அரசியல் துளிகள்.

சிவனாசான் · சிவனாசான் Sun Mar 03, 2019 7:59 pm

பிரதமர் மோடி, எப்போதும், அதிரடி முடிவுகள் எடுப்பவர்' என, பா.ஜ., தலைவர்கள் சொல்வது வழக்கம்; ஆனால், வெளியுறவுத்துறையில் முக்கிய பொறுப்பில் இருந்த ஒரு மூத்த அதிகாரி, சில சுவாரசிய தகவல்களை பகிர்ந்து கொண்டார்.மோடி பிரதமரான பின், பாகிஸ்தான் வெளியுறவுத் துறை செயலரிடம் பேசும் வாய்ப்பு, அந்த அதிகாரிக்கு கிடைத்தது. அப்போது, 'இதுவரை இந்திய பிரதமராக இருந்தவர்களுக்கும், மோடிக்கும் வித்தியாசம் உள்ளது; மற்றவர்களைப் போல மோடியை நினைக்க வேண்டாம்; மோடியிடம், பாக்., கவனமாக இருக்க வேண்டும்' என, அந்த அதிகாரி எச்சரிக்கை விடுத்தாராம்.தான் பதவியில் இருந்தபோது, மோடி எப்படி நடந்து கொண்டார் என்பதையும், அந்த அதிகாரி தெரிவித்தார். ஒரு விவகாரத்தில், 'நீங்கள் சொல்வதை செய்வது கஷ்டம்; அதை, இப்படித்தான் செய்ய வேண்டும்' எனச் சொல்லி, அது தொடர்பான சில ஆவணங்களைக் காட்டினாராம், அந்த அதிகாரி.அதற்கு பதிலளித்த மோடி, 'அந்த ஆவணங்களை நீங்களே படித்துக் கொண்டிருங்கள்; ஆனால், எனக்கு தேவை, இது தான்; நான் சொன்னதை மட்டும் செய்யுங்கள்' எனக் கூறி, அந்த அதிகாரியை அனுப்பி விட்டாராம்.'பொதுவாக, எந்த ஒரு திட்டத்தை முன்வைத்தாலும், ஏதாவது சட்டங்களை கூறி, அதை செய்ய விடாமல், அதிகாரிகள் தடுப்பது வழக்கம்' எனக் கூறிய அந்த மூத்த அதிகாரி, 'பிரதமர் மோடியிடம், அது எடுபடாது' என, உறுதியாக கூறினார்

சிவனாசான் · சிவனாசான் Sun Mar 03, 2019 8:17 pm

புதுடில்லி:வரும் லோக்சபா தேர்தலில், டில்லியில் உள்ள, ஏழு தொகுதிகளிலும் தனித்து போட்டியிட, ஆம் ஆத்மி முடிவு செய்து, ஆறு தொகுதிகளுக்கான வேட்பாளர்களை அறிவித்துள்ளது. 'காங்கிரஸ் கட்சியுடன் கூட்டணி இல்லை' என்றும், கூறியுள்ளது.டில்லியில், முதல்வர், அரவிந்த் கெஜ்ரிவால் தலைமையிலான, ஆம் ஆத்மி அரசு உள்ளது. வரும் லோக்சபா தேர்தலில், மெகா கூட்டணி அமைக்க, எதிர்க்கட்சிகள் திட்டமிட்டுள்ளன. இந்தக் கூட்டணியில், ஆம் ஆத்மியும் இடம்பெற்றுள்ளது.டில்லியில் மொத்தமுள்ள, ஏழு தொகுதிகளில், காங்.,குடன் கூட்டணி அமைத்து போட்டியிட, ஆம் ஆத்மி விருப்பம் தெரிவித்திருந்தது. ஆனால், காங்., எந்த பதிலும் கூறவில்லை. அதையடுத்து, இந்தப் பிரச்னை குறித்து, வெளிப்படையாகவும், கெஜ்ரிவால் பேசினார்.மெகா கூட்டணியில் உள்ள, தெலுங்கு தேசம் தலைவர் சந்திரபாபு நாயுடு, திரிணமுல் காங்., தலைவர் மம்தா பானர்ஜி உள்ளிட்டோர், கூட்டணி குறித்து முடிவு செய்யும்படி, காங்கிரஸ் தலைமையை வலியுறுத்தினர்.இதையடுத்து பேச்சு நடத்துவதற்கு, காங்., தலைவர், ராகுல் அழைப்பு விடுத்தார். ஆனால், டில்லி மாநில, காங்., நிர்வாகிகள், ஆம் ஆத்மி கட்சியுடன் கூட்டணி அமைக்க எதிர்ப்பு தெரிவித்தனர்.இந்த நிலையில், டில்லியில் உள்ள, ஏழு தொகுதிகளிலும் தனித்து போட்டியிட, ஆம் ஆத்மி முடிவு செய்துள்ளது.அதில், ஆறு தொகுதிகளுக்கான வேட்பாளர்களையும் அறிவித்துள்ளது. ஒரு தொகுதிக்கான வேட்பாளர் குறித்து, ஆராயப்பட்டு வருவதாகவும் கூறியுள்ளது.

அரசியல் துளிகள்.

அரசியல் துளிகள்.

Re: அரசியல் துளிகள்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக