உடற்பயிற்சி செய்யும் பூனை!

**ayyasamy ram** · **ayyasamy ram** Fri Nov 29, 2019 7:59 am

-

CAT
ஒரே நாளில், இங்கு காணப்படும் பூனை, இன்டர் நெட்டில்
உலகப்புகழ்பெற்று விட்டது. காரணம், இதன் உடல் எடை
மட்டுமல்ல இது செய்யும் உடற்பயிற்சியும்தான்!

இந்தப் பூனையின் பெயர் சின்டர் ப்ளாக். இதன் எடை
ஏறக்குறைய 10 கிலோ. இந்தப் பூனையின் உரிமையாளர்,
இதற்கு உணவு கொடுத்துக் கட்டுப்படியாகாமல், வாஷிங்டன்
நகர விலங்குகள் மருத்துவமனை
வாசல் ஒன்றில் விட்டு விட்டுச் சென்று விட்டார்.

மருத்துவமனை ஊழியர்கள் இந்தப் பூனையின் மேல்
இரக்கப்பட்டு, அதை எடுத்து வைத்துச் செல்லமாகப் பராமரித்து
வருகிறார்கள். இந்தப் பூனையால் இரண்டு மூன்று அடிகளுக்கு
மேல் நடக்கக்கூட முடியவில்லை. அவ்வளவு எடை.

இந்த எடை அதிகரிப்பினால் இதற்குப் பலவித நோய்கள் வர
வாய்ப்பிருப்பதாகக் கருதினார்கள் மருத்துவமனை ஊழியர்கள்.

இதனால் இதன் எடையைக் குறைப்பதற்காக வேகமாக நகரும்
தரை போன்ற ஓர் அமைப்பில் தண்ணீரை நிரப்பி, அதில்
பூனையை நிற்க வைத்துக் கால்களை வேகமாக அசைக்கும்படி
செய்திருக்கிறார்கள். தினசரி குறிப்பிட்ட நேரம் இந்தப் பயிற்சியை
இந்தப் பூனை செய்வதற்கு ஓர் ஊழியர் உதவுகிறார்.

இப்படி இது செய்யும் உடற்பயிற்சியை மற்றொருவர் படம் பிடித்து,
இணையதளத்தில் போட்டுவிட இப்போது இது உலகப் புகழ் பெற்று
விட்டது.

இந்தப் புகழுக்கு முக்கிய காரணம், உடற்பயிற்சி செய்யும்போது
இந்தப் பூனை புலம்புவதுதான். அதாவது வேண்டாவெறுப்பாக
இந்தப் பயிற்சியை இது செய்கிறதாம். இந்தக் காட்சியைப்
பார்ப்பதற்கு வேடிக்கையாக இருப்பதால் இதற்கு அத்தனை புகழ்!

ஓர் ஆண்டுக்குள் இதன் உடல் எடையைக் குறைப்பதாக
மருத்துவமனை நிர்வாகம் சபதம் எடுத்திருக்கிறது.
மருத்துவமனையின் வரவேற்பாளராகப் பணிபுரியும் பெண்
ஒருவர் இந்தப் பூனையை தத்தெடுத்துக் கொள்வதற்கும் விருப்பம்
தெரிவித்திருக்கிறார். அதிர்ஷ்டக்கார குண்டுப் பூனை!

தினமணி

உடற்பயிற்சி செய்யும் பூனை!

உடற்பயிற்சி செய்யும் பூனை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக