தவறு யார் செய்தது?

சசி · சசி Mon Mar 14, 2016 7:06 pm

தவறு யார் செய்தது?

மனதை குலைக்கும்
பார்வை!

மௌனமான ஓர்
ஆழமான புன்னகை!

வறுமையின் ஏக்கம்
கண்களில்!

வறுமையின் கோரம்
ஒட்டிய கன்னம்!

எண்ணெய் இடாத தலை
எண்ணமெல்லாம்
ஏழ்மையின் நிலை!
வாட்டிய வறுமை
வாடு(ழு)ம் குழந்தை '

தவறு யார் செய்தது?!
அப்பாவானவனின்
அசிரத்தையால் வந்த
குழந்தை!

மூட்டையை முதுகில்
சுமந்து மூச்சு முட்டி
இயன்ற பணமெல்லாம்
மூச்சு முட்ட குடிப்பதற்கு!?

பாவம் அவன் என்ன
செய்வான்?
அருகிலேயே அரசு
மதுபானக் கடை இருக்க '!

வருமானம் அரசுக்கு
போகட்டுமே என்று
நினைத்து விட்டான் போலும்!
வரும்படியை வாக்கு
வங்கி அரசியலுக்கு
பயன்படுத்தும் அரசு?!

வளரும் குழந்தைக்கு
பயன்படுத்துகிறதா?
இல்லையே!

வறுமையின் கோரம்
வளரும் குழந்தையின்
முகத்தில் ஏக்கமாய்
பரிதாபமாய்
பார்வையிலேயே
படுகொலை செய்கிறதே

ஈரமானவர்களின் நெஞ்சத்தை!

அரசு என்ன செய்யப்போகிறது?
உழைப்பு இருக்கிறது
ஆனால் வறுமையும் சேர்ந்தே
வருகிறது?
தவறு யார் செய்தது?

**T.N.Balasubramanian** · **T.N.Balasubramanian** Mon Mar 14, 2016 10:03 pm

மக்களுக்கு இலவசத்தின் மீது மோகம்
இலவசத்தை ஆரம்பித்த அரசு
அதன் தொடர்ச்சியாக அடுத்த அரசும்
இதை மட்டும் கடைபிடித்தது.
இலவசம் தர ,நிதி எப்பிடி கிடைக்கும் ?
சுலபமாக கிடைப்பது மது மூலம்தான் .
தமிழ்நாட்டின் ஜனத்தொகையில் எவ்வளவு விழுக்காடு மக்கள்
குடிக்கின்றனர் ?
மதிகெட்டு குடிக்கும் மக்கள் , தன்னிலை மறக்கக் குடிக்கிறார்கள் .
ஆனால் மறக்காமல் மதுக்கடையை நாடுகிறார்கள் .
அரசு மதுபான கடைகள் இல்லாவிட்டால் கள்ளசாராயம் குடிப்பார்கள் .
கண் பார்வை இழப்பார்கள்
மக்களாவே திருந்தவேண்டும் .
இலவசங்கள் அறவே வேண்டாம் என கூறவேண்டும் யாவரும் .
யாரும் யாரையும் திருத்தமுடியாது ,
திருந்தவேண்டும் என சம்பந்தப்பட்டவர் மனதில் கொண்டாலே
திருந்தமுடியும் .
தவறு செய்தது யார் என்றால் அரசையோ /நண்பர்களையோ / எழ்மையையோ
காரணம் காட்டக்கூடாது . யாரும் யார் வாயிலும் பாலாடை மூலம் புகட்டுவதில்லை .
தப்பு செய்தாய் என ஆள்காட்டி விரலை நீட்டும் போது ,
மூன்று விரல்கள் உன்னையே காட்டுகின்றன என்பதை நாம் அறியவேண்டும் .

அர்த்தமுள்ள கவிதையாக இருக்கிறது என்று மேலோட்டமாக சொல்ல விருப்பமில்லாததால்
பின்னூட்டம் நீண்டு விட்டது ,சசி .
ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

சிவனாசான் · சிவனாசான் Tue Mar 15, 2016 4:21 am

இதற்கான விடிவு காலம் விரைவில் வர இருக்கிறது...சட்டத்தை மதிக்கின்ற மதிக்கச் செய்கிற அரசு நிர்வாகம் வந்தால் தான் தெரியும் இதெற்கெல்லாம் தீர்வு>>>>>>>>>

சசி · சசி Tue Mar 15, 2016 9:35 am

T.N.Balasubramanian wrote:மக்களுக்கு இலவசத்தின் மீது மோகம்
இலவசத்தை ஆரம்பித்த அரசு
அதன் தொடர்ச்சியாக அடுத்த அரசும்
இதை மட்டும் கடைபிடித்தது.
இலவசம் தர ,நிதி எப்பிடி கிடைக்கும் ?
சுலபமாக கிடைப்பது மது மூலம்தான் .
தமிழ்நாட்டின் ஜனத்தொகையில் எவ்வளவு விழுக்காடு மக்கள்
குடிக்கின்றனர் ?
மதிகெட்டு குடிக்கும் மக்கள் , தன்னிலை மறக்கக் குடிக்கிறார்கள் .
ஆனால் மறக்காமல் மதுக்கடையை நாடுகிறார்கள் .
அரசு மதுபான கடைகள் இல்லாவிட்டால் கள்ளசாராயம் குடிப்பார்கள் .
கண் பார்வை இழப்பார்கள்
மக்களாவே திருந்தவேண்டும் .
இலவசங்கள் அறவே வேண்டாம் என கூறவேண்டும் யாவரும் .
யாரும் யாரையும் திருத்தமுடியாது ,
திருந்தவேண்டும் என சம்பந்தப்பட்டவர் மனதில் கொண்டாலே
திருந்தமுடியும் .
தவறு செய்தது யார் என்றால் அரசையோ /நண்பர்களையோ / எழ்மையையோ
காரணம் காட்டக்கூடாது . யாரும் யார் வாயிலும் பாலாடை மூலம் புகட்டுவதில்லை .
தப்பு செய்தாய் என ஆள்காட்டி விரலை நீட்டும் போது ,
மூன்று விரல்கள் உன்னையே காட்டுகின்றன என்பதை நாம் அறியவேண்டும் .

அர்த்தமுள்ள கவிதையாக இருக்கிறது என்று மேலோட்டமாக சொல்ல விருப்பமில்லாததால்
பின்னூட்டம் நீண்டு விட்டது ,சசி .
ரமணியன்

மேற்கோள் செய்த பதிவு: 1197654

மிகவும் நன்றி ஐயா. மக்கள் தானாக முன்வந்து திருந்த வேண்டும்! இல்லையேல் வருங்காலம் மிகவும் கேள்வி குறியாகி விடும்.
அரசும் நடவடிக்கை எடுக்க வேண்டும்!
கள்ளத்தனமாக குடிப்பது என்றால் அனைவரும் குடிப்பதற்கு முன்வர மாட்டார்கள்!

**T.N.Balasubramanian** · **T.N.Balasubramanian** Tue Mar 15, 2016 2:52 pm

கள்ளத்தனமாக குடிக்க அதிக மக்கள் வரமாட்டார்கள் என்பது ஒரு பக்க உண்மை ஆனாலும் ,
கள்ள சாராயத்தில் பாட்டரி கழிவுகள் , அழுகிய பழங்கள் , சாகடிக்கப்பட்ட பல்லிகள், முதலியன
எரி சாராயம் முதலியவை கலக்கப் படுவதால் , கண் பார்வை பறி கொடுத்தவர்கள் பல்லாயிரம் பேர்கள் .

ரமணியன்

**krishnaamma** · **krishnaamma** Wed Mar 16, 2016 1:19 am

நல்ல கவிதை சசி........வழக்கம் போலவே ! ஜாலி

; )
.
.
.
" திருடராய் பார்த்து திருந்தாவிட்டால் திருட்டை ஒழிக்க முடியாது " என்பது போலத்தான் இதுவும் சோகம்

சசி · சசி Wed Mar 16, 2016 8:19 am

krishnaamma wrote:நல்ல கவிதை சசி........வழக்கம் போலவே ! ; )
.
.
.
" திருடராய் பார்த்து திருந்தாவிட்டால் திருட்டை ஒழிக்க முடியாது " என்பது போலத்தான் இதுவும்

மேற்கோள் செய்த பதிவு: 1197813

நன்றி அம்மா!இன்னும் ஒரு அதிர்ச்சி செய்தி குடிக்கும் மாணவர்களை பற்றி! அதை தனி கவிதையாக பதிவு செய்கிறேன் அம்மா!
மனம் மிகவும் வருந்தி வருத்தத்தை பதிவு செய்கிறேன்.

**krishnaamma** · **krishnaamma** Wed Mar 16, 2016 11:14 am

சசி wrote:
krishnaamma wrote:நல்ல கவிதை சசி........வழக்கம் போலவே ! ; )
.
.
.
" திருடராய் பார்த்து திருந்தாவிட்டால் திருட்டை ஒழிக்க முடியாது " என்பது போலத்தான் இதுவும்
மேற்கோள் செய்த பதிவு: 1197813

நன்றி அம்மா!இன்னும் ஒரு அதிர்ச்சி செய்தி குடிக்கும் மாணவர்களை பற்றி! அதை தனி கவிதையாக பதிவு செய்கிறேன் அம்மா!
மனம் மிகவும் வருந்தி வருத்தத்தை பதிவு செய்கிறேன்.

மேற்கோள் செய்த பதிவு: 1197827

ஆமாம் சசி, நானும் பேப்பரில் பார்த்தேன் 10ம் வகுப்பு மாணவர்கள் மட்டும் இல்லை மாணவிகளும் (?) குடிக்கராங்களாமே ?.................... அதிர்ச்சி