கருணாநிதியால் யாதவை முந்த முடியுமா?

**T.N.Balasubramanian** · **T.N.Balasubramanian** Mon Oct 03, 2016 5:52 pm

கருணாநிதியால் யாதவை முந்த முடியுமா?

ச.வெங்கட்ராமன், சென்னையிலிருந்து எழுதுகிறார்: தி.மு.க., தலைவர் கருணாநிதியின் நீட்டிக்கப்பட்ட குடும்ப அங்கத்தினர்கள், சமாஜ்வாதி கட்சியின் தலைவரான முலாயம் சிங் யாதவின் குடும்பத்தை விஞ்சியிருக்க வாய்ப்பில்லை!
உ.பி.,யில், ஆளும் கட்சி தலைவரான, முலாயம் சிங் யாதவ், முடிசூடா தலைவராக திகழ்கிறார்; அவர் குடும்பத்தில் பலம் வாய்ந்த உறுப்பினர்களின் பட்டியலும், அவர்கள் வகிக்கும் அரசு சார்ந்த பதவிகளும் இதோ...
● முலாயம் சிங் யாதவ்: சமாஜ்வாதி கட்சியின் நிறுவனர், தலைவர், உ.பி.,யின் அஜம்கர் தொகுதி எம்.பி.,
● அகிலேஷ் யாதவ்: முலாயம் சிங் யாதவின் மூத்த மகன்; எம்.எல்.சி., பதவி மூலம், 2012 முதல், உ.பி., முதல்வராக பதவி வகிக்கிறார்
● டிம்பிள் யாதவ்: முதல்வர் அகிலேஷின் மனைவி; கனோஜ் தொகுதி எம்.பி., - முன்னாள் மாடல் அழகி, சினிமா, 'டிவி' நடிகை
● சிவ்பால் சிங் யாதவ்: முலாயம் சிங் யாதவின் இளைய சகோதரர், அகிலேஷின் கேபினட்டில் பசையுள்ள பொதுப்பணி துறை அமைச்சர்
● ஆதித்ய யாதவ்: சிவ்பால் யாதவின் மகன்; உ.பி., கோ - ஆப்பரேடிவ் பெடரேஷன் சேர்மன்
● அஜந்த் யாதவ்: முலாயம் மனைவியின் சகோதரர்; உ.பி., பிளாக் டெவலப்மென்ட் கவுன்சில் பிரதிநிதி
● பிரதீக் யாதவ்: முலாயம் சிங்கின் இளைய மகன்; முலாயம் சிங்கின் இரண்டாவது மனைவி சாதனா குப்தாவிற்கு பிறந்தவர்; ஆச்சரியம் என்னவெனில், எந்த அரசு சார்ந்த பதவியிலும் இவர் இல்லை; ரியல் எஸ்டேட் தொழில் செய்கிறார்; 'ஜிம்' நடத்துகிறார்
● அபர்ணா யாதவ்: பிரதீக் யாதவின் மனைவி. இவர், 2017 சட்டசபை தேர்தலில், லக்னோ கன்டோன்மென்ட் தொகுதியில் போட்டியிட உள்ளார்
● ராம்கோபால் யாதவ்: முலாயம் சிங்கின் ஒன்றுவிட்ட சகோதரர்; ராஜ்யசபா எம்.பி.,
● அக் ஷய் பிரதாப்: ராம்கோபால் யாத வின் மகன்; உ.பி.,யின் பிரோஜாபாத் தொகுதி எம்.பி.,
● தர்மேந்திர யாதவ்: முலாயம் சிங்கின் சகோதரி மகன்; பாதோன் தொகுதி எம்.பி.,
● சந்தியா யாதவ்: தர்மேந்திர யாதவின் சகோதரி; ஜில்லா பஞ்சாயத்து தலைவி
● ஷீலா யாதவ்: தர்மேந்திர யாதவின் சகோதரி; மாவட்ட கவுன்சில் உறுப்பினர்
● வந்தனா யாதவ்: தர்மேந்திர யாதவின் மைத்துனி; இவருக்கு, அரசு சார்ந்த பதவி இன்னும் கொடுக்கவில்லை
● தேஜ் பிரதாப்: முலாயம் சிங்கின் பேரன்; லாலு பிரசாத் யாதவின் மகளை மணந்தவர்; மெயின் புரி தொகுதி எம்.பி.,
● மிருதுலா யாதவ்: தேஜ் பிரதாப் யாதவின் தாய்; பிளாக் டெவலப்மென்ட் கவுன்சில் உறுப்பினர்
● அபிஷேக் யாதவ்: முலாயம் சிங்கின் சகோதரர் அபய் யாதவின் மகன்; எடாவா பஞ்சாயத்து தலைவர்
● பிரேமலதா யாதவ்: அபிஷேக் யாதவின் தாய்; எடாவா பஞ்சாயத்து பிரதிநிதி.இவர்கள், 18 பேரும், 'கல்லா' கட்டும், அரசு அல்லது அரசு சார்ந்த பதவிகளில்
உள்ளனர்.

