இன்றைய தலைப்புச் செய்திகள்- இணையத்தில் படித்தவை சில

**அமெரிக்காவில் அவசர நிலை,விசா நிறுத்தி வைப்பு.வெறிச்சோடிக் கிடைக்கும் நகரங்கள்.

**டெல்லியில் மருத்துவ மாணவி நிர்பயா கற்பழித்து கொல்லப்பட்ட வழக்கில் குற்றவாளிகளில் ஒருவரான வினய் சர்மா, தனது கருணை மனுவை ஜனாதிபதி நிராகரித்ததை எதிர்த்து டெல்லி ஐகோர்ட்டில் நேற்று மனுதாக்கல் செய்துள்ளார்.

**மைக்ரோசாஃப்ட் நிறுவனத்திலிருந்து வெளியேறிய பில்கேட்ஸ் மைக்ரோசாஃப்ட் இணை நிறுவனர் பில்கேட்ஸ் நிறுவனத்தின் நிர்வாக குழுவிலிருந்து முழுமையாக வெளியேற இருக்கிறார். தொண்டு நடவடிக்கையில் குறிப்பாக கல்வி, சுகாதாரம் மற்றும் பருவமாற்றம் தொடர்பான விஷயங்களில் அதிக நேரம் செலவிட வேண்டும் என்பதற்காகவே இந்த நடவடிக்கையை எடுத்திருப்பதாகக் கூறுகிறார். பில்கேட்ஸுக்கு இப்போது வயது 65. இவர் மைக்ரோசாஃப்ட் நிர்வாகக் குழுவில் மட்டும் இல்லை வாரன் பஃபட்டின் நிறுவன நிர்வாக குழுவிலும் இருந்தார். இப்போது அதிலிருந்தும் விலகுவதாக அறிவித்திருக்கிறார்.

**மது நாட்டுக்கும் வீட்டுக்கும் உயிருக்கும் கேடு' என்ற வாசகத்தை மாற்றி, 'மது அருந்துதல் உடல் நலத்திற்கு கேடு, பாதுகாப்பாக இருப்பீர் - மது அருந்திவிட்டு வாகனம் ஓட்டாதீர்'  என்று போடத் தமிழக அரசு முடிவெடுத்துள்ளது.

**கொரோனா தொற்று தேசிய பேரிடராக அறிவிப்பு..! பலியானவர்களுக்கு இழப்பீடு...
இந்தியாவில் கொரோனா வைரஸால் பாதிக்கப்பட்டோரின் எண்ணிக்கை 83 ஆக உயர்ந்துள்ளது. 2 பேர் இதுவரை பலியாகியுள்ளனர். இந்நிலையில் கொரோனா வைரஸ் தாக்கத்தை தேசிய பேரிடராக மத்திய உள்துறை அமைச்சகம் அறிவித்துள்ளது.
மேலும் கொரோனா வைரஸால் உயிரிழந்தவர்களின் குடும்பத்துக்கு இழப்பீடாக 4 லட்சம் அறிவிக்கப்பட்டுள்ளது. இந்தியா முழுக்க தற்போது கொரோனா அறிகுறிகளுடன் சிகிச்சை பெற்று வருபவர்களின் மருத்துவ செலவை அந்தந்த மாநில அரசே ஏற்க வேண்டும் என தெரிவிக்கப்பட்டுள்ளது. (ToI)

**எங்கே போகிறீர்கள்?
தெரியாது.
பெயரே இல்லாத இந்த ரயில் நிலையம் மேற்கு வங்கத்தில் உள்ளது. மேற்கு வங்காளத்தின் பர்தாமனிலிருந்து 35 கி.மீ தொலைவில்  பாங்குரா-மசாகிராம் பகுதியில்  அமைந்துள்ள இந்த ரயில்  நிலையம் ரெய்னா மற்றும் ரெய்நகர் ஆகிய இரண்டு கிராமங்களுக்கு இடையில் அமைந்துள்ளது. ஆரம்பத்தில், இந்த ரயில் நிலையம் ரெய்நகர் என்று அழைக்கப்பட்டது, ஆனால் ரெய்னா கிராம மக்கள் அதை விரும்பவில்லை. அதனால் கிராம மக்களிடையே  சண்டை தொடங்கியது.
கிராம மக்களிடையே இருக்கும் இந்த ரயில் நிலைய பெயர் தகராறு காரணமாக,  இந்திய ரயில்வே இங்கு நிறுவப்பட்டுள்ள அனைத்து  பலகைகளிலிருந்தும் நிலையத்தின் பெயரை நீக்கியது.





(இணையம்)