தொய்வு நோய் - ASTHMA

சபீர் · சபீர் Sun 18 Apr 2010 - 21:14

தொய்வு நோய் என்றால் என்ன?

இது மனித சமுதாயத்தை அதிகமாகப் பாதிக்கும். சுவாசப்பைகளைத் தாக்குவதனால் நோயின் அறிகுறிகளாக இருமல், இழுப்பு, மூச்சு விடக் கஷ்டம் என்பன ஏற்படுகின்றன. சுவாசக் குழாய்களின் சுருக்கத்தினால் இவ்வறிகுறிகள் தோன்றுகின்றன.

நோய்த்தாக்கம் எதனால் ஏற்படுகின்றது.?

இந்த நோய் பல காரணங்களால் ஏற்படலாம். உதாரணமாக உணவுகள் ஒத்துக் கொள்ளாமை, தேகப்பயிற்சி, சுவாசப்பையில் கிருமிகள் தொற்றுதல், மாசடைந்த காற்றைச் சுவாசித்தல், திடீர் மனநிலை மாற்றம் ஆகியன இந்நோயைத் தோற்றுவிக்கலாம். சில வேளைகளில் இந்நோய் ஆரம்பிப்பதற்கு ஏதுவாக இருந்த காரணியைக் கண்டுபிடிப்பது கஷ்டம்

வேளைகளில் வீட்டில் உள்ள தூசி, உணவுகளின் நிறம், உணவைப் பாதுகாக்கும் இரசயனப்பதார்த்தங்கள், பூக்களின் மரகதமணிகள் இந்த நோயை உண்டாக்கும். தொய்வு நோய் எந்த நேரத்திலும் வரும். ஆனால் பொதுவாக அதிகாலையிலேயே தொடங்கி சில மணித்தியாலங்களுக்கு அல்லது சில நாட்களுக்கு இருக்கும். இதன் தாக்கம் வேறுபாடு உடையது. சில சமயங்களில் சிறிய தாக்கத்துடன் நின்றுவிடும். சில வேளைகளில் மூச்சு எடுக்க முடியாத முட்டு நிலைக்குக் கொண்டு போய்விடும். சில மருந்து வகைகளும் தொய்வு நோயை பாரதூரமான நிலைக்குக் கூட்டிவிடும். ஆகவே அவை தவிர்க்கப்பட வேண்டும். முன்பு உமக்கு இப்படியாக மூச்சு விட முடியாத முட்டுநிலை இருந்திருந்தால் தயவு செய்து அதை வைத்தியரிடம் கூறவும்.

எப்படிப்பட்ட ஜனங்கள் / ஆட்கள் இந்த நோய்களுக்கு ஆளாவார்கள் ?

தொய்வு நோய்க்கு வயது எல்லை இல்லை. அதிகமான சிறுவர்களும் இளம் வாலிபருக்கும் எற்படும்..பெற்றோரிலிருந்து பரம்பரை நோயாக வரக்கூடும். சீவியகாலம் முழுவதும் இந்த நோய் அல்லது முட்டுத்தன்மை திரும்பத் திரும்ப வரக்கூடியது. தூசி, ஈரலிப்பு அதிகமாக உள்ள இடங்களில் இருப்பவர்களுக்கும் புகைப்பவர்களுக்கும் இந்த நோய் அதிகமாக மீண்டும் மீண்டும் வரும்.

தொய்வு நோயை எப்படிக் குணமாக்கலாம்?

சுவாசக் குழாய் சுருக்கம் அடைவதால் இந்நோய் ஏற்படுகிறது. ஆகவே சுவாசக்குழாயை விரிவடையச் செய்யக்கூடிய வைத்தியமே இந்த இழுப்பு, மூச்சுவிட முடியாத நிலை, இருமல் ஆகியவற்றைக் குறைக்கும். சல்புயீட்டமோல் (Salbutamol) ரேர்புட்டலின் (Terbutaline) ஆகிய மருந்துவகைகள் சுவாசக்குழாயை விரிவடையச் செய்யக் கூடியவையாதலால் நோய் வந்ததும் இவை கொடுக்கப்டுகின்றன. ஸ்ரிறோயிட் (Steroid) என்பது இன்னும் ஒருவகை மருந்து. இது தொய்வு நோயைக் கட்டுப்படுத்துவதுடன் தடுக்கவும் செய்யும்.

திடீர் நோய் கண்ட ஒருவரைப் பராமரித்தல்

சுவாசக் குழாய்களை விரிவடையச் செய்யும் மருந்துக்கள் சுவாசத்தோடு சேர்ந்து உள்ளெடுக்கும் வகையே சிறந்தது. காரணம் - இங்கு சிறிய அளவிலான மருந்து நேரடியாகவே சுவாசக் குழாய்களைச் சென்றடைவதால் பிரதி பலன் விரைவாகக் கிடைப்பதுடன் நோயாளிக்கு ஆறுதலையும் அளிக்கிறது. அத்துடன் உட்சுவாசிக்கப்படும் மருந்துகளால் ஏற்படும் மீண்டும் மீண்டும் இழுப்பு வரும் சில தொய்வு நோயாளர் தினமும் தொடர்ந்து மருந்து எடுக்கவேண்டும். பாடசாலை செல்லும் மாணவர்கள் இந்நோய் காரணமாக அடிக்கடி பாடசாலை செல்லாதிருப்பதைத் தவிர்க்க, தடுப்பு வகைகளைக் கையாளுவது நல்லது. சுவாசத்தோடு எடுக்கக்கூடிய புறொங்—கோடைலேற்றர்ஸ் அல்லது ஸ்டீரொயிட் என்பன (Bronchodilators or steroids) வாயினால் எடுக்கப்படும் மருந்திலும் பார்க்க விரும்பப்படத்தக்கதாக இருக்கிறது.

சிறிது குணம் அடைந்தவுடன், சிலர் இந்த வைத்தியத்தை முற்றாக நிற்பாட்டி, அதன் பின் இந்த நோய்க்கு ஆளாகிகிறார்கள் ஆகவே சிறிது குணம் காணப்பட்டாலும் தொடர்ந்து கொடுக்கப்பட்ட மருந்து வகைகளை ஒழுங்காக எடுக்கவேண்டியது அவசியம். இந்தத் தடுப்பு மருந்தை எடுக்கவேண்டிய காலம் குறித்து உமது மருத்துவர் உமக்கு ஆலோசனை கூறுவார்.

**ரிபாஸ்** · **ரிபாஸ்** Mon 19 Apr 2010 - 19:46

அருமையான தகவல் மாமு

சபீர் · சபீர் Mon 3 May 2010 - 23:50

ரிபாஸ் wrote:அருமையான தகவல் மாமு

எஸ்.அஸ்லி · எஸ்.அஸ்லி Fri 21 May 2010 - 15:49

நல்ல தொருதகவல் நன்றி சபீர்

சபீர் · சபீர் Tue 25 May 2010 - 12:11

எஸ்.அஸ்லி wrote:நல்ல தொருதகவல் நன்றி சபீர்

நன்றி அஸ்லி நன்றி

மஞ்சுபாஷிணி · மஞ்சுபாஷிணி Tue 25 May 2010 - 13:54

இந்த கட்டுரை எல்லோருக்கும் ஒர் விழிப்புணர்வு கட்டுரையா அமைவது மிக மிக சிறப்பு சபீர்...

என் தங்கை குழந்தைகள் இருவருக்குமே சிறுவயதில் இருந்தே சைல்ட் உட் ஆஸ்துமா இருந்தது....

குழந்தைகள் என் கண்முன்னே வலிப்பு வந்து கண்கள் சொருகி ஹப்பப்பா சொல்லமுடியவில்லை...

இப்போது இருவரும் இறைவன் அருளால் நலமே..... நல்ல மருத்துவமும் சரியான உணவு பழக்கமும் ப்ராணயமும் அவர்களை சரியாக்கியது...

இது போன்ற நல்ல கட்டுரைகளை இடைவிடாமல் தருவதால் எங்கள் எல்லோருக்குமே பயனுள்ளதாய் அமைகிறது...

அன்பு நன்றிகள் சபீர்...

balakarthik · balakarthik Tue 25 May 2010 - 13:59

இன்றய அறிவியல் வளர்ச்சியில் இது போல பல நோய்கள் குனமாகபடுகின்றன ஆனால் சரியான மருத்துவ ஆலோசனை பெற மக்கள் தயங்குகிறார்கள் அவர்களுக்கு மிகவும் பயனுள்ள தகவல் நன்றி