ரூ.2 லட்சம் கேட்டு கடத்தப்பட்ட கல்லூரி மாணவர் மீட்பு

ஈகரை தமிழ் களஞ்சியம் :: பொழுதுபோக்கு :: சினிமா

Page 1 of 1 •

ரூ.2 லட்சம் கேட்டு கடத்தப்பட்ட கல்லூரி மாணவர் மீட்பு

#312498

ரபீக்
வழிநடத்துனர்: பதிவுகள் : 15128
இணைந்தது : 07/04/2010

Post ரபீக் Wed Jun 16, 2010 10:39 am

பள்ளிபாளையம் அருகே ரூ.2 லட்சம் கேட்டு கடத்தப்பட்ட மாணவனை தனிப்படை போலீசார் மீட்டனர். போலீசார் கண்காணிப்பதை அறிந்த பழ வியாபாரி குடும்பத்துடன் தலைமறைவாகிவிட்டார்.
நாமக்கல் மாவட்டம் பள்ளிபாளையம் ஒட்டமெத்தையை சேர்ந்தவர் தங்கமணி. பழக்கடை வைத்துள்ளார். இவரது மகன் ஜெயராமன் (23), குமாரபாளையத்தில் உள்ள தனியார் கல்லூரியில் 2&ம் ஆண்டு ஏரோநாட்டிகல் படித்து வருகிறார். கடந்த 11&ம் தேதி கல்லூரிக்கு மொபட்டில் சென்றவர் பின்னர் வீடு திரும்பவில்லை. அவரது பெற்றோர் பல இடங்களில் தேடியும் கிடைக்கவில்லை.

இந்நிலையில் நேற்று முன்தினம் ஜெயராமன், தனது தந்தையிடம் செல்போனில் பேசியுள்ளார். அப்போது ஜெயங்கொண்டத்தை சேர்ந்த பழமண்டி உரிமையாளர் திருவேங்கடம் தன்னை கடத்திச் சென்றதாகவும், 2 லட்சம் ரூபாலை அவரது வங்கிக் கணக்கில் போட்டால்தான் விடுவிப்பேன் என கூறுவதாகவும் தெரிவித்துள்ளார். இதனால் அதிர்ச்சியடைந்த தங்கமணி, பள்ளிபாளையம் போலீசில் புகார் கொடுத்தார்.

போலீசார் வழக்கு பதிந்து விசாரணை நடத்தினர். நாமக்கல் மதுவிலக்கு டிஎஸ்பி துரைசாமி தலைமையில் தனிப்படை அமைக்கப்பட்டது.

செல்போன் டவர் மூலம் மாணவன் கடத்தி வைக்கப்பட்டிருந்த இடத்தை போலீசார் கண்டுபிடித்தனர். நேற்று காலை தனிப்படையினர் திருவேங்கடத்தின் வீட்டுக்கு சென்றனர். வீடு பூட்டியிருந்தது. ஜெயராமனை அங்கேயே விட்டுவிட்டு திருவேங்கடம், தனது குடும்பத்துடன் தலைமறைவானது தெரியவந்தது. மாணவரை போலீசார் மீட்டு பெற்றோரிடம் ஒப்படைத்தனர். தலைமறைவான திருவேங்கடத்தை தனிப்படை போலீசார் தீவிரமாக தேடி வருகின்றனர்.

"நீங்கள் பேசினால் நல்லதைப் பேசுங்கள். அல்லது அமைதியாக இருந்து விடுங்கள்" - நபி (ஸல்)

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: பொழுதுபோக்கு :: சினிமா

Page 1 of 1