மாப்பு…வச்சுட்டான்யா ஆப்பு! வடிவேலுவால் கமல், அஜித்துக்கு சிக்கல்?

-
சென்னை:

நடிகர் ஆர்.கே.விற்கு தர வேண்டிய ஒரு கோடி ரூபாய்
பஞ்சாயத்தால் நடிகர் வடிவேலு நடிப்பதாக இருக்கும்
கமல்ஹாசன், அஜித் படங்களுக்கு சிக்கல் உருவாகும்
சூழல் ஏற்பட்டுள்ளது.

தமிழில் நம்பர் 1 காமெடியனாக வலம் வந்த வடிவேலு,
சொந்த காசில் சூன்யம் வைப்பது போன்று அரசியலில்
ஒரு சாரருக்கு எதிராக பேசி வம்பில் சிக்கி, சினிமா
வாழ்க்கையையே கெடுத்து கொண்டார். அதன்பின்
மீண்டும் சில படங்களில் நடித்தாலும் இன்று வரை அந்த
பழைய வடிவேலுவை பார்க்க முடியவில்லை.

அதன் பின் அவர் நடிப்பதாக இருந்த படங்களும்
சிக்கலில் சிக்கின. குறிப்பாக ‛இம்சை அரசன்’ பட பிரச்னையால்
இரண்டு ஆண்டுகளாக புதுப்படங்களில் நடிக்காமல் இருந்து
வருகிறார் வடிவேலு. அவர் நடிப்பதாக இருந்த ‛பேய்மாமா’
படமும் யோகிபாபு கைக்கு மாறி விட்டது.

தற்போது மீண்டும் அவர் புதிய படங்களில் நடிக்க இருப்பதாக
தகவல் வெளியாகி உள்ளது. குறிப்பாக கமலின் ‛தலைவன்
இருக்கிறான்’, அஜித்தின் ‛வலிமை’ படங்களில் வடிவேலு
நடிக்க இருக்கிறார்.

இது அதிகாரப்பூர்வமாக அறிவிக்கப்படவில்லை.
இதனால் மகிழ்ச்சியில் இருந்த வடிவேலு ரசிகர்களுக்கு மீண்டும்
ஒரு அதிர்ச்சி உண்டாகி உள்ளது.

‛நானும் நீயும் நடுவுல பேயும்’ படத்திற்காக
ரூ.1 கோடி முன்பணமாக வாங்கிக் கொண்டு, வடிவேலு தனது
படத்தில் நடிக்கவில்லை என தயாரிப்பாளர் ஆர்.கே.,
தயாரிப்பாளர் சங்கத்தில் புகார் அளித்துள்ளார். அதில் அவர்
எந்த படத்தில் வேண்டுமானாலும் நடிக்கட்டும், நான் தடுக்கவில்லை.
ஆனால் எனக்கு வர வேண்டிய ஒரு கோடி ரூபாயை திருப்பி
தராவிட்டால், அவர் நடிக்கும் எந்த படத்தையும் வெளியிட கூடாது
என தெரிவித்துள்ளாராம்.

இதன்காரணமாக வடிவேலு அடுத்து நடிக்க இருக்கும் கமலின்
‛தலைவன் இருக்கிறான்’, அஜித்தின் ‛வலிமை’ படங்களுக்கு
சிக்கல் உருவாகி உள்ளது. மாப்பு வச்சுட்டான்யா ஆப்பு…..!

தினமலர்