செம்மொழி மாநாட்டுக்கு பல்வேறு நாடுகளில் இருந்து 85 சிறப்பு அழைப்பாளர்கள்!

ரபீக் · ரபீக் Tue May 18, 2010 12:28 pm

உலகத் தமிழ்ச் செம்மொழி மாநாட்டுக்கு பல்வேறு நாடுகளில் இருந்து சிறப்பு அழைப்பாளர்களாக 85 அறிஞர்கள் பங்கேற்க உள்ளதாக மாநாட்டின் வரவேற்புக் குழு ஒருங்கிணைப்பாளரும், தமிழக அரசின் பொதுத் துறைச் செயலருமான தேவ ஜோதி ஜெகராஜன் தெரிவித்தார்.

செம்மொழி மாநாட்டில் ஆர்வலர்களாகப் பணியாற்ற உள்ள ஆசிரியர், மாணவர்களுக்கான பயிற்சிக் கூட்டம் பாரதியார் பல்கலைக்கழகத்தில் திங்கள்கிழமை நடைபெற்றது. இக் கூட்டத்தைத் துவக்கி வைத்து பொதுத் துறைச் செயலர் தேவஜோதி ஜெகராஜன் பேசியது:

செம்மொழி மாநாட்டில் வெளிநாட்டு கட்டுரையாளர்கள், சிறப்பு விருந்தினர்கள் பங்கேற்க உள்ளனர். வெளிநாடுகளில் இருந்து வருபவர்களுக்கு உதவிட ஆர்வலர்கள் நியமிக்கப்பட உள்ளனர். தமிழக முதல்வரின் சிறப்பு அழைப்பாளர்களாக பல்வேறு நாடுகளில் இருந்து 85 அறிஞர்கள் மாநாட்டில் பங்கேற்க உள்ளனர். இவர்களுக்கு தலா ஒரு ஆசிரியர்-மாணவர்கள் உதவியாளர்களாக நியமிக்கப்படுவர். வெளிநாட்டு கட்டுரையாளர்கள் 5 பேருக்கு ஒரு ஆர்வலர் நியமிக்கப்படுவர்.

ஆர்வலர்களாக நியமிக்கப்படும் நீங்கள் தான் தமிழகம், தமிழக அரசு, தமிழ் கலாசாரம் என்பதை நினைவில் வைத்துக் கொள்ள வேண்டும். விருந்தினர்கள் கேட்கும்பட்சத்தில் தமிழகம் மற்றும் கோவை குறித்த சிறப்பு அம்சங்களைத் தெரிவிக்கத் தயார்ப்படுத்திக் கொள்ள வேண்டும்.

விருந்தினர்கள் தங்கும் இடம், போக்குவரத்து, உணவு ஆகியவற்றுக்கு சம்பந்தப்பட்ட அலுவலர்கள் மூலம் தேவையான உதவிகளை அளிக்கத் தயாராக இருக்க வேண்டும்.

மாநாட்டில் பங்கேற்க உள்ள விருந்தினர்கள், அவர்களுக்கான தங்குமிடம், மாநாட்டின் குழுக்கள், அலுவலர்களின் இருப்பிடம், தொலைபேசி எண்கள், இ-மெயில் முகவரி உள்ளிட்ட அனைத்து விவரங்களும் அடங்கிய தகவல் தொகுப்பு தயாராகிக் கொண்டிருக்கிறது.

ஜூன் 5-ம் தேதிக்குள் இப் பணிகள் முடிந்துவிடும். அலுவலர்களை எளிதில் தொடர்பு கொள்ள வசதியாகத் ஆர்வலர்களுக்கு இந்த தகவல் தொகுப்பு புத்தகம் வழங்கப்படும் என்றார்.

பாரதியார் பல்கலை. துணைவேந்தர் சி.சுவாமிநாதன், செம்மொழி மாநாட்டுக்கான பாரதியார் பல்கலை. முதன்மை ஒருங்கிணைப்பாளர் இரா.வேங்கடபதி,

ஒருங்கிணைப்பாளர் இரா.பழனிவேல் உள்ளிட்டோர் பேசினர்

உதயசுதா · உதயசுதா Tue May 18, 2010 2:23 pm

இப்ப இவனுங்க தமிழ்மாநாடு நடத்தி என்ன கிழிக்க போரானுங்க.சும்மா வெட்டிகதை பேசுறதுக்கு இதுல செலவு பண்ற பணத்தை மக்களுக்கு பயன் படுற மாதிரி எதாவது செய்யலாம்.அது என்ன எந்த மொழிக்காரனும் செய்யாதத இங்க மட்டும் செய்றானுங்கன்னு தெரியல.எதுக்காக இந்த மாநாடுன்னு யாராவது சொன்னா நல்லா இருக்கும்

அலட்டல் அம்பலத்தார் · 29/04/2010

உதயசுதா wrote:இப்ப இவனுங்க தமிழ்மாநாடு நடத்தி என்ன கிழிக்க போரானுங்க.சும்மா வெட்டிகதை பேசுறதுக்கு இதுல செலவு பண்ற பணத்தை மக்களுக்கு பயன் படுற மாதிரி எதாவது செய்யலாம்.அது என்ன எந்த மொழிக்காரனும் செய்யாதத இங்க மட்டும் செய்றானுங்கன்னு தெரியல.எதுக்காக இந்த மாநாடுன்னு யாராவது சொன்னா நல்லா இருக்கும்

அது சரிதான் மகள் ,தமிழ் மொழியை முள்ளி வாய்க்காலில துடி துடிக்க சாகடித்துவிட்டு இப்போது செம்மொழி பேசுகிறது ஒரு செம்மறி ....ஹ ஹ ஹா

Sponsored content · Sponsored content

செம்மொழி மாநாட்டுக்கு பல்வேறு நாடுகளில் இருந்து 85 சிறப்பு அழைப்பாளர்கள்!