இந்திய கடற்படைக்கு பலம் சேர்க்க வருகிறது பி-8ஐ விமானம்

-

புதுடில்லி:
இந்தியப் பெருங்கடல் பிராந்தியத்தில் நீண்ட தூர
நீர்மூழ்கிக் கப்பல் எதிர்ப்பு, உளவு, கண்காணிப்பு மற்றும்
ஜாமிங் போன்ற திறன்களை மேம்படுத்த
அமெரிக்காவிடமிருந்து மேலும் நான்கு பி-8ஐ
விமானங்களை இந்தியா வாங்குகிறது.

போயிங் நிறுவனத்தின் நவீன தயாரிப்பான பி-8ஐ
விமானமானது இந்திய கடற்படை ரோந்துக்கென
சிறப்பாக வடிவமைக்கப்பட்டுள்ளது.

பி-8ஐ-ல் ஐ என்பது இந்தியாவை குறிக்கும்.
இந்த விமானமானது ரோந்து பணிக்கு மட்டுமல்லாமல்
பல்வேறு பணிகளுக்கும் பயன்படக்கூடிய வகையில்
தயாரிக்கப்பட்டுள்ளது.

தேடுதல் மற்றும் மீட்பு, ராணுவத்தின் பிற படைகளுக்கு
உதவுவது போன்ற பணிகளையும் செய்யும்.
இது 2,200 கி.மீ ரேஞ்சில் இயங்கும். மணிக்கு 789 கி.மீ
வேகத்தில் பறக்கும்.

சீனா ஏற்கனவே மியான்மர், இலங்கை, பாகிஸ்தான்,
ஈரான் மற்றும் கிழக்கு ஆப்ரிக்காவில் துறைமுகங்களை
வாங்கியுள்ளது. இவை இந்திய கடற்படையை கட்டுப்
படுத்துவதற்காக மட்டுமல்லாமல், அமெரிக்க மத்திய
கமான்டோ படைகள், பிரெஞ்சு மற்றும் பிரிட்டிஷ் கடற்படை
ஆகியவற்றுக்கும் சவால் அளிக்கும் வகையில் உள்ளது.

இந்தியப் பெருங்கடல் பிராந்தியத்தில் தேர்ந்தெடுக்கப்பட்ட
நேரத்தில் சீனா தனது ஆக்கிரமிப்பை பிரதிபலிக்க
முயற்சிக்கும் சாத்தியமுள்ளது என தேசிய பாதுகாப்பு திட்ட
குழுவினர் நம்புகின்றனர்.

இதனை சமாளிக்கும் வகையில் சீனாவுக்கு எதிராக
அமெரிக்கா, ஜப்பான், ஆஸ்திரேலியா மற்றும் இந்தியா
ஆகிய நான்கு உறுப்பினர்கள் ஒருங்கிணைந்துள்ளனர்.

இந்தியா இதற்கான நடவடிக்கையை எடுத்துள்ளது.
இதனை குவாட் என அழைக்கின்றனர். குவாட் கடந்த
2019-ல் தகவல் தொடர்பு, இணக்கத்தன்மை மற்றும்
பாதுகாப்புக்கென ஒப்பந்தம் போட்டுள்ளன.

இதற்கு பி-8ஐ விமானம் உதவும். இவை மற்ற நாட்டு
விமானங்களுடன் பாதுகாப்பாக தொடர்புகொள்ளும்
தன்மையைக் கொண்டுள்ளன.

பி-8ஐ விமானத்துடன் ஹார்பூன் பிளாக் II ஏவுகணைகள்,
இலகுரக டார்பிடோக்கள் (நீர்மூழ்கியை அழிக்கும் ஏவுகணை),
நூற்றுக்கும் மேற்பட்ட சோனாபாய்ஸ் (நீர்மூழ்கியை
கண்டறிய உதவுவது) சேரும் போது எதிரி நாட்டு
நீர்மூழ்கிகள் சின்னாபின்னமாகிவிடும்.

தினமலர்