அமெரிக்காவின் கொரோனா தடுப்பு நடவடிக்கை குழு தலைவராக இந்திய வம்சாவளி டாக்டர் நியமனம்

-
வாஷிங்டன்:
கொரோனா தடுப்பூசி பாதுகாப்பு மற்றும் செயல்திறனை
மதிப்பிடுவது அறிவியல் தான் தவிர அரசியல் அல்ல என
அமெரிக்காவில் கொரோனா பரவலை கட்டுப்படுத்தும்
குழுவின் தலைவராக நியமிக்கப்பட்டுள்ள இந்திய
வம்சாவளி மருத்துவர் விவேக் மூர்த்தி தெரிவித்துள்ளார்.

நடந்து முடிந்த அமெரிக்க அதிபர் தேர்தலில் ஜோ பிடன்
அடுத்த அதிபராக பதவியேற்க உள்ளார். இந்நிலையில்
அமெரிக்காவில் பரவியுள்ள கொரோனா வைரசை கட்டுப்
படுத்துவதற்காக அரசு அமைத்துள்ள குழு தலைவராக
இந்திய வம்சாவளி மருத்துவர் விவேக் மூர்த்தி
நியமிக்கப்பட்டுள்ளார்.

கர்நாடகாவை பூர்வீகமாகக் கொண்ட விவேக் மூர்த்தி (43)
ஒபாமா அதிபராக இருந்த காலத்தில் அமெரிக்காவின்
சர்ஜன் ஜெனரல் என் உயர் பதவி வகித்து வந்தார். டிரம்ப்
ஆட்சிக்கு வந்ததும் விவேக் மூர்த்தி அப்பதவியில் இருந்து
நீக்கப்பட்டார்.

முன்னதாக நடந்து முடிந்த அதிபர் தேர்தல் பிரசாரத்தின்
போது கொரோனா மற்றும் சுகாதாரம் தொடர்பான
விஷயங்களில் விவேக் மூர்த்தி பிடனின் முக்கிய
ஆலோசகராக இருந்தார். இதையடுத்து கொரோனா தடுப்பு
நடவடிக்கை குழுவின் தலைவராக நியமிக்கப்பட்டுள்ளார்.

சமீபத்தில் விவேக் மூர்த்தி தனது டுவிட்டரில் கூறியது,
கொரோனா தடுப்பூசி பாதுகாப்பு மற்றும் செய்திறனை
மதிப்பிடுவது அறிவியல் அடிப்படையில் தான் தீர்மானிக்கப்பட
வேண்டுமே தவிர அரசியல் அல்ல.

தடுப்பூசியை அங்கீகரிப்பதற்கான வழியை அறிவியல் வழி
நடத்த டிரம்ப் நிர்வாகம் அனுமதியளித்திருக்க வேண்டும்.
இந்த விஷயத்தில் விஞ்ஞானிகளால் தீர்மானிக்கப்படும்
தடுப்பூசி முறையை தான் மக்கள் ஏற்றுக்கொள்வார்கள்,
அரசியல்வாதிகளை அல்ல.

இவ்வாறு கொரோனா தடுப்பு முறையில் டிரம்ப் நிர்வாகம்
அரசியலாக்கியதை சுட்டிக்காட்டி விமர்சித்துள்ளார்.

தினமலர்