தினமலர் 25/9/16

ரமணியன்

**T.N.Balasubramanian** · **T.N.Balasubramanian** Mon Oct 03, 2016 6:06 pm

குடும்ப அரசியல்
பிரதமராக கனவு காணும் முலாயம்
பிரதமராக வந்துவிட்டால் ,
2/3 கவர்னர்கள் அவர்கள் குடும்பத்தில் வந்து விடுவார்கள்

ரமணியன்

**ayyasamy ram** · **ayyasamy ram** Mon Oct 03, 2016 6:07 pm

யாதவ் - குடும்ப உறுபினர்கள் மீது ஊழல்
குற்றச்சாட்டுகள் உள்ளனவா?
-
கோடிகள் குவிப்பதில் சாதனை படைத்துள்ளனரா?
-
இவர்களின் வாக்கு வங்கி எத்தனை சதவீதம்?
-
ஒப்பீடு செய்ய இந்த புள்ளிவிபரங்களும் இருந்தால்தான்
முடியும்....!!!

Ramalingam K · Ramalingam K Mon Oct 03, 2016 7:00 pm

ஆனால் பாரதவாசி என்பதால் நாம் எல்லாம் யாதவின் சகோதரர்கள் தானே !

எவ்வளவு உயர்ந்த உள்ளம் இருந்து இருப்பதால் நமக்கு எந்த பதவியையும் அவர் கொடுக்கவில்லை.

130 கோடி உறவுகளில் பதவி பெற்ற அவரது உறவுகள் சதவிகிதத்தில் பார்த்தால் சுழியம் தானே !

**M.Jagadeesan** · **M.Jagadeesan** Mon Oct 03, 2016 9:04 pm

ayyasamy ram wrote:யாதவ் - குடும்ப உறுபினர்கள் மீது ஊழல்
குற்றச்சாட்டுகள் உள்ளனவா?
-
கோடிகள் குவிப்பதில் சாதனை படைத்துள்ளனரா?
-
இவர்களின் வாக்கு வங்கி எத்தனை சதவீதம்?
-
ஒப்பீடு செய்ய இந்த புள்ளிவிபரங்களும் இருந்தால்தான்
முடியும்....!!!

[You must be registered and logged in to see this link.]

எல்லோரும் கல்லாவை நல்லாத்தான் கட்டினார்
வல்லவர் யாரெனக் கேட்கின்றீர் - நல்லாய்கேள் !
சில்லரையில் சேர்க்காது கோடிகளில் ஆட்டையிட்ட
மல்லையாக் குண்டோ நிகர் .

Ramalingam K · Ramalingam K Mon Oct 03, 2016 9:07 pm

ஆம் ஐயா !

இதுவரையில் வெளிப்படையாகத் தெரிந்தவர்களில் நிகரில்லை என்பது உண்மையே

**ராஜா** · **ராஜா** Tue Oct 04, 2016 8:39 am

ஊழலுக்கும், ஆயிரக்கணக்கான கோடி கொள்ளை அடிப்பதற்கும் குடும்பம் இருக்க வேண்டிய அவசியமில்லை என்பதை தான் சமகால இந்திய அரசியல்வாதிகள் பலர் நிரூபித்து வருகின்றனரே புன்னகை

இதில் இவர்கள் இருவர் மட்டும் தான் அயோக்கியர்களை என்ன ....

