நகங்கள் பராமரிப்பு

**சிவா** · **சிவா** Fri Sep 29, 2023 7:49 pm

நகத்தின் பராமரிப்பு என்பது அழகினை தாண்டி சுகாதாரத்திற்கும் மிகவும் முக்கியமானது.

* கை, கால் நகங்களை எப்போதும் ஈரப்பதமாக வைத்திருக்கக் கூடாது. அது நகத்தை பலவீனமாக்கி உடைதலை ஏற்படுத்தும். மேலும் நகம் ஈரப்பதமாக இருப்பது பூஞ்சை தொற்றையும் ஏற்படுத்தலாம்.

* கையில் தோல் உரிவது, நகம் உடைவது போன்ற பிரச்னை இருப்பவர்கள், மென்மை யான சோப், ஹேண்ட் வாஷ் பயன்படுத்தலாம். பாத்திரம் கழுவுவது, துணி துவைப்பது போன்ற வேலைகளின்போது கையுறைகளை அணிந்துகொள்ளலாம்.

* நகத்தில் அழுக்கு சேராமல் பார்த்துக்கொள்ள வேண்டும். அது சமைக்கும்போது, ஜூஸ் பிழியும்போது, சாப்பிடும்போது உணவுடன் உள்ளே செல்ல நேர்ந்தால் சுகாதாரக் கேடா கும். நகம் வளர்ப்பவர்கள், அதை தினமும் பராமரிக்க வேண்டியது அவசியம்.

* கிருமித்தொற்றால் ஏற்படும் நகச்சுத்திக்கு வீட்டு வைத்தியமாக, வேப்பிலையுடன் மஞ்சள் சேர்த்து அரைத்து மருதாணிபோல போட்டுக்கொள்ளலாம். இரண்டுமே இயற்கையான கிருமிநாசினி என்பதால் நிவாரணம் கொடுக்கும், பக்க விளைவுகள் இருக்காது. நாள்பட்டும் சரியாகாமல் இருந் தால் மருத்துவரிடம் செல்ல வேண்டும்.

* நகங்களை கடிக்கவோ, பிய்த்து எடுக்கவோ கூடாது. சரியான முறை யில் வெட்டியே நீக்க வேண்டும். நகங்களை வெட்டும்போது கூர்மை யாக இல்லாமல் ட்ரிம் செய்து கொள்ள வேண் டும். நீளமான நகம், உடைய அதிக வாய்ப்புண் டாகும். எனவே அதிக நீளம் வேண்டாம்.

* இறுக்கமான மூடியைத் திறப்பது, மிகவும் உட் குடைந்து நகம் வெட்டுவது போன்ற செயல்களால் நகம் பாதிக்கப்படும் என்பதால் தவிர்க்க வேண்டும்.

* நகம் உடைவது, உரிவது வைட்டமின் சி பற்றாக்குறையால் ஏற்படலாம் என்பதால் வைட்டமின் சி உணவுகள் எடுத்துக்கொள்ள வேண்டும். புரொட்டீன் உணவுகள் நகத்தின் ஆரோக்கியத்துக்கு நல்லது.

* உடலுக்குத் தேவையான தண்ணீர் அருந்தி நீர்ச்சத்தை பராமரிப்பது, நக ஆரோக்கியத் துக்கும் தேவையானது.

* நெயில் பாலிஷ், நெயில் கம், நெயில் ஆர்ட், செயற்கை நகங்கள் எல்லாம் அவ்வப்போது பயன்படுத்தலாம். தினசரிக்கு தவிர்க்க வேண்டும். இவற்றில் உள்ள ரசாயனங்கள் தொடர் பயன்பாட்டின் போது நகத்தை வலிமையிழக்கச் செய்யலாம், நக அரிப்பு ஏற்பட்டு லேயர் லேயராக உரியலாம்.

* ஒருமுறை நெயில் பாலிஷ் பயன்படுத்தி, மறுமுறை வேறு கலர் நெயில் பாலிஷ் மாற்றுவதற்கு முன் சில நாள்கள் நகங் களுக்கு பிரேக் கொடுக்க வேண்டும். இல்லையெனில் நகம் பலவீனமாவது, மஞ்சள் நிறமாக மாறுவது, நகத்தின் அமைப்பு மாறுவது என்று பாதிக்கப்படலாம்.

* நெயில் பாலிஷ் பயன்படுத்துவதற்கு முன்னர், நகத்துக்கான நிறமற்ற திரவமான `பேஸ் கோட்' (Base Coat) பயன்படுத்துவது, நெயில் பாலிஷ் நேரடியாக நகத்தை பாதிப்பை தவிர்க்கச் செய்யும். அதேபோல, `டாப் கோட்' (Top Coat) பயன் படுத்தும்போது நெயில் பாலிஷ் உரிவது தவிர்க்கப்படும், மினு மினுப்பும் கிடைக்கும்.

* முடிந்தவரை அடர் நிற நெயில் பாலிஷை தவிர்க்கலாம். அதில் நிறத்துக்கு அதிக ரசாயனங்கள் சேர்க்கப்படும் என்பதுடன், நகத் தில் இருந்து நீக்கும்போதும் அதிகம் நெயில் பாலிஷ் ரிமூவர் பயன்படுத்த வேண்டிவரும்.

* நெயில் பாலிஷ் ரிமூவரை அடிக்கடி பயன்படுத்தக் கூடாது. அசிட்டோன் இல்லாத (Acetone-free) நெயில் பாலிஷ் ரிமூவரை தேர்ந்தெடுக்க வேண்டும்.

* நகங்களில் உள்ள நெயில் பாலிஷ் துகள்கள் உணவில் கலந்து உள் சென்றுவிடலாம் என்பதால், வலது கையில் நெயில் பாலிஷ் அப்ளை செய்யக் கூடாது. குறிப்பாக, குழந்தைகளுக்கு முடிந்தவரை நெயில் பாலிஷை தவிர்க்கலாம். அல்லது, தரமான நெயில் பாலிஷாகப் பயன்படுத்த வேண்டும்.

* நகத்தின் நிறத்தில் மாறுபாடு தென்பட்டால், அது நீண்டகாலம் மாறாமால் இருந்தால் ஆரோக் கியப் பிரச்னை என்று உணர்ந்து மருத்துவ ஆலோசனை பெற வேண்டும்.

நகங்கள் பராமரிப்பு

நகங்கள் பராமரிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக