‛குல்ட் ஆர்ட்' ஓவியமல்ல, துணியில் தீட்டிய காவியம்..

-

துணியில், துணியைக் கொண்டு உருவாக்கப்பட்ட ‛குல்ட் ஆர்ட்'
என்ற துணி ஓவியக் கண்காட்சி சென்னையில் நடந்து வருகிறது

குல்ட் இந்தியா பவுன்டேஷன் சார்பில் ‛முகங்கள்' என்ற தலைப்பில்
நடைபெறும் இந்த கண்காட்சியில் நாடு முழுவதும் உள்ள இருபது
கலைஞர்கள் உருவாக்கிய முப்பத்து மூன்று ஒவியங்கள் இடம்
பெற்றுள்ளன.

எப்படி இப்படிப்பட்ட ஒவியத்தை உருவாக்கினார்கள் என்று வியந்து
போகுமளவிற்கு ஒவ்வொரு ஓவியமும் அவ்வளவு அழகாக உள்ளது.

பொதுவாக சுவர்களில் வெள்ளை பேப்பரில் வண்ண பெயிண்ட் மை
கொண்டு ஒவியம் வரைவர் ஆனால் இந்த துணி ஓவியத்தில்
சாதாரணமாக கிடைக்கும் வண்ண நுால்களைக் கொண்டு நுட்பமாக
தைத்து உருவாக்க வேண்டும்.

ஆனால் துணி கொண்டு தைத்து உருவாக்கிய ஒவியம் என்றே சொல்ல
முடியாத அளவிற்கு தத்ரூபமாக உள்ளது, அருகில் சென்று தொட்டுப்
பார்த்தால் மட்டுமே அனைத்தும் துணி என்பது தெரியவரும்.

கண்காட்சியினை டாக்டர் ஐஸ்வர்யா குத்துவிளக்கேற்றி துவக்கிவைத்தார்,
ஒருங்கிணைப்பாளர் தீனா கட்வால் வரவேற்றார்,வர்ஷா வரவேற்று
பேசினார்.அவர் பேசுகையில்..

அகத்தின் அழகு முகத்தில் தெரியும் என்பர் அந்த அளவிற்கு நமது
சந்தோஷம் துக்கம் வலி வேதனை என்று எல்லா உணர்வுகளையும்
வெளிப்படுத்தும் முகத்தை அதே உணர்வுடன் கலைஞர்கள் தங்களது
துணி ஓவியத்தில் வெளிப்படுத்தி உள்ளனர்.

அதிலும் வேலை செய்யும் பெண் ஒருவரின் முகமே தெரியாது
ஆனால் அவரின் வலி தெரியும் அந்த அளவிற்கு ஓவியத்தில் நுட்பத்தை
காட்டியுள்ளது இன்னும் சிறப்பு. ஒவியத்தில் இடம் பெற்றுள்ள பெண்களின்
விரல் நகங்கள் கூட உண்மையில் எப்படி இருக்குமோ அப்படி
உருவாக்கியுள்ளனர், இந்த துணி ஓவிய கண்காட்சியை எல்லோரும் வந்து
பார்க்க வேண்டும் ரசிக்க வேண்டும் இந்த கலையை பரப்பவேண்டும்
அதற்கான விழிப்புணர்வு ஏற்படுத்தவே இந்த கண்காட்சி என்றார்.

-எல்.முருகராஜ்-தினமலர்