Ramalingam K · Ramalingam K Tue Oct 04, 2016 8:51 am

ராஜா wrote:ஊழலுக்கும், ஆயிரக்கணக்கான கோடி கொள்ளை அடிப்பதற்கும் குடும்பம் இருக்க வேண்டிய அவசியமில்லை .

[You must be registered and logged in to see this link.]

ஆம் ஐயா !

ஊழல் என்பது ஒரு சர்வ வியாபி. அது ஆதியும் அந்தமும் அற்றது பரம்பொருள்போலவே.

அது குடும்பத்தைப் பற்றிக் கவலைப்படுவதில்லை.

கொள்ளையடிக்க மனமும், அதற்கான பொருளும் , அதற்குச் சாதமான சூழ்நிலையும் - சந்தர்ப்பமும் இருந்து , மனதில் அச்செயல் பாவம் என்னும் பயம் இல்லாமலும் தன்னை யாரும் தட்டிக்கேட்க முடியாது என்னும் அதிகார அந்தஸ்தும் இருந்தாலே போதுமானது - அவ்வாறானால்,

ஊழலில் யார் வேண்டுமானாலும் உச்சத்தில் இருந்து கொண்டு மண்ணிலும் இருக்கலாம் - விண்ணிலும் பறக்கலாம் - நம் அருமை நண்பர் மல்லையா போல.

**T.N.Balasubramanian** · **T.N.Balasubramanian** Tue Oct 04, 2016 9:23 am

கலைஞரை பற்றி எதை /எப்படி சொன்னாலும் ,
அவருடைய சாமர்த்தியம் அசாத்தியமானது .
சிறிய /பெரிய நிறுவனங்களில் , சிலரை superceding the cadres என்பார்கள் .
சீனியர்கள் வீக்னஸ் புரிந்து கொண்டு , அதை ஆயுதமாக ,உபயோகப்படுத்திக்கொண்டு ,
தேன் எடுத்தவன் புறங்கையை நக்காமல் இருப்பானா என்ற சொலவடைக்கேற்ப ,
அதையும் ருசித்து அனுபவித்து , கலைஞர் தி க்ரேட் தான் .அவர் ஒரு கத்திரிக்கோல் போல் .
கத்திரிக்கோல் தன்னை காயப்படுத்திக்காது ,அகப்பட்டதை கத்திரிக்கும்.

ரமணியன்

**M.Jagadeesan** · **M.Jagadeesan** Tue Oct 04, 2016 9:46 am

வாஜ்பாய் முடங்கிவிட்டார் ; அத்வானி முடங்கி விட்டார் . ஆனால் 90 வயதுக்கு மேற்பட்ட ஒரு கிழசிங்கம் கர்ஜித்துக்கொண்டு இருக்கிறது என்றால் அது கலைஞர்தான் !

இதைத்தான்

சிங்கத்தின் கால்கள் பழுது பட்டாலும்
...சீற்றம் குறைவதுண்டோ ?

என்று கண்ணதாசன் பாடினார்.

இந்த பதிவைத் துவங்கியவர் நன்றி கூறியுள்ளார் M.Jagadeesan

கருணாநிதியால் யாதவை முந்த முடியுமா?

கருணாநிதியால் யாதவை முந்த முடியுமா?

Re: கருணாநிதியால் யாதவை முந்த முடியுமா?

Re: கருணாநிதியால் யாதவை முந்த முடியுமா?

Re: கருணாநிதியால் யாதவை முந்த முடியுமா?

Re: கருணாநிதியால் யாதவை முந்த முடியுமா?

Re: கருணாநிதியால் யாதவை முந்த முடியுமா?

Re: கருணாநிதியால் யாதவை முந்த முடியுமா?

Re: கருணாநிதியால் யாதவை முந்த முடியுமா?

Re: கருணாநிதியால் யாதவை முந்த முடியுமா?

Re: கருணாநிதியால் யாதவை முந்த முடியுமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக