எவரெஸ்ட் சிகரத்தை உரிமை கொண்டாடிய சீனா

-

-

1960ம் ஆண்டு சீனா - நேபாளம் இடையே எல்லை பிரச்னையை
தீர்க்கும் வகையில் ஒரு ஒப்பந்தம் கையெழுத்தானது. அதன்படி,
மவுண்ட் எவரெஸ்ட் சிகரம் பிரிக்கப்பட்டு, தெற்கு பகுதி
நேபாளத்திற்கு சொந்தமானது என்றும், வடக்கு பகுதி சீனா உரிமை
கொண்டாடும் திபெத்திய தன்னாட்சி பிராந்தியத்துக்கு
சொந்தமானது எனவும் நிபுணர்கள் கூறுகின்றனர்.

சீன விவகாரம் குறித்து டில்லி ஜவஹர்லால் நேரு பல்கலை.,
பேராசிரியர் ஸ்ரீகாந்த் கொண்டபள்ளி கூறுகையில், சீனா, திபெத்
மற்றும் எவரெஸ்ட் சிகரத்தை தனது ஒருங்கிணைந்த பகுதியாக்க
முயற்சித்து வருவது ஒன்று புதிது அல்ல.

எவரெஸ்ட் சிகரம், திபெத்தின் ஒரு பகுதி என்பது ஏமாற்றுகின்ற
வேலை. சீனாவின் பகுதியை வெகு சிலரே பயன்படுத்துகின்றனர்.
அங்கே சுற்றுலா என்பதற்கான தடமே இல்லை. ஏனெனில் அது
செங்குத்தானது என்பது மட்டுமின்றி விசா பிரச்னை மற்றொரு
காரணம். மவுண்ட் எவரெஸ்ட் பகுதியில் 5-ஜி சேவைக்கு தொலை
தொடர்பு கோபுரங்களை சீனா அமைப்பதற்கு நிபுணர்கள் பலர்
கவலை தெரிவித்துள்ளனர்.

தற்போது அவர்கள் தங்களது பகுதிக்கு உட்பட்ட எவரெஸ்ட் சிகரத்தில்
டவரை அமைத்துள்ளனர். இமாலய மலை தொடரில் ராணுவ
கண்காணிப்பு உள்ளிட்டவற்றிற்கு கடல் மட்டத்தில் இருந்து 8 ஆயிரம்
மீட்டர் உயரத்தில் டவர் அமைப்பது சர்ச்சைக்குரியதாகியுள்ளது.

இந்தியா, பங்களாதேஷ், மியான்மர் அந்நிய நாடுகளின் தனிப்பட்ட
விவகாரங்களில் தலையிட, இமாலய மலைத்தொடர்களில் தொழில்
நுட்பத்தை பயன்படுத்த முயற்சிக்கலாம். இவ்வாறு அவர் கூறினார்.

எவரெஸ்ட் சிகரத்தை அடைய பெரும்பாலான சுற்றுலா மற்றும்
மலையேற்ற பயணங்கள் நேபாளத்தில் இருந்து நடைபெறுகிறது.
தற்போது தொழில்நுட்பத்தின் உதவியுடன், சீனா திபெத் தன்னாட்சி
பகுதியில் உள்ள எவரெஸ்ட் பகுதியை மேம்படுத்தி வருகிறது.
சமீபத்தில் சீனாவில் அதிகாரபூர்வ இணையதளத்தில்
வெளியிடப்பட்ட திட்ட விவரங்கள் சீனாவின் லட்சியத்தை தெளிவாக
காட்டுகிறது.

எவரெஸ்ட் விவகாரம் சீனா - நேபாளம் இடையேயான உறவில்
சர்ச்சையை ஏற்படுத்தி உள்ளது.

தினமலர்