இரும்பு பெண்மணி ஐரோம் ஷர்மிளா,திருமணம்...

-

-
இம்பால்:
மணிப்பூரைச் சேர்ந்த இரும்பு பெண்மணி ஐரோம் ஷர்மிளா,
தனது நீண்ட கால காதலரான இங்கிலாந்தை சேர்ந்த
டெஸ்ட்மான்ட் கெடின்கோவை திருமணம் செய்ய முடிவு
செய்து உள்ளார்.

இவர்களது திருமணம் தமிழ்நாட்டில் (2017)ஜூலை கடைசி
வாரத்தில் நடைபெறும் என்று தகவல்கள் வெளியாகி உள்ளது.

போராளியான இவர் சர்ச்சைக்குரிய ஆயுதப் படை
(சிறப்பு அதிகாரம்) சட்டத்துக்கு எதிராக 16 ஆண்டு காலம்
உண்ணாவிரத போராட்டம் நடத்தினார்.

சமீபத்தில் நடந்த மணிப்பூர் சட்டசபை தேர்தலில்
ஐரோம் ஷர்மிளா தனிக்கட்சி தொடங்கி போட்டியிட்டார்.
முன்னாள் முதல்வரும், காங்கிரஸ் தலைவருமான
இபோபி சிங்குக்கு எதிராக களத்தில் குதித்து வெறும்
90 ஓட்டுகளே பெற்று தோல்வி அடைந்தார்.

இந்த நிலையில் ஐரோம் ஷர்மிளா தனது நீண்ட கால
காதலரான டெஸ்ட்மான்ட் கெடின்கோவை திருமணம் செய்ய
முடிவு செய்து உள்ளார்.

யார் இந்த டெஸ்ட் மான்ட்

2009ம் ஆண்டு ஐரோம் ஷர்மிளா பற்றி 'பர்னிங் பிரிட்ஜ்' என்ற
புத்தகம் வெளியானது. இதை படித்த இங்கிலாந்தை சேர்ந்த
டெஸ்ட்மான்ட் அவரது போராட்டத்தால் ஈர்க்கப்பட்டார்.

இதுகுறித்து அவர் ஷர்மிளாவுக்கு கடிதம் எழுதி இருந்தார்.
இருவருக்கும் நல்ல நட்பு மலர்ந்தது.2011ம் ஆண்டு பிப்ரவரி
மாதம் இந்தியா வந்த டெஸ்ட்மான்ட் இம்பாலில்
இரோம் ஷர்மிளாவை முதல் முறையாக சந்தித்தார்.
அவர்களது நட்பு காதலாக மாறியது.

முதலில் இருவரும் இங்கிலாந்தில் திருமணம் செய்ய
திட்டமிட்டு இருந்தனர். ஐரோமுக்கு பாஸ்போர்ட் பெறுவதில்
சிக்கல் ஏற்பட்டதால் இந்த முடிவு கைவிடப்பட்டது.

இந்நிலையில் இருவரும் தமிழ்நாட்டில் திருமணம் செய்ய முடிவு
எடுத்து உள்ளனர்.
-
-------------------------------
தினமலர்