போக்குவரத்து துறை செயலாளருக்கு மதுரை ஐகோர்ட்டு நோட்டீசு

**ayyasamy ram** · **ayyasamy ram** Wed Feb 07, 2018 3:10 pm

அரசு போக்குவரத்துக் கழகத்தில் 20,488 கோடி ரூபாய் இழப்பு
ஏற்பட்டது குறித்து விசாரிக்க கோரிய வழக்கில் போக்குவரத்து
துறை செயலாளருக்கு மதுரை உயர்நீதிமன்ற கிளை நோட்டீஸ்
அனுப்ப உத்தரவிட்டுள்ளது.
-
மதுரையைச் சேர்ந்த ரமேஷ் மதுரை ஐகோர்ட்டில் மனுத்தாக்கல்
செய்தார். அதில் கூறியிருப்பதாவது:-

தமிழக அரசு போக்குவரத்துக்கழகம் சார்பில் 22,509 பஸ்கள்
இயக்கப்படுகின்றன. இதில் 1 லட்சத்து 40 ஆயிரம் பேர்
பணியாற்றுகின்றனர். அரசு பஸ்களில் தினமும் 2 கோடி பேர்
பயணம் செய்கிறார்கள்.

இந்த நிலையில் அரசு பஸ் போக்குவரத்து கழகத்தில்
ரூ. 20 ஆயிரத்து 488 கோடி இழப்பு ஏற்பட்டுள்ளதாக செய்திகள்
வெளியானது. இதற்கு போக்குவரத்துக்கழகத்தின் தவறான
நடவடிக்கைகளே காரணம்.

கடந்த 20-ந்தேதி அரசு பஸ் கட்டணம் 100 சதவீதம் உயர்த்தப்பட்டுள்ளது.
இதனால் ஏழை, எளிய மக்கள் கடுமையாக பாதிக்கப்பட்டுள்ளனர்.
பஸ் கட்டண உயர்வால் அத்தியாவசிய பொருட்களின் விலை
அதிகரித்துள்ளது.

அரசு போக்குவரத்துக் கழகத்தில் 20,488 கோடி ரூபாய் இழப்பு ஏற்பட்டது
குறித்து விசாரிக்க ஓய்வு பெற்ற ஐகோர்ட்டு நீதிபதி தலைமையில்
குழு அமைக்கவும், அதுவரை பஸ் கட்டண உயர்வுக்கு தடை விதிக்கவும்
எதிர்காலத்தில் போக்குவரத்துக் கழகத்தை சிறப்பாக நிர்வகித்த
ஐ.ஏ.எஸ். அதிகாரிகளை நியமிக்க உத்தரவிட வேண்டும்.

இவ்வாறு அதில் குறிப்பிடப்பட்டுள்ளது.

இந்த வழக்கு இன்று நீதிபதிகள் சத்யநாராயணன், ஹேமலதா ஆகியோர்
முன்னிலையில் விசாரணைக்கு வந்தது. விசாரணை முடிவில்
போக்குவரத்துக் கழகத்தின் நஷ்டம் குறித்து அந்த துறையின் செயலாளர்
பதிலளிக்க நோட்டீசு அனுப்ப நீதிபதிகள் உத்தரவிட்டனர்.
-
------------------------------------------------
மாலைமலர்

SK · SK Thu Feb 08, 2018 11:54 am

அடிமைகளின் ஆட்சியில் இதற்க்கு நடவடிக்கை எடுப்பார்களா என்ன

போக்குவரத்து துறை செயலாளருக்கு மதுரை ஐகோர்ட்டு நோட்டீசு

போக்குவரத்து துறை செயலாளருக்கு மதுரை ஐகோர்ட்டு நோட்டீசு

Re: போக்குவரத்து துறை செயலாளருக்கு மதுரை ஐகோர்ட்டு நோட்டீசு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக