நாட்டின் பொருளாதாரத்தை பாதுகாக்க ஒன்றிணைந்து செயல்பட வேண்டும் : ஜனாதிபதி உரை

by **ayyasamy ram** on Fri Aug 14, 2020 9:04 pm

-

புதுடில்லி:
நாட்டின் பொருளாதாரத்தை பாதுகாக்க நாம் அனைவரும்
ஒன்றிணைந்து செயல்பட வேண்டும் என நாட்டு மக்களிடம்
சுந்திர தின உரையாற்றினார் ஜனாதிபதி ராம்நாத் கோவிந்த்.

நாட்டின் 74-வது சுதந்திர தின விழா நாளை கோலாகலமாக
கொண்டாடப்பட உள்ளது. இதையொட்டி ராஷ்டிரபதி பவனில்
ஜனாதிபதி ராம்நாத் கோவிந்த் இன்று அகில இந்திய வானொலி
மற்றும் தூர்தர்ஷன் தொலைக்காட்சி வாயிலாக நாட்டு
மக்களிடம் உரையாற்றியது,

* மகாத்மா காந்தி போன்ற தலைவர்கள் தியாகத்தால் நாம்
சுதந்திர நாட்டில் வாழ்ந்து வருகிறோம்.

* கொரோனாபாதிப்பு காரணமாக 2020-ம் ஆண்டில் நாம்
பல பாடங்களை கற்று வருகிறோம்.

* கொரோனா சவாலை எதிர்கொள்ள சரியான நேரத்தில்
சரியான நடவடிக்கையை மத்திய அரசு எடுத்துள்ளது.

* கொரோனாவை எதிர்த்து போராடி வரும் கொரோனா
முன்கள பணியாளர்கள் அனைவருக்கும் நான் தலை
வணங்குகிறேன்.

* கொரோனாவுக்கு எதிரான போராட்டத்தில் உயிர் தியாகம்
செய்த முன் கள பயணியாளர்களுக்கும் தலை வணங்குகிறேன்.

* இந்தியா அமைதியை விரும்புகிறது. இந்தியாவின்
அமைதியை சீர்குலைத்தால் சரியான பதிலடி தரப்படும்.

* நாட்டின் பொருளாதாரத்தை பாதுகாக்க நாம் அனைவரும்
ஒன்றிணைந்து செயல்படவேண்டும்.

* புதிய கல்வி கொள்கை சிறப்பானது.

* கொரோனா பரவலை கட்டுப்படுத்துவதில் நாம்
அனைவரும் வெற்றி பெற்றுள்ளோம்

* கொரோனா பரவல் நேரத்தில் பிரதமரின் கரீப் கல்யாண்
திட்டம் ஏழைகளுக்கு உதவியாக இருந்தது.

* ஏழைகளுக்கு அத்தியவசிய சேவைகள் கிடைப்பது உறுதி
செய்யப்பட்டுளளது.
-
----------------------------
தினமலர்