6 மாதமாக பணம் எடுக்காதவர்களுக்கு பென்ஷன் கட்... தமிழக அரசு உத்தரவு

**T.N.Balasubramanian** · **T.N.Balasubramanian** Mon Aug 17, 2020 5:10 pm

First topic message reminder :

6 மாதங்களுக்கு மேல் ஓய்வூதியப் பணத்தை எடுக்காவிட்டால் ஓய்வூதியம் வழங்கப்படுவது நிறுத்தப்படும் என்று தமிழக அரசு உத்தரவு பிறப்பித்துள்ளது.

பணி ஓய்வுக்குப் பிறகு, முதியவர்களின் தடையற்ற வாழ்வாதாரத்தை உறுதி செய்யும் நோக்கில் அவர்களுக்கு ஓய்வூதியம் வழங்கப்பட்டு வருகிறது. மாதந்தோறும் அந்த ஈவுத் தொகை அவர்களுக்குரிய வங்கிக்கணக்குகளில் டெபாசிட் செய்யப்படும். இந்நிலையில், 6 மாதங்களுக்கும் மேல் அந்தப் பணத்தை எடுக்காமல் இருந்தால், அதன்பிறகு ஓய்வூதியத்தை நிறுத்த தமிழக அரசு முடிவெடுத்த்துள்ளது.

இது தொடர்பாக வெளியிடப்பட்ட சுற்றறிக்கையில், 6 மாதத்திற்கு மேல் ஓய்வூதியத்தை எடுக்காத நபர்களின் வங்கிக்கணக்கு விபரத்தை ஓய்வூதியம் வழங்கும் அமைப்புக்கு வங்கிகளே தெரிவிக்க வேண்டும் என்றும் தெரிவிக்கப்பட்டு இருந்தது.

இந்த உத்தரவு ஓய்வூதியதாரர்கள் அனைவருக்கும் பெரும் அதிர்ச்சியை அளித்துள்ளது. ஓய்வூதியதாரர்கள் கட்டாயமாக இந்த பணத்தை எடுத்தே ஆக வேண்டும் என்று எந்த விதியும் இல்லை. அந்தப் பணம் பெரும்பாலும், முதியவர்களின் உடல்நிலை, குடும்பத்தீன் பெரும் முடிவுகள் ஆகியவற்றின் போது பயன்படுத்தப்படும். அதுவரை வங்கிக்கணக்கில் இருப்பதை சேமித்து வைக்கும் பழக்கம் என்றுதான் இது நாள் வரையிலும் கருதி வந்தனர். இந்நிலையில், அதற்கும் ஆபத்தாக அமைந்துள்ளது இந்த உத்தரவு. இதனால், இந்த உத்தரவுக்கு பல்வேறு தரப்பினரும் எதிர்ப்பு தெரிவித்து வருகின்றனர்.

ரமணியன்

நன்றி சமயம்

**krishnaamma** · **krishnaamma** Tue Aug 18, 2020 7:35 pm

ayyasamy ram wrote:ஜெனெரிக் மருந்துகள் - சிதம்பரத்திலும் கிடைக்கின்றது.
வாங்கி இருக்கிறேன்.
-
ஜெனெரிக் மருந்துகள் என்றால் என்ன?
அவை குறைவான விலைக்குக் கிடைப்பது ஏன்?
என்பது போன்ற வினாக்களூக்கு விரிவான
விளக்கத்துடன் விகடனில் ஒரு கட்டுரை உள்ளது.
-
அக்கட்டுரையை தனியே பதிவிடுகிறேன்.
(பலரும் படித்து பயனுற)

மேற்கோள் செய்த பதிவு: 1328645

போடுங்கள் அண்ணா புன்னகை

SK · SK Wed Aug 19, 2020 5:24 pm

ayyasamy ram wrote:"ஆறு மாதங்கள் வங்கியில் பணம் எடுக்காதவர்களின்
ஓய்வூதியம் நிறுத்தப்படும் என்ற செய்தி முற்றிலும்
தவறானது என நிதித்துறை விளக்கமளித்துள்ளது.

ஓய்வூதியதாரர்கள் மற்றும் குடும்ப ஓய்வூதியதாரர்கள்
ஆறு மாத காலம் தங்கள் வங்கிக் கணக்கில் இருந்து
பணம் எடுக்காவிட்டால் ஓய்வூதியம் ரத்து என்று சமீபத்தில்
கருவூலக் கணக்கு அதிகாரி சுற்றறிக்கை அனுப்பினார்.

6 மாதம் பணப் பரிவர்த்தனை நடைபெறாத வங்கிக்
கணக்குகள் குறித்து தகவல் தெரிவிக்க வேண்டும் என்றும்,
அந்த கணக்கில் இருந்து பணம் திரும்ப பெறப்படும் என்றும்
கருவூலத்துறை அறிக்கை வெளியிட்டிருந்தது.

இந்நிலையில் பென்ஷன் நிறுத்தம் என்ற தகவல் உண்மை
இல்லை என நிதித்துறை விளக்கம் அளித்துள்ளது.
வாழ்வு சான்றிதழ் கேட்பது வழக்கமான நடைமுறைதான் என்றும்,
வாழ்வு சான்றிதழ் சமர்ப்பிக்க யாரும் கருவூலம் வர வேண்டிய
அவசியம் இல்லை எனவும் நிதித்துறை தெரிவித்துள்ளது.
-
-நியூஸ்டிஎம்

மேற்கோள் செய்த பதிவு: 1328791

6 மாதமாக பணம் எடுக்காதவர்களுக்கு பென்ஷன் கட்... தமிழக அரசு உத்தரவு

6 மாதமாக பணம் எடுக்காதவர்களுக்கு பென்ஷன் கட்... தமிழக அரசு உத்தரவு

Re: 6 மாதமாக பணம் எடுக்காதவர்களுக்கு பென்ஷன் கட்... தமிழக அரசு உத்தரவு

Re: 6 மாதமாக பணம் எடுக்காதவர்களுக்கு பென்ஷன் கட்... தமிழக அரசு உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக