இயற்கை உலகம்!

**krishnaamma** · **krishnaamma** Sun Apr 23, 2017 6:18 pm

இயற்கை உலகம்: வலி அறியாத தேனீக்கள்!

இயற்கை உலகம்! K7Jgiu9HSg6iYh3e441F+Tamil_News_large_1755025_318_219

காயமடைந்த தேனீக்களுக்கு வலியைப் போக்கும் மார்பீன் கலந்த இனிப்பு திரவத்தையும், சாதாரண இனிப்பு திரவத்தையும் தந்து விஞ்ஞானிகள் சோதனை செய்தனர். ஆனால், காயமடைந்த தேனீக்கள் சாதாரண இனிப்பு திரவத்தையே உட்கொண்டன. இதனால், தேனீக்களுக்கு வலி உணர்வு இல்லை என்ற முடிவுக்கு விஞ்ஞானிகள் வந்தததாக, 'ரியல் கிளியர் சயின்ஸ் டாட் காம்' இணைய இதழில் வெளியான ஆய்வுக் கட்டுரை
தெரிவிக்கிறது.

**krishnaamma** · **krishnaamma** Sun Apr 23, 2017 6:19 pm

யானைகளின் உடலறிவு!

இயற்கை உலகம்! WwHPx7iRexR1xywrw1wC+Tamil_News_large_1755026_318_219

வெகு சில விலங்குகளே தங்கள் உடலைப் பற்றிய விழிப்புணர்வு அதிகம் என்று உயிரியல் விஞ்ஞானிகள் கருதுகின்றனர். அந்த வகையில் டால்பின், குரங்குகளுக்கு அடுத்து, யானைகளுக்கு தங்கள் உடலைப் பற்றிய அறிவு அதிகம் என கேம்பிரிட்ஜ் பல்கலைக்கழக விஞ்ஞானிகள் நிரூபித்துள்ளனர்.

விஞ்ஞானிகள், ஒரு தரை விரிப்பில், ஒரு குச்சியை கட்டி வைத்து, அந்த தரை விரிப்பின் மீது யானையை நிற்க வைத்தனர். விரிப்பில் கட்டிய குச்சியை எடுத்து ஆராய்ச்சியாளர்களிடம் யானைகள் தரவேண்டும். இதற்கு தடையாக இருப்பது தான் நின்றிருக்கும் தரை விரிப்பு என்று உணர்ந்து, நகர்ந்து, குச்சியை எடுத்துத் தந்தன யானைகள்!

**krishnaamma** · **krishnaamma** Sun Apr 23, 2017 6:20 pm

பனிக்கரடியின் மோப்ப சக்தி!

இயற்கை உலகம்! Yiem0maKR4eTSM3H5VES+Tamil_News_large_1755024_318_219

பாலுாட்டிகள் மோப்ப சக்தி படைத்தவை என்றாலும், அவை இரை தேடுவதற்கு அந்த சக்தியை பயன்படுத்துகின்றனவா என்பதற்கு ஆதாரங்கள் குறைவு. அண்மையில் முதல் முறையாக துருவக் கரடிகள் காற்றில் மூக்கை உயர்த்தி, இரையின் வாடையை அறிந்து அத்திசையில் பயணிப்பதை, கனடாவிலுள்ள விஞ்ஞானிகள் பதிவு செய்துள்ளனர். இது குறித்த ஆய்வுக் கட்டுரை, 'நேச்சர்' இதழில் வெளியாகியுள்ளது.

**krishnaamma** · **krishnaamma** Sun Apr 23, 2017 6:21 pm

எறும்பு ஆம்புலன்ஸ்!

இயற்கை உலகம்! AByd4xtjQ8OXXsfw9n3Z+Tamil_News_large_1755023_318_219

எறும்புகள் கூட்டமாக செயல்படக்கூடியவை. ஆனால், கரையான்கள் போன்ற எதிரிகளுடன் சண்டை போடும்போது காயமடையும் சக எறும்புகளை, தங்கள் புற்ரை நோக்கி மீண்டும் அவை எடுத்துச் செல்வதை அண்மையில்தான் உயிரியலாளர்கள் கண்டறிந்துள்ளனர்.

கூட்டமாக வசிக்கும் உயிரினங்கள் ஓரிரு உயிர்களுக்கு பாதகம் என்றால் கண்டுகொள்ளாதவை என்று கருதிய உயிரியலாளர்களுக்கு இது மிகப் பெரிய ஆச்சரியத்தை தந்துள்ளது.