கும் நாய்க்கும் திருமணம்!

Re: சீர்வரிசை பொருட்கள்...புரோகிதர் மந்திரம்... ஆட்டுக்கும் நாய்க்கும் திருமணம்!

Re: சீர்வரிசை பொருட்கள்...புரோகிதர் மந்திரம்... ஆட்டுக்கும் நாய்க்கும் திருமணம்!

Re: சீர்வரிசை பொருட்கள்...புரோகிதர் மந்திரம்... ஆட்டுக்கும் நாய்க்கும் திருமணம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக