கொழுப்பை குறைக்கும் பாதாம், முந்திரி

sathyan · sathyan Thu 13 May 2010 - 0:05

கொழுப்பை குறைக்கும் பாதாம், முந்திரி

வாஷிங்டன்:பாதாம், முந்திரி போன்ற கொட்டை வகை உணவுகளை தினசரி உண்டு வந்தால், ரத்தத்திலுள்ள கொழுப்பு அளவு குறைகிறது என்று சமீபத்திய ஆய்வு ஒன்று தெரிவிக்கிறது.கலிபோர்னியாவிலுள்ள லோமா லிண்டா பல்கலைக்கழகத்தைச் சேர்ந்த விஞ்ஞானிகளால், ஏழு நாடுகளைச் சேர்ந்த 583 பேரிடம் ஓர் ஆய்வு நடத்தப்பட்டது. பல்வேறு கொட்டை வகைகளை தினசரி உணவில் சேர்த்து, அதன் பிறகு நடத்தப்பட்ட 25 விதமான ஆய்வுகளிலிருந்து இந்த முடிவு பெறப்பட்டுள்ளது.

'பாதாம், முந்திரி போன்ற கொட்டைகளில் நம் உடலுக்குத் தேவையான நார்ச்சத்து, விட்டமின், மினரல் போன்றவை அடங்கியுள்ளன. அவற்றை உண்பது உணவுக் கட்டுப்பாட்டுக்குச் சமமானது' என்று அந்த விஞ்ஞானிகள் தெரிவித்துள்ளனர்.இந்த ஆய்வில் பரிசோதிக்கப்பட்டவர்களுக்குத் தினசரி 67 கிராம் அளவுக்கு பாதாம் பருப்பு போன்ற பொருட்கள் அளிக்கப்பட்டன. அந்த நேரத்தில் கெட்ட கொழுப்புகளை குறைக்கும் மருந்துகளும் இவர்கள் உட்கொள்ளவில்லை, இதனால், அவர்களின் ரத்தத்தில் மொத்த கொழுப்புச் சத்தில் 5.1 சதவீதம் அளவுக்கு கொழுப்பு குறைந்திருந்தது தெரியவந்தது. ரத்தத்தில் உள்ள மோசமான 'டிரைகிளிசிரைட் ' அளவு குறைந்திருந்தது.'பல்வேறு வகையான கொட்டைகளை உண்பதாலும் ரத்தத்தில் கொழுப்பின் அளவு குறைகிறது' என்று விஞ்ஞானிகள் தெரிவித்துள்ளனர்.

மஞ்சுபாஷிணி · மஞ்சுபாஷிணி Thu 13 May 2010 - 0:36

பாதம் கொழுப்பில்லைன்னு கேள்விப்பட்டிருக்கேன்... ஸ்வாமிக்கு நைவேத்தியம் வெச்சிட்டு பிள்ளைகளுக்கு சாப்பிட தருவோம்... ஆனா முந்திரி கூடவா சத்யன்?

பகிர்ந்தமைக்கு அன்பு நன்றிகள் சத்யன்...

கொழுப்பை குறைக்கும் பாதாம், முந்திரி

கொழுப்பை குறைக்கும் பாதாம், முந்திரி

Re: கொழுப்பை குறைக்கும் பாதாம், முந்திரி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக