டிரைவருடன் சொகுசு காரை கடத்திய கும்பலை தடுத்து நிறுத்திய நவீன தொழில்நுட்பப் புரட்சி

உத்தரப்பிரதேசம் மாநிலம், காசியாபாத் நகரில் நேற்று நடைபெற்ற ஒரு திருமணத்துக்கு அப்பகுதியின் பிரபல தொழிலதிரான ஷர்மா என்பவர் தனது விலையுயர்ந்த சொகுசு காரில் சென்றிருந்தார்.

காரை பார்க்கிங்கில் நிறுத்திவிட்டு, டிரைவர் வெளியே காத்திருக்க, தனது குடும்பத்தாருடன் ஷர்மா திருமண மண்டபத்துக்குள் சென்றார். அப்போது, பார்க்கிங் பகுதிக்குவந்த நான்கு பேர் கார் டிரைவர் அனில் கவுஷிக் என்பவரை மிரட்டி, காரின் சாவியை பறித்து, அவரை பின்சீட்டில் தள்ளி, படுவேகமாக அந்த சொகுசு காரை கடத்திச் சென்றனர்.

கார் புறப்பட்டு சென்று கொண்டிருப்பது கைபேசியில் இருந்த ஜி.பி.எஸ். மூலம் ஷர்மாவுக்கு தெரியவந்தது. உடனடியாக டிரைவரின் கைபேசியை அவர் தொடர்பு கொண்டார். ஆனால், ஓடும் காருக்குள் பிணைக்கதியாக பிடிபட்டிருந்த டிரைவர் அனில் கவுஷிக்கால் அந்த அழைப்பை ஏற்க முடியவில்லை.

இதனால், ஏதோ விபரீதம் நடந்துள்ளது என்பதை தீர்மானித்துக் கொண்ட ஷர்மா, திருமண மண்டபத்தில் இருந்தவாறே தனது கைபேசியில் இருந்த ஜி.பி.எஸ். இணைப்பின் மூலம் காரின் என்ஜின் இயக்கத்தை நிறுத்தினார். அதற்குள் கவிநகர் என்ற பகுதியில் உள்ள மேம்பாலத்தின்மீது சென்று கொண்டிருந்த காரின் என்ஜின் தானாகவே அணைந்து, செயலிழந்து வேகம் குறைந்து நின்றது.
-maalaimalar
காரை ஸ்டிராட் செய்ய கடத்தல்காரர்கள் பலவாறு முயன்றும் அவர்களின் முயற்சி பலனளிக்காததால் காரையும், டிரைவரையும் அங்கேயே விட்டுவிட்டு அவர்கள் நால்வரும் தப்பியோடினர். இந்த கார் கடத்தல் சம்பவம் தொடர்பாக இந்திராபுரம் போலீஸ் நிலையத்தில் ஷர்மா புகார் அளித்தார்.

அந்த புகாரின் அடிப்படையில் வழக்குப்பதிவு செய்து கடத்தல் பேர்வழிகளை தேடிவரும் போலீசார், கவிநகர் மேம்பாலத்தின் மீது அனாதையாக நின்றிருந்த காரை உரிமையாளரிடம் ஒப்படைத்தனர்.

//இதனால், ஏதோ விபரீதம் நடந்துள்ளது என்பதை தீர்மானித்துக் கொண்ட ஷர்மா, திருமண மண்டபத்தில் இருந்தவாறே தனது கைபேசியில் இருந்த ஜி.பி.எஸ். இணைப்பின் மூலம் காரின் என்ஜின் இயக்கத்தை நிறுத்தினார். அதற்குள் கவிநகர் என்ற பகுதியில் உள்ள மேம்பாலத்தின்மீது சென்று கொண்டிருந்த காரின் என்ஜின் தானாகவே அணைந்து, செயலிழந்து வேகம் குறைந்து நின்றது.//

நல்ல டெக்னாலஜி இல்லையா?...............அத்தோடு காரையும் பூட்டும்படிக்கு  செய்திருக்கலாம் . ....திருடர்கள் உள்ளேயே இருந்திருப்பார்கள் போலிஸ் வரும் வரை

அதிசயமாக இருக்கிறதே முதலாளியின் சமயோசித முயற்சிக்கு பாராட்டுக்கள்