பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம்

**ayyasamy ram** · **ayyasamy ram** Thu Nov 05, 2020 1:07 pm

-

பாஜக சார்பில் நடத்தப்பட உள்ள வேல் யாத்திரைக்கு
அனுமதி வழங்க முடியாது என்று நீதிமன்றத்தில்
தமிழக அரசு தெரிவித்துள்ளது.

கொரோனா காலத்தை கருத்தில் கொண்டு எந்த
போராட்டமும், ஊர்வலமும் நடத்த அனுமதிக்க முடியாது
என்று தமிழக அரசு தெரிவித்துள்ளது.

வேல் யாத்திரைககான சுற்றுப் பயண விவரத்தை பாஜக
வெளியிட்டுள்ளது. நவம்பர் 6 ஆம் தேதி திருத்தணியில்
தொடங்கி டிசம்பர் 6ஆம் தேதி திருச்செந்தூரில் இந்த
வேல் யாத்திரை நிறைவு பெறவுள்ளது.

இந்நிலையில், வேல் யாத்திரைக்கு தடை கோரி
சென்னையை சேர்ந்த பத்திரிக்கையாளர்கள் பாலமுருகன்
மற்றும் செந்தில்குமார் உயர் நீதிமன்றத்தில் மனு தாக்கல்
செய்தனர்.

அதில், ஊரடங்கு அமலில் உள்ள நேரத்தில் இந்த
யாத்திரை நடந்தால் கொரோனா தொற்று பாதிப்பு
அதிகரிக்க வாய்ப்புள்ளதாகவும், யாத்திரை நிறைவு பெறும்
டிசம்பர் 6-ம் தேதி பாபர் மசூதி இடிப்பு தினம் என்பதால்,
சட்டம் ஒழுங்கு பிரச்னை ஏற்படும் அபாயம் உள்ளதாகவும்
சுட்டிக் காட்டியுள்ளனர்.

இந்த மனுவை அவசர வழக்காக விசாரிக்க கோரிய
நிலையில், இன்று விசாரணைக்கு எடுத்துக்கொள்வதாக
நீதிபதிகள் தெரிவித்திருந்தனர். இதனிடையே, வேல்
யாத்திரைக்கு அனுமதி வழங்க கோரி, தமிழக பாஜக சார்பில்
டிஜிபி அலுவலகத்தில் மனு அளிக்கப்பட்டது.

தற்போது தமிழக அரசு சார்பில் அளிக்கப்பட்ட பதிலில்,
கொரோனா காலத்தை கருத்தில் கொண்டு எந்த போராட்டமும்,
ஊர்வலமும் நடத்த அனுமதிக்க முடியாது என்று தெரிவித்துள்ளது.

நியூஸ் 18

Guest · Guest Thu Nov 05, 2020 1:13 pm

பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம் CsIUP2EwRgeuWvBnTVOc+353610

காலையில் நல்ல முடிவு. பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம் TRxDWiGwTOqGikfGROHE+471843

**Dr.S.Soundarapandian** · **Dr.S.Soundarapandian** Fri Nov 06, 2020 9:58 am

**ayyasamy ram** · **ayyasamy ram** Fri Nov 06, 2020 10:33 am

பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம் 1599020484-049

அரசின் உத்தரவை மீறி திருத்தணியில் பாஜகவினர் கூட
வாய்ப்புள்ளதால் கடும் பாதுகாப்பு ஏற்பாடு செய்யப்பட்டுள்ளது.
திருத்தணி முழுவதும் போலீஸ் குவிக்கப்பட்டுள்ள நிலையில்
உத்தரவை மீறி யாத்திரை நடத்த முயல்பவர்களை கைது
செய்ய 20க்கும் மேற்பட்ட பேருந்துகளையும் ஏற்பாடு செய்துள்ளதாக
தகவல்கள் வெளியாகியுள்ளது

வெப்துனியா

Guest · Guest Fri Nov 06, 2020 1:08 pm

அதுதான் வேல்யாத்திரை போகிறார்களே! முதுகெலும்பில்லா அரசும்,அதிகாரமும் இருந்தால் என்னதான் நடக்காது.

Guest · Guest Fri Nov 06, 2020 5:35 pm

தமிழக ஊடக செய்திகளை வைத்து கருத்து சொல்லக் கூடாது எனக் கற்றுக் கொண்டேன்.

Guest · Guest Sun Nov 08, 2020 2:12 pm

பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம் 123765751_195065788852846_7112363569863518979_o.jpg?_nc_cat=109&ccb=2&_nc_sid=825194&_nc_ohc=UJZIsh2yiigAX_GtdEk&_nc_ht=scontent-frt3-1

**ayyasamy ram** · **ayyasamy ram** Sun Nov 08, 2020 2:57 pm

தடையை மீறி இரண்டாவது நாள் வேல் யாத்திரை -எல்.முருகன் மீண்டும் கைது
-
சென்னை:

தமிழக பாஜக சார்பில் திருத்தணியில் இருந்து திருச்செந்தூர் வரை
வேல் யாத்திரை நடத்த திட்டமிடப்பட்டது.

இதற்கு தமிழக அரசு அனுமதி அளிக்கவில்லை. ஆனால் தடையை மீறி
பாஜக மாநில தலைவர் எல்.முருகன் தலைமையில் வேல் யாத்திரை
தொடங்கியது. எனவே, வேல் யாத்திரையை போலீசார் தடுத்து நிறுத்தி,
பாஜக மாநில தலைவர் எல்.முருகன் மற்றும் நிர்வாகிகளை கைது
செய்தனர்.

அவர்கள் மீது வழக்கு பதிவு செய்யப்பட்டது. பின்னர் மாலையில் அவர்கள்
அனைவரும் விடுவிக்கப்பட்டனர்.

ஆனால், தடையை மீறி தமிழகம் முழுவதும் வேல் யாத்திரை தொடரும்
என எல்.முருகன்அறிவித்திருந்தார்.அதன்படி இரண்டாவது நாள்
யாத்திரையை இன்று சென்னை திருவொற்றியூரில் இருந்து கோயம்பேடு
வரை யாத்திரை நடத்த முடிவு செய்யப்பட்டது.

அதன்படி திருவொற்றியூர் வடிவுடையம்மன் கோவிலில் இருந்து எல்.முருகன்
தலைமையில் வேல் யாத்திரை தொடங்கியது. அப்போது போலீசார்
யாத்திரையை தடுத்து நிறுத்தினர். யாத்திரையில் பங்கேற்ற எல்.முருகன்,
பாஜக மூத்த தலைவர் இல.கணேசன், அண்ணாமலை மற்றும் நிர்வாகிகள்
கைது செய்யப்பட்டனர்.

முன்னதாக தொண்டர்களிடையே பேசிய எல்.முருகன், எத்தனை தடைகள்
வந்ததாலும் வேல் யாத்திரை வெற்றி அடையும் என்றும், அனைத்து
ஊர்களிலும் உள்ள ஆன்மீக தலங்களுக்கு சென்று யாத்திரை நிறைவடையும்
என்றும் கூறினார்.

மேலும், தமிழகத்தில் வரும் தேர்தலில் தவிர்க்க முடியாத சக்தியாக பாஜக
இருக்கப்போகிறது என்றும், அடுத்து அமைய உள்ள ஆட்சியை தீர்மானிக்கப்
போவது பாஜகதான் என்றும் எல்.முருகன் கூறினார்.

மாலைமலர்

பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம்

பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம்

Re: பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம்

Re: பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம்

Re: பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம்

Re: பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம்

Re: பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம்

Re: பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம்

Re: பாஜகவின் வேல் யாத்திரைக்கு அனுமதி வழங்க முடியாது - தமிழக அரசு திட்டவட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக