எதை எழுத

**M.M.SENTHIL** · **M.M.SENTHIL** Fri Aug 19, 2016 7:55 pm

கவிதை எழுத
எனக்கும் ஆசைதான்,
ஆனாலும்
பேனா கையில் பிடித்தவுடன், அரசியலா, சமூக கருத்தா,
காதலா எதை எழுத
என்று யோசிக்கவே
நேரம் சரியாக இருக்கிறது!!

அரசியலை பாடினால்
எங்கிருந்து அம்பு வரும்
யார் எய்தவர் என்று தெரியாது!!

சமூகத்தை பாடினால்
ஜெயிலுக்கு போகணும்,
ஆம் இங்கே சமூகத்தின்
அவலத்தை கூறினால் குற்றவாளி!!

காதலை பாடினால்
காதல் கிறுக்கன்
என்றொரு பெயர் வருகிறதே!!

ஆக,
கவிதை எழுதுவது
பெரிய விசயமல்ல
அறிவுள்ள எல்லோரும்
அருமையாய் எழுதலாம்,
ஆனால் எதை எழுத
ஒரு கவியாய் என்பதே
கவிஞர்களுக்கு
விடை தெரியா வினா!!!

**விமந்தனி** · **விமந்தனி** Fri Aug 19, 2016 8:41 pm

குழப்பம் தானே கவிஞனுக்கு கருவாய் அமைகிறது கவி பாட..... எதை எழுத 3838410834

இந்த பதிவைத் துவங்கியவர் நன்றி கூறியுள்ளார் விமந்தனி

**M.M.SENTHIL** · **M.M.SENTHIL** Fri Aug 19, 2016 9:20 pm

விமந்தனி wrote: குழப்பம் தானே கவிஞனுக்கு கருவாய் அமைகிறது கவி பாட.....

மேற்கோள் செய்த பதிவு: 1219267

ஆம் அக்கா, குழம்பியதால்தான் இந்த கிறுக்கலே

**M.Jagadeesan** · **M.Jagadeesan** Fri Aug 19, 2016 9:31 pm

சிலசமயம் கவிதை வரிகள் கரைபுரண்டு வந்தாலும் , எழுதுவதற்கு நமக்கு நேரமிருக்காது. நேரமிருந்தாலும் சூழ்நிலை ஒத்துவராது . ஏதேனும் வேலைகள் வந்துகொண்டே இருக்கும். அப்படி எழுதாமல் போன கவிதைகள் எத்தனையோ !

எழுதாக் கவிதை.
=============
காலை வேளை எழுந்தேனா
கவிதை எழுத நினைத்தேனா

காகிதம் எடுத்து வைத்தேனா
கவிதை புனைய முனைந்தேனா

ஐயா ! சாமி ! என்றதொரு
அழுகுரல் தெருவில் கேட்டேனா

ஓடிச் சென்று பார்த்தேனா
ஒல்லிய உருவம் கண்டேனா

பசியின் கொடுமை எல்லாமே
கசியும் கண்களைப் பார்த்தவுடன்

ஓடிச் சென்று அவனுக்கு
ஒருவாய் சோறு போட்டேனா

மீண்டும் கட்டிலில் அமர்ந்தேனா
கவிதை எழுத முனைந்தேனா

வீரிட்டு அழுதது என்குழந்தை
வாரி எடுத்து அணைத்தேனா

கலந்து வைத்த பசும்பாலை
குழந்தை குடிக்கக் கொடுத்தேனா

ஓங்கிய பசியும் அடங்கியதால்
தூங்கிய குழந்தையைக் கண்டேனா

தொட்டிலில் குழந்தையைப் போட்டேனா
கட்டிலில் வந்து அமர்ந்தேனா

மீண்டும் கவிதை எழுதிடவே
முயன்று நானும் பார்த்தேனா

கண்ணைப் பறிக்கும் மின்னலுடன்
விண்ணைப் பிளக்கும் இடியோசை

சூறைக் காற்றும் பேய்மழையும்
கோர தாண்டவம் ஆடியதால்

காகிதம் காற்றில் பறந்ததுவே
கவிதை நெஞ்சமும் முறிந்ததுவே.
.

சிவனாசான் · சிவனாசான் Sat Aug 20, 2016 6:39 am

நாட்டை ஜனநாயகன் ஆண்டால் எண்ணப்படி எழுதலாம் ஆனால் , ஆள்வதும் ஆள நினைப்பதும் ஆக இரு தரத்தாரும் விரோதிகள் போலத்தானே மன்றத்தில் செயல்படுகிறார்கள்.எனவே எதையும் எழுத தயக்கமே தான்>>>>>>>>>>>?>?

Sponsored content · Sponsored content

எதை எழுத

எதை எழுத

Re: எதை எழுத

Re: எதை எழுத

Re: எதை எழுத

Re: எதை எழுத

Re: எதை எழுத

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக