பள்ளி செல்லாத கவிஞருக்கு பத்மஸ்ரீ விருது

**ayyasamy ram** · **ayyasamy ram** Sat Apr 02, 2016 5:41 pm

-
புதுடில்லி :
மூன்றாம் வகுப்பு வரை மட்டுமே படித்துள்ள
ஒடிசா மாநில கவிஞர் ஹல்தார் நாக் என்பவருக்கு
பத்மஸ்ரீ விருது கிடைத்துள்ளது.
–
ஒடிசா மாநிலம் பல்காரா மாவட்டத்தில் ஹல்தார்
நாக்(66) பிறந்தார். ஏழ்மையான குடும்பத்தில் பிறந்த
இவர் இளம் வயதில் தந்தையை இழந்ததால்
குடும்பத்தை நிர்வகிக்கும் பொறுப்பு இவருக்கு வந்தது.
–
வறுமை காரணமாக மூன்றாம் வகுப்புடன் பள்ளிப்
படிப்பை நிறுத்தினார். பள்ளியில் 16 ஆண்டுகள்
சமையல் வேலை பார்த்துள்ளார். பின் ஆயிரம் ரூபாய்
கடன் வாங்கி, பள்ளி மாணவர்களுக்காக தின்பண்டங்கள்
கடை வைத்து நடத்தி வந்துள்ளார்.
–
அப்போது ‘தோடோ பார்க்கச்’ எனும் தனது முதல் கவிதை
தொகுப்பை வெளியிட்டார். பின்னர் கொஸ்லி மொழியில்
இயற்கை, மதம், சமூகம், புராணம் உள்ளிட்டவை
தொடர்பாக ஏராளமான கவிதைகள், கதைகளை எழுதி
வருகிறார்.
–
தொடக்கத்தில் நாட்டுப்புற கதைகளை எழுதிய இவர்
20 காவியங்களை இயற்றியுள்ளார்.
–
சம்பல்பூர் பல்கலைகழகம் ஹல்தாரின் கவிதைகளை
பாடத்திட்டத்தில் சேர்த்து அவருக்கு சிறப்பளித்துள்ளது.
மேலும் அவருடைய ‘ஹல்தார் கிரந்தபலி- 2 ‘ என்ற
கவிதை தொகுப்பை விரைவில் வெளியிட உள்ளது.
–
இவரின் கவிதைகள், காவியங்களை ஆராய்ந்து
5 பேர் முனைவர் பட்டம் பெற்றுள்ளனர்.
–
இவர் தனது படைப்புகள் வழியாக மனித மாண்புகளை
மையப்படுத்தி சமூக மாற்றத்தை வலியுறுத்தி வருகிறார்.
ஒடிசா, சத்தீஸ்கர் மாநிலத்தில் இவரது கவிதைகளுக்கு
ரசிகர்கள் ஏராளம்.
–
இளம் கவிஞர்கள் இவரின் எழுத்து நடையை பின்பற்றி
பல நல்ல படைப்புகளை இயற்றி வருகின்றனர்.
இவருடைய வாழ்க்கையை பி.பி.சி., நிறுவனம் ஆவணப்
படமாக எடுத்துள்ளது.
–
இவரின் பணியை சிறப்பிக்கும் விதமாக இந்திய அரசு
கடந்த வாரம் இலக்கியத்திற்கான பத்மஸ்ரீ விருதை வழங்கி
கவுரவித்துள்ளது.
–
——————————–
தினமலர்

**M.Jagadeesan** · **M.Jagadeesan** Sat Apr 02, 2016 6:10 pm

படிக்காத மேதைகளும் , படித்த முட்டாள்களும் உலகத்தில் இருக்கத்தான் செய்கின்றனர் .
இவர் " படிக்காத மேதை "

சிவனாசான் · சிவனாசான் Sat Apr 02, 2016 7:53 pm

பாராட்டலாம். வாழ்க பல்லாண்டு புகழுடன்.

Sponsored content · Sponsored content

பள்ளி செல்லாத கவிஞருக்கு பத்மஸ்ரீ விருது

பள்ளி செல்லாத கவிஞருக்கு பத்மஸ்ரீ விருது

Re: பள்ளி செல்லாத கவிஞருக்கு பத்மஸ்ரீ விருது

Re: பள்ளி செல்லாத கவிஞருக்கு பத்மஸ்ரீ விருது

Re: பள்ளி செல்லாத கவிஞருக்கு பத்மஸ்ரீ விருது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக