ஜல்...ஜல்... என ஒலி எழுப்பும் சிங்கார சலங்கைகள் தயாரிப்பு

**பழ.முத்துராமலிங்கம்** · 27/09/2015

தினகரன்
Wednesday, 30 Dec, 8.14 பம்

ஜல்...ஜல்... என ஒலி எழுப்பும் சிங்கார சலங்கைகள் தயாரிப்பு

சிங்கம்புணரி: பொங்கல் பண்டிகையை முன்னிட்டு காளைகளை அலங்கரிக்கும் வகையில் சிங்கம்புணரியில் சலங்கைகள் தயாரிக்கும் பணி மும்முரமாக நடந்து வருகிறது. தமிழர்களின் வீர விளையாட்டாக ஜல்லிக்கட்டு கருதப்படுகிறது.

கடந்த ஆண்டு ஜல்லிக்கட்டு நடைபெறாததால் மக்கள் ஏமாற்றம் அடைந்தனர். வரும் பொங்கலன்று ஜல்லிக்கட்டை நடத்த கோரி பல்வேறு அமைப்பினர், அரசியல் கட்சியினர் பல்வேறு போராட்டங்களை நடத்தி வருகின்றனர்.

ஜல்லிக்கட்டு நடைபெறும் என்ற நம்பிக்கையில் ஜல்லிக்கட்டு காளை உரிமையாளர்கள் காளைகளுக்கு நீச்சல் பயிற்சி உள்ளிட்ட பயிற்சி அளித்து வருகின்றனர். மாடுபிடி வீரர்களும் தயாராகி வருகின்றனர்.

ஜல்லிக்கட்டு ஒரு புறம் இருந்தாலும், மாட்டு பொங்கலன்று விவசாயிகள் தங்களது உழவுமாடுகள், பசு ஆகியவற்றை குளிப்பாட்டி வண்ண பொடிகளால் அலங்கரித்து கொம்பிற்கு பெயின்ட் அடிப்பர். புது பிடிகயிறு, மண்டைக்கயிறு, மூக்கணாங்கயிறு கட்டியும், கழுத்திற்கு சலங்கை மணி கட்டியும் பொங்கல் வைத்து வழிபாடு செய்வர்.

பொங்கலுக்கு ஜல்லிக்கட்டு நடைபெறும் என்ற நம்பிக்கையில் சிவகங்கை மாவட்டம் சிங்கம்புணரியில் காளைகளை அலங்கரிக்கும் சலங்கை மணிகள் தயாரிக்கும் பணி மும்முரமாக நடைபெற்று வருகிறது. கட்சி கொடிகள், சமுதாய கொடிகள் வண்ணத்தில் குஞ்சங்கள் வைத்து பித்தளை, சில்வர் மணிகளை கொண்டு சலங்கைகள் தயாரிக்கப்பட்டு வருகின்றன.

இதுகுறித்து சலங்கை தயாரிப்பாளர்கள் கூறுகையில், 'சில ஆண்டுகளுக்கு முன்பு டிசம்பர் முதல் ஏப்ரல் மாதம் வரை காளைகளுக்கு சலங்கைகள் தயாரிக்கும் பணி நடைபெறும். ஒவ்வொரு சீசனிலும் 50க்கும் மேற்பட்டோர் சலங்கை தயாரிக்கும் பணியில் ஈடுபடுவோம்.

கடந்த 2 ஆண்டாக மஞ்சுவிரட்டு நடத்தப்படுவது நிறுத்தப்பட்டுள்ளதால் சலங்கை விற்பனை பாதிக்கப்பட்டது. இந்த ஆண்டு ஜல்லிக்கட்டு, மஞ்சுவிரட்டு நடைபெறும் என்ற நம்பிக்கையில் குறைந்த அளவில் சலங்கை ஆர்டர் வந்துள்ளது.

ஒரு ஜோடி பித்தளை சலங்கை ரூ.1500க்கும், சில்வர் சலங்கை ரூ.1700க்கும் விற்பனை செய்யப்படுகிறது. 4,6,8 முதல் 15 பல் மணிகள் வரை சலங்கை தயாரிக்கப்படுகிறது. கோயில் காளைகளுக்கு நாக்குமணி, வாழக்காய்மணி என பல வகையான சலங்கை தயாரிக்கப்படுகிறது. மேலும் சலங்கை அளவு எண்ணிக்கையை வைத்து விலை மாறுபடும்.

சலங்கை தயாரிக்கும் பணிகள் தீவிரமாக நடைபெற்று வருவதால் திண்டுக்கல், புதுக்கோட்டை, மதுரை, சிவகங்கை மாவட்டத்தின் பல்வேறு ஊர்களில் இருந்து வியாபாரிகள் வந்து சலங்கை வாங்கி செல்கின்றனர்' என்றனர்.

ஜல்...ஜல்... என ஒலி எழுப்பும் சிங்கார சலங்கைகள் தயாரிப்பு

ஜல்...ஜல்... என ஒலி எழுப்பும் சிங்கார சலங்கைகள் தயாரிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக