பள்ளப்பட்டிக்குள் பா.ஜ., வண்டி செல்லும் : அண்ணாமலை ஆவேசம்

**T.N.Balasubramanian** · **T.N.Balasubramanian** Mon Mar 22, 2021 5:37 pm

கரூர்: ''பா.ஜ., பிரசார வண்டி பள்ளப்பட்டிக்கு போகும். எங்களுக்கு ஜமாத் அனுமதி தேவை இல்லை,'' என, அரவக்குறிச்சி தொகுதி, பா.ஜ., வேட்பாளர் அண்ணாமலை தெரிவித்தார்.

கரூர் மாவட்டம், அரவக்குறிச்சி தொகுதிக்குட்பட்ட சின்னதாராபுரம், பள்ளப்பட்டி பகுதியில் உள்ள, 'இஸ்லாமிய பெண்கள், தேர்தல் பிரசாரத்துக்கு செல்ல வேண்டாம், அரசியல் கட்சி பொதுக்கூட்டத்துக்கு செல்ல வேண்டாம்' என, ஜமாத் சார்பில் கூறப்பட்டுள்ளது.
இதுகுறித்து, நேற்று முன்தினம் மாலை அரவக்குறிச்சி தொகுதி புகளூரில், பிரசாரத்தில் ஈடுபட்டிருந்த, பா.ஜ., வேட்பாளர் அண்ணாமலை நிருபர்களிடம் கூறியதாவது: பா.ஜ., பிரசார வண்டி பள்ளப்பட்டிக்கு செல்லும்; பிரசாரம் செய்ய எங்களுக்கு ஜமாத் அனுமதி தேவை இல்லை. நான்கு நாட்களுக்குள் பிரசாரம் செய்வோம்.

பள்ளப்பட்டி இந்தியாவுக்குள்தான் உள்ளது. யாரோ எட்டு பேர் கையெழுத்து போட்டு விட்டு, பள்ளப்பட்டிக்குள் உள்ளே வரக்கூடாது என்று கூற யாருக்கும் உரிமை இல்லை. மேலும், நாங்கள் பள்ளப்பட்டியில் உள்ள, இஸ்லாமிய சகோதரிகளிடம் பேசும் போது, அவர்கள் பர்தா அணியவில்லை என கூறியுள்ளனர். பள்ளப்பட்டியில் இஸ்லாம் தெரிந்த, குரான் ஓத தெரிந்த, சுரா தெரிந்த சகோதரன் என்னுடன் பொது மேடையில், விவாதம் நடத்த வரவேண்டும். நாட்டில் இஸ்லாமியர்களுக்கு, பா.ஜ., அரசு செய்த சாதனைகளை பேசுவோம். இஸ்லாமிய சகோதரிகளின் நல்வாழ்வுக்காக, முத்தலாக் தடை சட்டம் கொண்டு வந்தது குறித்து பேசுவோம். இஸ்லாமியர்களுக்கு கல்வி உதவி தொகை யார் அதிகம் வழங்கியது என்பது குறித்து பேசுவோம்.

நன்றி தினமலர்

தொடருகிறது

**T.N.Balasubramanian** · **T.N.Balasubramanian** Mon Mar 22, 2021 5:40 pm

,,,,,,,,,,2,,,,,,,,,,,,,,,,,
பள்ளப்பட்டிக்குள் பா.ஜ., வண்டி செல்லும் : அண்ணாமலை ஆவேசம் Gallerye_080048144_2735129

பகிங்கரமாக சவால் விடுகிறேன்.
இஸ்லாம் குறித்து, என்னுடன் பேச யாராவது வரவேண்டும். இஸ்லாமை அதிகம் மதிப்பவன். குரானை பற்றி நான், 45 நிமிடம் பேசியுள்ளேன். பள்ளப்பட்டிக்கு, எந்த கட்சி உள்ளே வரணும், எந்த கட்சி வரக்கூடாது என ஜமாத்தில் அறிவிப்பு செய்வதைவிட, அதை, தி.மு.க., வாக மாற்றி விடுங்கள். இந்த முறை பள்ளப்பட்டியில் இஸ்லாம் சகோதரிகள் மூலம், தி.மு.க., வை விட அதிக ஓட்டுகள் வாங்குவோம். ஓட்டுக்காக, இஸ்லாம் மக்களை, தி.மு.க., பயன்படுத்துகிறது. பிரசார கூட்டங்களுக்கு செல்கிறவர்களை தடுப்பது சட்ட விரோதம்.

கொரோனா காலத்தில் கூட்டம் கூடியது, பா.ஜ., அலுவலகம் திறந்தது உள்ளிட்ட காரணங்களுக்காக என் மீதுள்ள, வழக்குகள் குறித்து வேட்பு மனுவில் தெளிவாக குறிப்பிட்டுள்ளேன். ஆனால், தி.மு.க., வக்கீல்கள் அரசியலுக்காக, என் வேட்பு மனுவை ஏற்க கூடாது என கூறினர். ஆனால், என் பக்கம் நியாயம் இருந்ததால், வேட்புமனு ஏற்கப்பட்டுள்ளது. ஸ்டாலின் காலை, 11:00 மணிக்கு முதல்வராக பொறுப்பேற்றால், மணல் திருட்டு, நில அபகரிப்பு, கொள்ளை மற்றும் பெண்களின் இடுப்பை கிள்ளுவது போன்ற செயல்களில் ஈடுபடுவோம் என, தி.மு.க.,வினர் சொல்லி விட்டனர். இதை தமிழக மக்கள் புரிந்து கொண்டு, தி.மு.க.,வை நிராகரிக்க வேண்டும். இவ்வாறு, அவர் கூறினார்.

