கண்ணமங்கலம் அருகே பதட்டம்: சாமி ஊர்வலத்தில் மோதல்

கண்ணமங்கலம் அருகே பதட்டம்: சாமி ஊர்வலத்தில் மோதல்; கல்வீச்சு- சாலை மறியலில் 50 பேர் கைது

கண்ணமங்கலம், ஜன.18- திருவண்ணாமலை மாவட்டம் கணணமங்கலம் அடுத்த அம்மாபாளையத்தில் மாரியம்மன் கோவில் உள்ளது. இந்த கோவிலில்¢ காணும் பொங்கலையொட்டி நேற்று முன்தினம் இரவு சாமி ஊர்வலம் நடந்தது. இதில் அம்மாபாளையத்தை சேர்ந்தத சுமார் 100-க்கும் மேற்பட்டோர் கலந்த கொண்டனர்.

சாமி ஊர்வலம் அம்மாபாளையம் ஆதிதிராவிடர் காலனி அருகே வந்த போது அங்கு தீபாராதனை செய்ய ஊர்வலம் நிறுத்தப்படவில்லை என்று கூறப்படுகிறது. இதனால் அந்த பகுதியை சேர்ந்தவர்களுக்கும் அம்மா பாளையத்தை சேர்ந்தவர்களுக்கும் மோதல் ஏற்பட்டது.

இந்த மோதல் கோஷ்டி மோதலாக உருவாகி ஒருவரைஒருவர் கல்வீசி தாக்கி கொண்டனர். இதனால் அங்கு பெரும் பரபரப்பு ஏற்பட்டது.
பின்னர் நேற்று நடந்த 2-ம் நாள் ஊர்வலத்திலும் இருதரப்பினரும் மோதிக்கொண்டனர்.

இச்சம்பவத்தை கண்டித்தும் அம்மா பாளையத்தை சேர்ந்தவர்கள் மீது நடவடிக்கை எடுக்க வேண்டும் என்று வலியுறுத்தி இன்று காலை ஆதிதிராவிடர் காலனியை சேர்ந்த சுமார் 50 பேர் வேலூர்-ஆரணி ரோட்டில் சாலைமறியலில் ஈடுபட்டனர்.

இதனால் அங்கு போக்குவரத்து பாதிக்கப்பட்டது.

இது குறித்து தகவலறிந்த கண்ணமங்கலம் சப்- இன்ஸ்பெக்டர் அண்ணாதுரை மற்றும் தாசில்தார் ராமலிங்கம் மற்றும் போலீசார் விரைந்து வந்து பேச்சுவார்த்தை நடத்தினர்.

பேச்சுவார்த்தைக்கு உடன்படாமல் தொடர்ந்து சாலைமறியலில் ஈடுபட்டனர்.

இதையடுத்து சாலை மறியலில் ஈடுபட்ட ஊராட்சி மன்ற தலைவர் அபிராமி உள்பட 50 பேரை கைது செய்தனர்.

மேலும் அப்பகுதியில் தொடர்ந்து பதட்டம் நிலவியது. இதனால் அங்கு போலீசார் குவிக்கப்பட்டுள்ளனர்.