ராமர் கோயில் விழா; தமிழக கோயில்களில் தடை என நிர்மலா சீதாராமன் புகார்... சேகர்பாபு பதிலடி!

**ayyasamy ram** · **ayyasamy ram** Sun Jan 21, 2024 9:37 pm

-
ராமர் கோயில் கும்பாபிஷேகத்தை முன்னிட்டு இந்து சமய
அறநிலையத் துறையின் கீழ் உள்ள கோயில்களில், பூஜைகள்
நடத்த தடை என மத்திய நிதி அமைச்சர் நிர்மலா சீதாராமன்
தெரிவித்துள்ள கருத்துக்கு அமைச்சர் சேகர்பாபு மறுப்பு
தெரிவித்துள்ளார்.

உத்தரபிரதேச மாநிலம் அயோத்தியில் ராமருக்கு புதிதாக
கட்டப்பட்டுள்ள கோயிலின் கும்பாபிஷேகம் நாளை நடைபெற
உள்ளது. இதையொட்டி மத்திய அரசு சார்பில் வங்கிகள் மற்றும்
மத்திய அரசு நிறுவனங்களுக்கு விடுமுறை விடப்பட்டுள்ளது.

மேலும் பல்வேறு மாநிலங்களில் முழு அரசு விடுமுறை
அறிவிக்கப்பட்டு, கோயில்களில் சிறப்பு பூஜைகள் மற்றும்
பிரார்த்தனைகளுக்கு ஏற்பாடுகள் செய்யப்பட்டுள்ளது.

இந்த நிலையில் பிரபல நாளிதழ் ஒன்றில், நாளை தமிழ்நாட்டில்
இந்து சமய அறநிலையத்துறையின் கீழ் உள்ள கோயில்களில்
சிறப்பு பூஜைகள் செய்யவும், ராமர் பெயரில் அன்னதானம்
வழங்கவும் தடை விதிக்கப்பட்டுள்ளதாக செய்தி
வெளியிடப்பட்டிருந்தது.

இந்நிலையில் இந்த செய்தியை தனது எக்ஸ் பக்கத்தில்
பகிர்ந்துள்ள மத்திய நிதி அமைச்சர் நிர்மலா சீதாராமன்,
"தமிழ்நாட்டில் அயோத்தி ராமர் கோயில் கும்பாபிஷேக
விழாவை நேரலை ஒளிபரப்பு செய்ய தமிழ்நாடு அரசு தடை
விதித்துள்ளது.

தமிழ்நாட்டில் 200க்கும் மேற்பட்ட ராமர் கோயில்கள் உள்ளது.
இந்து சமய அறநிலையத்துறை கீழ் இயங்கும் கோயில்களில்
பூஜைகள், பஜனைகள் ஆகியவை நடத்தவும், பிரசாதம்,
அன்னதானம் வழங்கவும் அனுமதி இல்லை.

போலீஸார் தனியார் கோயில்களில் நிகழ்ச்சிகளை
ஒருங்கிணைக்கவும் தடை விதித்துள்ளனர். பந்தல்களை
பிரித்தெறிவோம் என ஒருங்கிணைப்பாளர்களை மிரட்டுகிறார்கள்.
இந்து விரோத இந்த செயல்பாட்டிற்கு கடும் கண்டனம்
தெரிவிக்கிறேன்" என்று பதிவிட்டுள்ளார்.

இதனிடையே இதற்கு மறுப்பு தெரிவித்துள்ள தமிழ்நாடு இந்து
சமய அறநிலையத்துறை அமைச்சர் பி.கே.சேகர்பாபு முற்றிலும்
உண்மைக்கு புறம்பான செய்தியை பகிர்ந்துள்ளதாக
தெரிவித்துள்ளார். இது தொடர்பாக எக்ஸ் தளத்தில் பதிவிட்டுள்ள
அவர், "சேலத்தில் எழுச்சியோடு நடைபெற்று வரும் திமுக
இளைஞரணி மாநாட்டை திசை திருப்புவதற்காக திட்டமிட்ட
வதந்தி பரப்பப்படுகிறது.

தமிழ்நாட்டில் உள்ள கோயில்களில் ராமர் பெயரில் பூஜை செய்யவோ,
அன்னதானம் வழங்கவோ, பிரசாதம் வழங்கவோ, பக்தர்களுக்கு
எந்த தடையையும் அறநிலையத்துறை விதிக்கவில்லை.

முற்றிலும் உண்மைக்கு புறம்பான உள்நோக்கம் கொண்ட பொய்
செய்தியை, உயர்ந்த பதவியில் உள்ள நிதி அமைச்சர்
நிர்மலா சீதாராமன் போன்றோர் பரப்புவது வருத்தத்திற்குரியது"
என்று பதிவிட்டுள்ளார்.

நன்றி- காமதேனு & Dailyhunt

**Dr.S.Soundarapandian** · **Dr.S.Soundarapandian** Mon Jan 22, 2024 2:09 pm

ராமர் கோயில் விழா; தமிழக கோயில்களில் தடை என நிர்மலா சீதாராமன் புகார்... சேகர்பாபு பதிலடி!

ராமர் கோயில் விழா; தமிழக கோயில்களில் தடை என நிர்மலா சீதாராமன் புகார்... சேகர்பாபு பதிலடி!

Re: ராமர் கோயில் விழா; தமிழக கோயில்களில் தடை என நிர்மலா சீதாராமன் புகார்... சேகர்பாபு பதிலடி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக