போலீசாக இருந்தவர் தொடர் முயற்சியால் பேராசிரியர் ஆனார்

-
திருநெல்வேலி: போலீஸ்காரராக 11 ஆண்டுகள் பணியாற்றியவர் தொடர் முயற்சியால் கல்லூரிப் பேராசிரியர் ஆனார்.





திருநெல்வேலி டவுன் மலையாளமேடு பகுதியைச் சேர்ந்தவர்
அரவிந்த் பெருமாள் 34.
திருநெல்வேலி ம.தி.தா., ஹிந்து கல்லூரியில் இளங்கலை
பொருளாதாரம் பயின்றவர். மனோன்மணியம் சுந்தரனார்
பல்கலைக்கழகத்தில் எம்.பில்., பயின்றார். தொடர்ந்து படிக்க
முடியாத குடும்பச் சூழலில் 2011ல் போலீஸ் வேலையில் சேர்ந்தார்.

கடந்த 11 ஆண்டுகளாக போலீஸ்காரராக பணியாற்றினார்.
எம்பில் முடித்தவர் அரசு அனுமதி பெற்று அமைப்பு சாரா
தொழிலாளர்களின் பொருளாதார நிலை என்ற தலைப்பில்
பிஎச்டி முடித்து 2019ல் முனைவர் பட்டம் பெற்றார்.

இவர் நாகர்கோவில் எஸ் டி ஹிந்து கல்லூரியில் பொருளாதாரத்
துறையில் பேராசிரியர் பணியிடத்தில் நேர்முகத் தேர்வில் வெற்றி
பெற்று பணியில் சேர்ந்தார்.அவரை மாவட்ட எஸ்.பி. சரவணன்
உள்ளிட்டோர் வாழ்த்தி அனுப்பி வைத்தனர்.

போலீசில் இருந்து பேராசிரியராக உயர்ந்த அரவிந்த பெருமாள்
கூறுகையில், என்னுடன் பிறந்தவர்கள் 6 பேர். எனவே குடும்பச்
சூழல் காரணமாக மேற்கொண்டு படிக்க முடியாத சூழலில் போலீஸ்
வேலைக்கு சென்றேன்.

அதன் பிறகு பிஎச்டி முடித்தேன் ஒரு போலீஸ்காரராக இருந்து
கொண்டே படிக்கவும், விண்ணப்பிக்கவும் போலீஸ் அதிகாரி
சின்னச்சாமி உதவினார் என்றார் இவரது மனைவி பேச்சியம்மாள்
இருவரும் பல்கலைக்கழகத்தில் பயிலும் போது காதலித்து திருமணம்
செய்து கொண்டனர்.

பேச்சியம்மாள் தற்போது திருநெல்வேலியில் தனியார் கல்லூரி
ஒன்றில் பொருளாதார பேராசிரியராக உள்ளார். லோகஸ்ரீ 9,
ஒ சிவபாலன் 4, என இரண்டு குழந்தைகள் உள்ளனர்.
போலீஸ் பணியில் இருந்து கொண்டே தமது கனவான கல்லூரி
பேராசிரியர் பணியிடத்தை உழைப்பின் மூலம் அடைந்திருக்கிறார்
அரவிந்த் பெருமாள்.

-தினமலர்