செய்திகள்

மிக அதி தீவிர புயலாக மாறும் 'போனி'
புதுடில்லி: வங்கக்கடலில் உருவாகியுள்ள போனி புயல், அடுத்த 36 மணி நேரத்தில் மிக அதி தீவிர புயலாக மாறியுள்ளதாக இந்திய வானிலை மையம் கூறியுள்ளது. இதனால், ஒடிசாவல் மிக கனமழை பெய்யக்கூடும் என எச்சரிக்கை விடுக்கப்பட்டுள்ளது.வங்கக்கடலில் உருவாகியுள்ள போனி புயல் இன்று சென்னை, நாகை இடையே கரையை கடக்கும் என ஒரு வாரத்திற்கு முன் கணிக்கப்பட்டது. ஆனால் கடலியல் சூழல் மாற்றங்களால் புயல் கடலுக்குள் அதிக பலம் பெற்றுள்ளது. மேலும் ஒடிசா மற்றும் ஆந்திராவின் வட கிழக்கு மாவட்டங்களில் அதிக வெப்பம் நிலவுவதால் அந்தப் பகுதியை நோக்கி புயலின் திசை மாறியுள்ளது. எனவே 'தமிழகத்துக்கு போனி புயலால் பாதிப்போ மழையோ இருக்காது' என வானிலை ஆய்வு மையம் கணித்துள்ளது. நேற்று காலை தீவிர புயலாக இருந்த போனி நேற்று மாலையில் அதிதீவிர புயலாக வலுப்பெற்றுள்ளது.இந்நிலையில், இந்திய வானிலை மையம் வெளியிட்ட அறிக்கை: தென் கிழக்கு மற்றும் தென்மேற்கு வங்கக்கடலை ஒட்டியுள்ள பகுதிகளில் அதிதீவிர புயலாக மாறியுள்ள 'போனி' புயல், அடுத்த 36 மணி நேரத்தில் மிக அதிதீவிர புயலாக மாறும். தொடர்ந்து வடமேற்கு திசையில் நகர்ந்து, வடக்கு மற்றும் வடகிழக்கு திசையில் ஒடிசா கடற்கரையில் கரையை கடக்கக்கூடும். இதனால், மே 3, 4 தேதிகளில் ஒடிசா மற்றும் வடக்கு கடலோர ஆந்திரா மாவட்டங்களில் கன மழை முதல் மிக கனமழை வரை பெய்யக்கூடும். மேற்கு வங்கத்தின் கடலோர மாவட்டங்களில் ஒரிரு பகுதிகளில் லேசானது முதல் மிதமான மழை பெய்யக்கூடும். இவ்வாறு அந்த அறிக்கையில் கூறப்பட்டுள்ளது. இதனை தொடர்ந்து, இந்திய கடற்படை உஷார்படுத்தப்பட்டுள்ளது. மீட்பு பணியில் ஈடுபட சென்னை மற்றும் விசாகப்பட்டினத்தில் கடற்படைக்கு சொந்தமான கப்பல்கள் நிறுத்தப்பட்டுள்ளன. மீட்பு மற்றும் மருத்துவ உதவிகள் வழங்க அதிகாரிகள் நடவடிக்கை எடுத்துள்ளனர். கடலோர காவல் படை மற்றும் தேசிய பேரிடர் மீட்பு படையினரும் தயார் நிலையில் வைக்கப்பட்டுள்ளனர். இதனை தொடர்ந்து, இந்திய கடற்படை உஷார்படுத்தப்பட்டுள்ளது. மீட்பு பணியில் ஈடுபட சென்னை மற்றும் விசாகப்பட்டினத்தில் கடற்படைக்கு சொந்தமான கப்பல்கள் நிறுத்தப்பட்டுள்ளன. மீட்பு மற்றும் மருத்துவ உதவிகள் வழங்க அதிகாரிகள் நடவடிக்கை எடுத்துள்ளனர். கடலோர காவல் படை மற்றும் தேசிய பேரிடர் மீட்பு படையினரும் தயார் நிலையில் வைக்கப்பட்டுள்ளனர்.

கரூர் சி.இ.ஓ., 'சஸ்பெண்ட்'சென்னை :
கரூர் மாவட்ட முதன்மை கல்வி அதிகாரி, இன்று ஓய்வு பெறவிருந்த நிலையில், 'சஸ்பெண்ட்' செய்யப்பட்டார்.கரூர் மாவட்ட முதன்மை கல்வி அதிகாரியான, தங்கவேல், இன்று ஓய்வு பெறவிருந்தார். இந்நிலையில், அவரை திடீரென, 'சஸ்பெண்ட்' செய்து, தமிழக பள்ளி கல்வி முதன்மை செயலர், பிரதீப் யாதவ் உத்தரவிட்டுள்ளார். அவருக்கு பதில், நாமக்கல், சி.இ.ஓ., உஷாவுக்கு, கூடுதல் பொறுப்பு வழங்கப்பட்டுள்ளது.முதன்மை கல்வி அதிகாரியாக இருந்த தங்கவேல், சேலம் மாவட்டத்தில், டி.இ.ஓ., என்ற, மாவட்ட கல்வி அதிகாரியாக இருந்த போது, பள்ளி கல்வித்துறை பணியாளர் ஒருவரை நியமனம் செய்தார்.
கருணை அடிப்படையிலான இந்த நியமனத்தில், விதிகளை சரியாக பின்பற்ற வில்லை என, புகார் எழுந்தது.இது குறித்து, பள்ளி கல்வி இயக்குனரகம், கமிட்டி அமைத்து விசாரித்தது. குற்றச்சாட்டில் அடிப்படை ஆதாரம் சிக்கியதாக, விசாரணை கமிட்டியினர் அறிக்கை தாக்கல் செய்தனர். இதையடுத்து, தமிழக அரசு, இந்த நடவடிக்கையை எடுத்துள்ளது.