.........3......

**T.N.Balasubramanian** · **T.N.Balasubramanian** Mon Mar 22, 2021 5:42 pm

..........3.......
பள்ளப்பட்டி நகர ஜமாஅத் அறிக்கை

'சமீபகாலமாக வழக்கத்துக்கு மாறாக பெண்கள் பொதுக்கூட்டங்களுக்கு செல்வதும், வீடு வீடாக கேன்வாசுக்கு செல்வதும், பெரும் வருத்தத்திற்கும், கண்டிப்பிற்கும் உரிய விஷயமாகும்' என, கரூர் மாவட்டம், அரவக்குறிச்சி பள்ளப்பட்டி நகர ஜமாஅத் தெரிவித்துள்ளது. இதுகுறித்து, வெளியிடப்பட்ட அறிக்கை: நமது ஊரின் சிறப்பான நல்லொழுக்கங்களில் பெண்களின் பர்தா, கோஷா பேணுதல் முக்கியமானதாகும். சமீப காலமாக வழக்கத்துக்கு மாறாக பெண்கள், பொதுக்கூட்டங்களுக்கு செல்வதும், வீடு வீடாக கேன்வாசுக்கு செல்வதும் பெரும் வருத்தத்திற்கும், கண்டிப்பிற்கும் உரிய விஷயமாகும். இது தொடர்பாக பொது மக்கள் பலரும், தங்களது கவலையையும், கண்டனத்தையும் உலமாக்களிடமும், ஊர் முக்கியஸ்தர்களிடமும் தெரிவித்துள்ளனர்.
இதற்கு முன்பும், ஊர்தழுவிய பொதுக்கூட்டங்களில் முடிவு செய்தது போல், ஷரீஅத் சுன்னத் மற்றும் நமதுாரின் கண்ணியம், இறையாண்மையை கருத்தில் கொண்டு பெண்கள் தங்களின் கண்ணியம் காக்க, அரசியல் பொதுக்கூட்டங்களுக்கோ, வீடு வீடா கேன்வாசுக்கோ செல்வதை முற்றிலும் தவிர்த்து கொள்ளுமாறும், மஹல்லாவாசிகள் இது விஷயத்தில் விழிப்புணர்வுடனும், நளினமாகவும், செயல்படுமாறும், ஊர் பொதுமக்கள் சார்பாக பள்ளப்பட்டி நகர ஜமாஅத் உலமா வலியுறுத்தி கேட்டு கொள்ளப்படுகிறது.
இவ்வாறு, அறிக்கையில் கூறப்பட்டுள்ளது.

====================

Guest · Guest Mon Mar 22, 2021 6:27 pm

ஜனநாயக நாடொன்றில் யாராக இருந்தாலும் தேர்தல் பிரச்சாரம் செய்ய/செல்ல அனுமதி உண்டு.
முதலில் ஐரோப்பிய நாடுகள் போல் இந்தியாவிலும் பர்தா, கோஷா தடை செய்யப்பட வேண்டும்.குரானில் இல்லாத ஒன்றை தடை செய்வதில் தவறில்லை.

இந்த பதிவைத் துவங்கியவர் நன்றி கூறியுள்ளார் Guest

**T.N.Balasubramanian** · **T.N.Balasubramanian** Mon Mar 22, 2021 6:40 pm

சவுதி போன்ற இஸ்லாமிய நாடுகளில் பாலைவனங்கள் அதிகம்.
மணல் காற்று/மணல் புயல் போன்றவை அடிக்கடி ஏற்படும் எனவும்
அதிலிருந்து ஜனங்கள் தங்களை தற்காத்துக்கொள்ள அதற்கு தக்கபடி
உடைகள் தேர்ந்தெடுத்தனர் என்று எங்கள் பேராசிரியர் கூற கேட்டுள்ளேன்.

பள்ளப்பட்டிக்குள் பா.ஜ., வண்டி செல்லும் : அண்ணாமலை ஆவேசம்

பள்ளப்பட்டிக்குள் பா.ஜ., வண்டி செல்லும் : அண்ணாமலை ஆவேசம்

Re: பள்ளப்பட்டிக்குள் பா.ஜ., வண்டி செல்லும் : அண்ணாமலை ஆவேசம்

Re: பள்ளப்பட்டிக்குள் பா.ஜ., வண்டி செல்லும் : அண்ணாமலை ஆவேசம்

Re: பள்ளப்பட்டிக்குள் பா.ஜ., வண்டி செல்லும் : அண்ணாமலை ஆவேசம்

Re: பள்ளப்பட்டிக்குள் பா.ஜ., வண்டி செல்லும் : அண்ணாமலை ஆவேசம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக