சென்னையில் 1,200 சதுர அடிக்குக் குறைவான இடங்களில் கட்டடம் கட்ட 30 நாள்களில் திட்ட அனுமதி

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

சென்னையில் 1,200 சதுர அடிக்குக் குறைவான இடங்களில் கட்டடம் கட்ட 30 நாள்களில் திட்ட அனுமதி

#1300904

ayyasamy ram
வழிநடத்துனர்: பதிவுகள் : 81974
இணைந்தது : 30/09/2013

Post ayyasamy ram Sun Jul 21, 2019 6:31 am

சென்னையில் 1,200 சதுர அடிக்குக் குறைவான இடங்களில்
கட்டடம் கட்ட 30 நாள்களில் திட்ட அனுமதி தராவிட்டால்,
தானாகவே திட்ட அனுமதி வழங்கப்பட்டதாகக் கருதப்படும்
எனறு துணை முதல்வர் ஓ.பன்னீர்செல்வம் அறிவித்தார்.

சட்டப்பேரவையில் நகர்ப்புற வளர்ச்சித்துறை மீதான
விவாதத்துக்குப் பதில் அளித்து துணை முதல்வர்
ஓ.பன்னீர்செல்வம் வெளியிட்ட அறிவிப்புகள்:

நகர் ஊரமைப்பு இயக்ககத்தின் எல்லைக்குட்பட்ட
பகுதியில் 1,200 சதுர அடிக்கு குறைவான கட்டடத்துக்கு
அனுமதிகோரி பெறப்படும் விண்ணப்பங்கள் பரிசீலிக்கப்பட்டு
30 நாள்களுக்குள் அனுமதி வழங்க தவறும் பட்சத்தில் திட்ட
அனுமதி வழங்கப்பட்டதாகக் கருத்தப்படும்.

அதைப்போல சென்னை பெருநகர வளர்ச்சிப் பகுதியிலும்
1,200 சதுர அடிக்கு குறைவான இடத்தில் கட்டடம் கட்ட
30 நாள்களுக்குள் அனுமதி வழங்க தவறும்பட்சத்தில் திட்ட
அனுமதி வழங்கப்பட்டதாகக் கருதப்படும்.

நவீன மலர் அங்காடி:

கோயம்பேட்டில் உள்ள மலர் அங்காடிக்கு கிழக்குப் பகுதியில்
அமைந்துள்ள 3 ஏக்கர் பரப்பளவில் ரூ.40 கோடி மதிப்பீட்டில்
நவீன மலர் அங்காடி விரிவுபடுத்தப்படும்.

வேளச்சேரி துரித ரயில் நிலையத்தில் இரண்டு மற்றும் நான்கு
சக்கர வாகனங்களுக்கான பல அடுக்கு வாகன நிறுத்துமிடம்
ரூ.80 கோடி மதிப்பீட்டில் சென்னை பெருநகர வளர்ச்சிக்
குழுமத்தால் நிறுவப்படும்.

திருமழிசை குத்தம்பாக்கம் கிராமத்தில் 20 ஏக்கர் பரப்பளவில்
ரூ.150 கோடி மதிப்பீட்டில் பேருந்து நிலையம் அமைக்கப்படும்
என்றார்.

தினமணி

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1