சசிகலா முதல்வராக பொறுப்பேற்க ஜெயலலிதா பேரவை தீர்மானம்: அமைச்சர் உதயகுமார் தகவல்

-
ஜெயலலிதா பேரவை கூட்டத்தில் இயற்றப்பட்ட தீர்மான நகலை சசிகலாவிடம் வழங்கினார் அமைச்சர் உதயகுமார்.
தமிழக முதல்வராக சசிகலா பொறுப்பேற்க வேண்டும் என்று அதிமுகவின் ஜெயலலிதா பேரவை யில் தீர்மானம் நிறைவேற்றப் பட்டிருப்பதாக வருவாய்த்துறை அமைச்சர் ஆர்.பி.உதயகுமார் தெரிவித்துள்ளார்.
--

அதிமுக பொதுச்செயலராகவும் தமிழக முதல்வராகவும் சசிகலா பொறுப்பேற்க வேண்டும் என்று அதிமுகவின் ஜெயலலிதா பேர வைக் கூட்டத்தில் தீர்மானம் நிறை வேற்றப்பட்டுள்ளது. வருவாய்த் துறை அமைச்சரும், ஜெயலலிதா பேரவை மாநிலச் செயலருமான ஆர்.பி.உதயகுமார் தலைமையில் பேரவையின் 50 மாவட்டச் செயலர் களும் ஜெயலலிதா நினைவிடத் துக்கு நேற்று வந்திருந்தனர். பேரவைக் கூட்டத்தில் நிறை வேற்றப்பட்ட தீர்மான நகலை ஜெயலலிதாவின் நினைவிடத்தில் வைத்து அஞ்சலி செலுத்தினர். பின்னர் நிருபர்களிடம் அமைச்சர் உதயகுமார் கூறியதாவது:
-
அதிமுக பொதுச்செயலாளராக சசிகலா பொறுப்பேற்று, கட்சிப் பணியை 100 சதவீதம் ஆற்ற வேண்டும். அதிமுக அரசுக்கு தலைமை தாங்கி, ஜெயலலிதா எப்படி மாநில அளவிலும், தேசிய அளவிலும் முதன்மை இடத்திலே வழிநடத்தினாரோ, அதேபோல கட்சியையும் ஆட்சியையும் வழி நடத்த வேண்டும். காலியாக உள்ள ஆர்.கே.நகர் தொகுதியில் போட்டியிட்டு வெற்றி பெற்று முதல்வராகி, ஜெயலலிதா விட்டுச் சென்ற அரசுப் பணியையும் சசிகலா தலைமை ஏற்று செயல்படுத்த வேண்டும்.
-
இது தொடர்பாக ஜெயலலிதா பேரவைக் கூட்டத்தில் தீர்மானம் நிறைவேற்றப்பட்டுள்ளது. அதை ஜெயலலிதாவின் நினைவிடத்தில் வைத்து, அவரது ஆசியைப் பெற்றோம். அதிமுகவுக்கு சசிகலா தலைமையேற்க வேண்டும் என்பது தொண்டர்களின் விருப்பம். மக்கள் சேவையில் அனுபவம் பெற்ற சசிகலா, அரசியல் சேவையும் ஆற்ற வேண்டும். அதிமுகவுக்கு தலைமை யேற்கும் வரை சசிகலாவை தொடர்ந்து வலியுறுத்துவோம்.
-
இவ்வாறு அவர் கூறினார்.
-
அதிமுக அவைத் தலைவர் மதுசூதனன் கூறும்போது, ‘‘எம்ஜிஆர் மறைவுக்கு பிறகு, அன்றிலிருந்து இன்று வரை ஜெயலலிதாவை பாதுகாத்தவர் சசிகலா. மருத்துவமனையில் ஜெய லலிதா 75 நாட்கள் தங்கி சிகிச்சை பெற்றபோது உடனிருந்தவர். அதனால் அதிமுக பொதுச் செயலராக பொறுப்பேற்க சசிகலாவைத் தவிர வேறு யாரும் தகுதியானவர் இல்லை’’ என்றார்.
-
இந்நிகழ்ச்சியின்போது அமைச் சர்கள் சேவூர் ராமச்சந்திரன், கடம்பூர் ராஜூ ஆகியோர் உடனிருந்தனர். அதைத் தொடர்ந்து, போயஸ் கார்டன் சென்று, சசிகலாவிடம் ஜெயலலிதா பேரவை கூட்டத்தில் நிறைவேற்றப்பட்ட தீர்மான நகலை வழங்கினர்.
-
தமிழக வருவாய்த் துறை அமைச்சரும், ஜெயலலிதா பேரவை மாநிலச் செயலருமான ஆர்.பி.உதயகுமார் தலைமையில் பேரவையின் 50 மாவட்டச் செயலர்களும் ஜெயலலிதா நினைவிடத்தில் நேற்று அஞ்சலி செலுத்தினர்.
-
---------------------------------------
தி இந்து

எனக்கு கட்செவியில் வந்த செய்தி .

"டேய், நம்ம ஸ்கூலுக்கு ஒருத்தரை புது ஹெச் எம்மா ப்ரோமோட் பண்ண போறாங்க.

யாரு கணக்கு சாரா..?

இல்லை

அறிவியல் டீச்சரா..?

இல்லை

தமிழய்யா தானே..?

ம்ஹூம்

அப்படின்னா இங்க்லிஷ் சார் தான்..!

கிடையாது.

என்னாது... அப்படின்னா அந்த ஹிஸ்டரி ஜியாக்ரபி மிஸ்சா..! இந்த வருஷம் வேலைக்கு சேர்ந்து... இன்னும் கல்யாணம் கூட ஆகாத ஜுனியர்மோஸ்ட் டீச்சருக்கா  அதுக்குள்ளே ஹெச் எம் ப்ரோமோஷன்..? என்னடா சொல்றே..?

இல்லைடா... நம்ம ஸ்கூல் பியூன் சசிகுமார் சித்தப்பு இல்லே... அவருதான்டா நெக்ஸ்ட் ஹெச் எம்..!

என்னது... சித்தப்புவா..?

ஆமாடா. ரொம்ப வருஷமாவே அவரு நம்ம எக்ஸ் ஹெச் எம் ஆபீசிலேயே... ஹெச் எம் கூடவே ஒண்ணாவே இருந்து ஹெச் எம் எங்கே போனாலும் கூடவே போயி உதவி பண்ணிக்கிட்டு இருந்தார்லே... அதுனாலே அவருதாண்டா அந்த போஸ்டுக்கு சரியான ஆளுன்னு சொல்லி... எல்லா டீச்சிங் ஸ்டாஃபும் ஒன்னு கூடி அவரையே தேர்வு பண்ண போறாங்களாம்டா.

நம்மகிட்டேலாம் யாருமே கருத்து கேட்க மாட்டாங்களாடா... நாம இல்லைன்னா ஸ்கூலே இல்லையேடா மச்சான்...

ரமணியன்