கெஜ்ரிவாலின் மகளிடம் ஆன்லைனில் ரூ.34,000 பண மோசடி

புதுடில்லி:
டில்லி முதல்வர் அரவிந்த் கெஜ்ரிவாலின் மகளிடம்,
ஆன்லைனில் பணமோசடி செய்யப்பட்டது. அந்த நபர் குறித்து
போலீசில் புகார் அளிக்கப்பட்டுள்ளது.

டில்லி முதல்வர் அரவிந்த் கெஜ்ரிவாலின் மகள் ஹர்ஷிதா.
இவர் ஓ.எல்.எக்ஸ்.,சில், பழைய சோபா ஒன்றை விற்பனை
செய்வதற்காக, விளம்பரம் அளித்திருந்தார்.

ஹர்ஷிதாவிடம் சோபா வாங்க அணுகிய ஒருவர், அவரது வங்கி
கணக்கில், பணம் செலுத்தி உள்ளார். பின் அவர் மொபைல்
எண்ணுக்கு, 'கியூ ஆர் கோடு' லிங்கை அனுப்பி வைத்து,
ரூ.34 ஆயிரம் பணத்தை சுருட்டி உள்ளார்.

இதனையடுத்து, டில்லி சிவில் லைன் போலீசாரிடம் ஹர்ஷிதா புகார்
அளித்துள்ளார். இது சைபர் மோசடி கும்பலின் கைவரிசையாக
இருக்கும் என தெரிவித்துள்ள போலீசார், எப்.ஐ.ஆர் பதிவு செய்து
விசாரணை நடத்தி வருகின்றனர்.

சைபர் மோசடி கும்பல், டில்லி முதல்வரின் மகளிடமே கைவரிசையை
காட்டியுள்ள சம்பவம் பெரும் அதிர்ச்சியை ஏற்படுத்தி உள்ளது.

தினமலர்

சைபர் மோசடி கும்பல், டில்லி முதல்வரின் மகளிடமே கைவரிசையை
காட்டியுள்ள சம்பவம் பெரும் அதிர்ச்சியை ஏற்படுத்தி உள்ளது.

அந்த மோசடி கும்பலுக்கு டில்லி முதல்வர் மகள் என்பது தெரிந்திருக்காது.
தெரிந்தாலும் அவர்கள் கண்களுக்கு யாவரும் சமம்.

படித்தவர்கள்தான் அதிகம் பாதிப்படைகிறார்கள். ஐஐடி யில் படித்தவர் கியு ஆர் கோடை ஸ்கான் செய்து உண்மையை தெரிந்துகொள்ள முடியாமல் போய்விட்டதா?
சில மாதங்களுக்கு முன்னர் சென்னையை சேர்ந்த ஐடி பணி செய்பவர் பல ஆயிரங்களை இழந்தார்.
ஏன்?

சக்தி அப்படி என்றால் கியு ஆர் கோட் யார் அனுப்பினாலும் scan செய்யக்கூடாதா. டைம் இருக்கும்போது விளக்கம் தர முடியுமா. நன்றி

QR code scam –  (QR -Quick Response) code -இங்கே நடந்திருப்பதும் இப்படியான ஒன்றுதான்.இந்த ஊழல் ஏற்கனவே சில வருடங்களாகவே நடந்து வருவதுதான்.கியு ஆர் கோட்டை ஸ்கான் செய்து எவ்வளவு தொகை,கணக்கு இலக்கம் கொடுத்தால் அந்தத் தொகை பணம் அவருடைய கணக்கில் சேர்க்கப்படும் என சொல்வார்கள்.ஆனால் பணம் அவருடைய கணக்கில் சேர்ப்பதற்குப் பதில் கணக்கில் இருந்து எடுக்கப்படும்.

Enter your UPI PIN to receive money,Payment successful receive Rs. Xxx என வரலாம்.

ஆனால் பணம் வருவதற்குப் பதில் போய் விடும்.(UPI Pin இலக்கமும் ATM Pin இலக்கமும் ஒன்றல்ல)

யாரும் சுலபமாக உருவாக்கக் கூடியது கியு ஆர்.கோடாகும்.
எப்படி தெரியாத மின் அஞ்சல் இணைப்புகளை திறக்கக் கூடாதோ அப்படி தெரியாத கோடையும் ஸ்கான் செய்யாமல் விடுவது சிறப்பு. கியு ஆர் கோட் சுலபமான பணம் அனுப்பும் முறையாக இருந்தாலும் கூட வேறு முறைகளை பாவிப்பது பாதுகாப்பாகும்.

இன்று சுலபமாக தற்காலிக மின் அஞ்சல் முகவரிகளை உருவாக்க முடியும்.அந்த முகவரியில் இருந்து மின் அஞ்சல் அனுப்பவும் பெறவும் முடியும்.பெரிய நிறுவனங்கள், அமேசன்,மைக்ரொசொப்ட் போன்ற,முகவரியில் இருந்தும் போலி மின் அஞ்சல் அனுப்ப முடிகிறது.

ஸ்கான் செய்து பார்க்க,மின் அஞ்சல் இணைப்பை திறந்து பார்க்க ஆர்வம் இருக்கலாம்,பாதுகாப்பு முகியம் என்பதைக் கருத்தில் கொண்டு அந்தப் பக்கம் செல்லாமல் இருப்பது சிறப்பு. கணினியை விட கைபேசிகள் முக்கியமாக அண்ட்ரொயிட் பாதுகாப்பு குறைவான நிலையில்,கைபேசியிலும் வைரஸ்/மால்வெயர் தடுப்பு அவசியமாகிறது.

இணைய முகவரி https ஆக இருப்பதையும் கண்டு கொள்ள வேண்டும்.பணம் மட்டுமல்லாமல் வைரஸ்களையும் கியு ஆர் கோட்டில் இணைத்து விடுகிறார்கள்.பாவிக்கும் முகவரி URL shortenerமூலம் மாற்றி விடுவார்கள்.

அப்படி கியு ஆர் கோட்டை ஸ்கான் செய்து விட்டால் மிகவும் பொறுமையாக அவசரப்படாது அதில் இருக்கும் விபரங்களை சரிபார்த்துக் கொள்ள வேண்டும்.

கியு ஆர் கோட் ஸ்கனர் இல் தடுப்பு முறை,மால்வெயர் தடுப்பு,ஃபில்டெர்ஸ் இருக்கிறதா என பார்த்துக் கொள்ள வேண்டும்.அதிகமான ஸ்கனர்கள் நேரடியாக தடுப்பு முறையை பயன்படுத்தாது Scan the QR code below and pay - நேரே கொண்டு சென்றுவிடும்.பாதுகாப்பான ஸ்கனர் என பார்த்துக் கொள்வது அவசியம்.கியு ஆர் கோடை கவனமாக பார்த்தால் மேலே ஸ்டிக்கர் ஒட்டியது போல் இருந்தால் ஸ்கான் பண்ணாமல் விட வேண்டும்.உணவு விடுதி,வாகன நிறுத்தும் இடம் இப்படி எங்காவது இருந்தால் ஸ்கான் செய்யாமல் இருப்பது நல்லது.

சக்தி மிக்க நன்றி விளக்கதிற்கு. புரிந்துகொண்டேன். நேரம் ஒதுக்கி எழுதியமைக்கு மீண்டும் நன்றி.

விரிவான விளக்கத்திற்கு நன்றி சக்தி.

@சக்தி18