கடுமையான பனிப்புயல்: நிலைக்குலைந்த அமெரிக்கா; 16 பேர் சாவு

**ayyasamy ram** · **ayyasamy ram** Mon 25 Jan 2016 - 16:18

-
அமெரிக்காவைத் தாக்கியுள்ள பனிப்புயலால் கடலோரங்களில் உள்ள 10 மாகாணங்களில் இயல்பு வாழ்க்கை நிலைக்குலைந்துள்ளது. இந்த பனிப்புயலில் சிக்கி குறைந்தது 16 பேர் இறந்திருக்கலாம் எனத் தெரிகிறது.
-
மிகுந்த பனிப்பொலிவால் பெரும்பாலான இடங்களில் மின்விநியோகம் தடைப்பட்டுள்ளது. பாதிக்கப்பட்டுள்ள இடங்களில் 15 முதல் 25 இஞ்ச் வரை பனிப்படலம் படர்ந்துள்ளது.
-
பனிப்புயல் வீசுவதால், 10 மாகாணங்களில் அவசநிலை பிரகடனம் செய்யப்பட்டுள்ளது.
-

**ayyasamy ram** · **ayyasamy ram** Mon 25 Jan 2016 - 16:20

கடுமையான பனிப்புயல்: நிலைக்குலைந்த அமெரிக்கா; 16 பேர் சாவு Yd9Vvg5TPakCPHiqTPhL+ussnow2

-

நியூயார்க் சிட்டி நகரில் போக்குவரத்துக்கு தடை செய்யப்பட்டுள்ளது.
மெட்ரோ ரயில் சேவையும் நிறுத்தப்பட்டுள்ளது.

''நியூயார்க் நகர மக்கள் வீட்டியிலேயே இருக்குமாறு அறிவுறுத்தப்படுகிறார்கள்.
அனைத்து வகையான வாகனப் போக்குவரத்துக்கும் தடை செய்யப்பட்டுள்ளது.
அப்போதுதான் நெருக்கடிக்கால வாகனங்களை இயக்க முடியும்.

இந்தப் பனிப்புயல் கடந்து செல்லும் வரை அனைத்து நியூயார்க் மக்களும்
பாதுகாப்பான இடங்களில் தங்கியிருக்க வேண்டும்'' என நியூயார்க் சிட்டி
மேயர் பில் டி பிளேசியோ கூறியுள்ளார்.

மேலும், அவசரகால வாகனங்கள் தவிர பிற வாகனங்களை இயக்குபவர்கள்
கைது செய்யப்படுவர் என்றார்.

வாஷிங்டன் டிசி நகரிலும் மெட்ரோ ரயில் சேவை நிறுத்தப்பட்டுள்ளது.
நியூ ஜெர்ஸி ஆளுநர் கிரிஸ் கிரிஸ்டி அம்மாகாணத்தில் அவசரநிலையை பிரகடனம்
செய்துள்ளார்.

**ayyasamy ram** · **ayyasamy ram** Mon 25 Jan 2016 - 16:21

கடுமையான பனிப்புயல்: நிலைக்குலைந்த அமெரிக்கா; 16 பேர் சாவு ZBc7cjU2TaoP9ITxOcMs+ussnow1

-
ஆயிரத்துக்கும் அதிகமான விமானச் சேவைகள் ரத்து செய்யப்பட்டுள்ளன.
கடற்கரையோரம் வசிக்கும் மக்கள் வீடுகளிலோ அல்லது பாதுகாப்பான
இடங்களுக்கோ செல்லுமாறு அதிகாரிகள் அறிவுறுத்தியுள்ளனர்.

இந்தப் பனிப்புயல் மிக அரிதான ஒன்றாக உள்ளது. இந்த பனிப்பயுலால்
கடந்த 24 மணி நேரத்தில் ஓர் அடி உயரத்துக்கும் பனிப் படர்ந்துள்ளது என வானிலை
அதிகாரி எலியட் கூறினார்.

பனிப்பொலிவால் ஏராளமான வாகன விபத்துகள் ஏற்பட்டுள்ளதாக காவல் துறை
அதிகாரிகள் கூறினர். பென்சில்வேனியா மாகாணத்தில் 500 வாகனங்கள் எங்கும்
நகர இயலாதபடி சிக்கியுள்ளதாக சி.என்.என். செய்தி நிறுவனம் கூறியுள்ளது.

மத்திய அட்லாண்டிக் பகுதியில் உருவாகியுள்ள குறைந்த தாழ்வழுத்த நிலை
காரணமாக இந்தப் பனிப்பொழிவு நீடிக்கும் என வானிலை மையம் அறிவித்துள்ளது.
வாஷிங்டன் டிசி, பாலிட்மோர், ப்ளூ ரிட்ஜீ மலைப் பகுதிகளில் அதிக அளவு
பனிப்பொழிவு இருக்கும். இதுதவிர சில கடற்கரைப் பகுதிகளில் வெள்ளம் ஏற்படவும்
வாய்ப்பிருப்பதாக வானிலை ஆய்வு மையம் அறிவித்துள்ளது.
-
-----------------

Sponsored content · Sponsored content

கடுமையான பனிப்புயல்: நிலைக்குலைந்த அமெரிக்கா; 16 பேர் சாவு

கடுமையான பனிப்புயல்: நிலைக்குலைந்த அமெரிக்கா; 16 பேர் சாவு

Re: கடுமையான பனிப்புயல்: நிலைக்குலைந்த அமெரிக்கா; 16 பேர் சாவு

Re: கடுமையான பனிப்புயல்: நிலைக்குலைந்த அமெரிக்கா; 16 பேர் சாவு

Re: கடுமையான பனிப்புயல்: நிலைக்குலைந்த அமெரிக்கா; 16 பேர் சாவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக