ஆரோக்கிய அரசியல்: கைகுலுக்கி மகிழ்ந்த பா.ஜ., - காங்., தலைவர்கள்

புதுடில்லி :
குஜராத் சட்டசபை தேர்தல் தொடர்பாக அறிவிப்பு
வெளியாவதற்கு முன்பிருந்தே காங்., - பா.ஜ., தலைவர்கள்
ஒருவரை ஒருவர் கடுமையாக விமர்சித்து வருகின்றனர்.


எதிரும் புதிரும் :

அதிலும் சமீபத்தில், குஜராத் தேர்தலில் பாக்., தலையீடு
இருப்பதாகவும், அந்நாட்டு அதிகாரிகளுடன் முன்னாள்
பிரதமர் மன்மோகன் சிங், மணிசங்கர் அய்யர்
உள்ளிட்டோர் ரகசிய பேச்சுவார்த்தை நடத்தியதாகவும்
பிரதமர் மோடி பகிரங்கமாக குற்றம்சாட்டினார்.

இந்த விவகாரத்தில் காங் - பா.ஜ., இடையே தீவிரமான
வார்த்தை போர் நடந்து வருகிறது. இது குஜராத் அரசியலில்
மட்டுமின்றி, தேசிய அரசியலிலும் பரபரப்பை ஏற்படுத்தி
உள்ளது.

இந்நிலையில் பார்லி., தாக்குதல் நடத்தப்பட்டதன்
16 ம் ஆண்டு நினைவு தினம் இன்று அனுஷ்டிக்கப்பட்டது.
2001 ம் ஆண்டு நடத்தப்பட்ட தாக்குதலின் போது உயிர்
தியாகம் செய்த காவலர்களுக்கு பார்லி., வளாகத்தில்
அமைக்கப்பட்டுள்ள நினைவிடத்தில் பிரதமர் மோடி,
முன்னாள் பிரதமர் மன்மோகன் சிங், காங்., முன்னாள்
தலைவர் சோனியா, புதிய தலைவர் ராகுல், மத்திய
அமைச்சர்கள் உள்ளிட்டோர் அஞ்சலி செலுத்தினர்.

ராகுலுக்கு மனதார வாழ்த்து :

கடந்த மூன்று நாட்களுக்கு முன் மன்மோகனை கடுமையாக
விமர்சித்த மோடி, இன்று காரில் வந்து இறங்கிய
மன்மோகனை கைகுலுக்கி வரவேற்று, நலம் விசாரித்தார்.

இதே போல் இதுவரை ராகுலை கிண்டல் செய்து பேசி வந்த
பா.ஜ., தலைவர்களும், மத்திய அமைச்சர்களும், காங்.,
தலைவராக நியமிக்கப்பட்டுள்ளதற்கு ராகுலுக்கு கைகுலுக்கி
வாழ்த்து தெரிவித்தனர்.

ஞ்சலி செலுத்த வந்த இடத்தில் எதிரும் புதிருமாக இருக்கும்
தலைவர்கள் முக மலர்சியுடன் வாழ்த்துக்களை பரிமாறிக்
கொண்டனர்.
-
-------------------------------------------
தினமலர்

அவர்கள் ஒருவருக்கு ஒருவர் எதிரி தான் ஆனால் மக்களின் பணத்தை கொள்ளை அடிப்பதில் கூட்டாளிகள் ஆந்தலால் இது

ஆரோக்கிய அரசியல்

இல்லை


அயோக்கிய அரசியல்