டேனிஷ் நீச்சல் போட்டி: நடிகர் மாதவனின் மகன் வேதாந்த் சாதனை

**ayyasamy ram** · **ayyasamy ram** Sun Apr 17, 2022 10:16 am

-
2022-ம் ஆண்டுக்கான டேனிஷ் ஓபன் நீச்சல் போட்டியில்,
நடிகர் மாதவனின் மகன் வேதாந்த் வெள்ளிப் பதக்கமும்,
முன்னணி வீரர் சாஜன் பிரகாஷ் தங்கப் பதக்கமும் வென்று
நாட்டுக்கு பெருமை சேர்த்துள்ளனர்.

நடிகர் மாதவனின் மகன் வேதாந்த், சிறுவயது முதல் பல்வேறு
நீச்சல் போட்டிகளில் கலந்துகொண்டு பதக்கங்களை
வென்றுள்ளார். இந்நிலையில் டென்மார்க் தலைநகர்
கோபன்ஹேகனில் நடைபெற்றுவந்த, 2022-ம் ஆண்டு
டேனிஷ் ஓபன் நீச்சல் போட்டியின், 1500 மீட்டர் பிரிவின்
இறுதிப் போட்டியில் 10 பேர் கலந்துகொண்டனர்.

இதில், இரண்டாவது இடத்தைப் பிடித்து வேதாந்த் மாதவன்
வெள்ளிப் பதக்கம் வென்றுள்ளார்.

கடந்த ஆண்டு லாத்வியன் ஓபன் நீச்சல் போட்டியில கலந்து
கொண்டு வேதாந்த் மாதவன் வெண்கலப் பதக்கத்தை
வென்றிருந்தார். மேலும், கடந்த ஆண்டு தேசிய அளவில் நடந்த
போட்டிகளில் 7 பதக்கங்களை வென்று வேதாந்த் மாதவன்
அசத்தினார்.
-
டேனிஷ் நீச்சல் போட்டி: நடிகர் மாதவனின் மகன் வேதாந்த் சாதனை 1650126466686

டேனிஷ் நீச்சல் போட்டி: நடிகர் மாதவனின் மகன் வேதாந்த் சாதனை 1650126466686

இதேபோல் ஆடவருக்கான 200 மீட்டர் பட்டர்ஃபிளை பிரிவில்,
இந்தியாவின் முன்னணி நீச்சல் வீரர் சாஜன் பிரகாஷ் தங்கப்
பதக்கம் வென்று சாதனை படைத்தார்.
-
-புதியதலைமுறை செய்திகள்