சென்னையில் இன்றைய வானிலை.

சென்னை :'தென் கிழக்கு வங்கக்கடல் மற்றும் அதை ஒட்டியுள்ள பகுதிகளில், நாளை மறுதினம் குறைந்த காற்றழுத்த தாழ்வு பகுதி உருவாகும். அது, 48 மணி நேரத்தில் மேலும் வலுப் பெற்று, தமிழக கடற்கரை நோக்கி நகரும்' என்று சென்னை வானிலை ஆய்வு மையம் தெரிவித்துள்ளது.
சூறைக்காற்று
வானிலை ஆய்வு மையத்தின் தென் மண்டல தலைவர் பாலச்சந்திரனின் அறிவிப்பு:தென் கிழக்கு வங்கக்கடல் பகுதியில், நாளை மறுதினம் குறைந்த காற்ற ழுத்த தாழ்வு பகுதி உருவாகும். இதனால், தென் கிழக்கு வங்கக்கடல் பகுதியில் 9, 10ம் தேதிகள்; தென் மேற்கு வங்கக்கடல் பகுதியில் 10, 11, 12ம் தேதிகள்.
தமிழக கடற்கரை மற்றும் அதையொட்டிய ஆந்திர கடற்கரை பகுதிகளில் 11, 12ம் தேதிகளில், சூறைக்காற்று மணிக்கு 40 - 50 கி.மீ., வேகத்தில் வீசும்; சில நேரங்களில் 60 கி.மீ., வேகத்திலும் வீசலாம். வட கடலோர மாவட்டங்கள் மற்றும் அதையொட்டி உள்ள தெற்கு ஆந்திர கடலோர மாவட்டங்களில் 11, 12ம் தேதிகளில், ஒரு சில இடங்களில் கன முதல், மிக கன மழை வரை பெய்யும். ஓரிரு இடங்களில் அதி கன மழை பெய்யலாம். மீனவர்கள் 9, 10ம் தேதிகளில், தென் கிழக்கு வங்கக்கடல் பகுதிகளுக்கும், 10 முதல் 12 வரை, தென் மேற்கு வங்கக்கடல், தமிழக கடற்கரை பகுதி, அதை ஒட்டியுள்ள தெற்கு ஆந்திர கடற்கரை பகுதிகளுக்கும் செல்ல வேண்டாம்.ஆழ்கடலில் இருக்கும் மீனவர்கள், நாளை மறுதினத்திற்குள் கரைக்கு திரும்ப வேண்டும்.

மிதமான மழை
தெற்கு ஆந்திரா - வட தமிழக கடலோர பகுதிகளை ஒட்டியுள்ள, தென் மேற்கு வங்கக்கடலில் நிலவும் வளி மண்டல மேலடுக்கு சுழற்சி காரணமாக, இன்று தமிழகம், புதுச்சேரி, காரைக்கால் பகுதிகளில், அனேக இடங்களில் லேசானது முதல் மிதமான மழை வரை பெய்யும். திருவள்ளூர், காஞ்சி புரம், செங்கல்பட்டு, ராணிப்பேட்டை, வேலுார், திருப்பத்துார், கிருஷ்ணகிரி, விழுப்புரம், கடலுார், நீலகிரி, சேலம், ஈரோடு, நாமக்கல், கள்ளக்குறிச்சி, திருவண்ணாமலை, திருச்சி மாவட்டங்கள் மற்றும் புதுச்சேரியில் இடி, மின்னலுடன் கன மழை பெய்யும்.நாளை, தமிழகம், புதுச்சேரி மற்றும் காரைக்கால் பகுதிகளில், அனேக இடங்களில் லேசானது முதல், மிதமான மழை பெய்யலாம். துாத்துக்குடி, ராமநாதபுரம், சிவகங்கை, புதுக்கோட்டை, நாகப்பட்டினம், திருவாரூர், தஞ்சாவூர், மயிலாடுதுறை, கடலுார், அரியலுார், பெரம்பலுார், செங்கல்பட்டு, கிருஷ்ணகிரி, நீலகிரி, ஈரோடு, சேலம், நாமக்கல், தேனி, திண்டுக்கல், தென்காசி மாவட்டங்கள் மற்றும் காரைக்கால் பகுதிகளில் ஓரிரு இடங்களில் இடி, மின்னலுடன் கன மழை பெய்யும்.
நாளை மறுதினம், தமிழகம், புதுச்சேரி மற்றும் காரைக்கால் பகுதிகளில், லேசானது முதல் மிதமான மழை பெய்யலாம். கன்னியாகுமரி, திருநெல்வேலி, தென்காசி, துாத்துக்குடி, விருதுநகர், ராமநாதபுரம், தேனி, மதுரை, சிவகங்கை, திண்டுக்கல், நாகப்பட்டினம், மயிலாடுதுறை, திருவாரூர், தஞ்சாவூர், புதுக்கோட்டை மாவட்டங்கள், காரைக்கால் பகுதியில் ஓரிரு இடங்களில் மின்னலுடன் கன மழை உண்டு.

சென்னையை பொறுத்தவரை, அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒரு சில பகுதிகளில் மிதமான மழை, அவ்வப்போது கன மழை பெய்யும். அதிகபட்ச வெப்பநிலை 29; குறைந்தபட்ச வெப்பநிலை 25 டிகிரி செல்ஷியசை ஒட்டியே இருக்கும்.கடந்த 24 மணி நேரத்தில் அதிகபட்சமாக, கடலுார் மாவட்டம் குறிஞ்சிப்பாடியில் 16 சென்டி மீட்டரும், வடகுத்து பகுதியில் 14 செ.மீ., மழையும் பெய்துள்ளது. சிதம்பரத்தில் 11; சேலம் தம்மம்பட்டியில் 10; நெய்வேலி, கொத்தவச்சேரி பகுதியில் 9 செ.மீ., மழை பதிவாகியுள்ளது.இவ்வாறு அறிவிப்பில் கூறப்பட்டுள்ளது.
நன்றி தினமலர்