மு.க.அழகிரியின் மொழிப் பிரச்சினைக்குத் தீர்வு-ஆங்கிலத்தில் எழுதி வைத்துப் படிக்க அனுமதி

மத்திய ரசாயணத்துறை அமைச்சர் மு.க.அழகிரியின் மொழிப் பிரச்சினைக்கு ஒரு வழியாக தீர்வு காணப்பட்டு விட்டது. முக்கிய கேள்விகளுக்கான பதிலை அவர் ஆங்கிலத்தில் எழுதி வைத்துப் படிக்கலாம் என்று சபாநாயகர் மீரா குமார் தீர்வைக் கூறியுள்ளார். இதை அழகிரியும் ஏற்றுக் கொண்டு விட்டார்.

ஆங்கிலம் அல்லது இந்தியில் தான் லோக்சபா மற்றும் ராஜ்யசபாவில் அமைச்சர்கள் பேச முடியும் என்று விதியை வைத்துள்ளனர். இதுகுறித்து நீண்ட காலமாகவே சர்ச்சை நி்லவி வருகிறது. இந்தியாவில் பல மொழிகள் அதிகாரப்பூர்வ மொழிகளாக இருக்கும் நிலையில் ஏன் இந்தத் தடை என்று பிரச்சினை எழுப்பப்பட்டது.

இதையடுத்து உறுப்பினர்கள் (எம்.பிக்கள்) எந்த மொழியில் வேண்டுமானாலும் பேசலாம், கேள்வி கேட்கலாம் என இந்த விதியில் தளர்வு செய்யப்பட்டது. இருப்பினும் அமைச்சர்கள் மட்டும் இந்தி அல்லது ஆங்கிலத்தில்தான் பேச முடியும்.

இந்த விதிமுறையால் அஞ்சா நெஞ்சர் என திமுக தொண்டர்களால் செல்லமாக அழைக்கப்படும் மு.க.அழகிரிக்கு நாடாளுமன்றம் என்றாலே அலர்ஜியாகி விட்டது.

இரு மொழிகளிலும் அவருக்குப் புலமை போதாது என்பதால் நாடாளுமன்றக் கூட்டங்களில் அழகிரியால் கலந்து கொள்ள முடியாத நிலை. இது பெரும் சர்ச்சையைக் கிளப்பியது.

அழகிரிக்குப் பதில் இணை அமைச்சரான ஸ்ரீகாந்த் ஜெனாவே பதிலளித்து வந்தார். இந்த நிலையில் தற்போது அழகிரியின் பிரச்சினைக்குத் தீர்வு காணப்பட்டுள்ளது.

இதன் மூலம் நாடாளுமன்றக் கூட்டங்களில் இனி அழகிரி எந்தவித பயமும் இல்லாமல் வந்து போக முடியும். லோக்சபா சபாநாயகர் மீரா குமார் தெரிவித்துள்ள புதிய திட்டத்தின்படி, ரசாயாணத்துறை தொடர்பாக கேட்கப்படும் முக்கியக் கேள்விகளுக்கான ஆங்கில பதிலை அழகிரி எழுதி வைத்து வாசிப்பார். துணைக் கேள்விளுக்கு இணை அமைச்சர் ஜெனா பதிலளிப்பார்.

இதன் மூலம் அழகிரியின் மொழிப் பிரச்சினைக்கு தீர்வு காணப்பட்டுள்ளதாக நாடாளுமன்ற வட்டாரத் தகவல்கள் தெரிவிக்கின்றன

அரசியலில் இருக்கனும்னா முதல்ல ஆங்கிலம் தெரிஞ்சு இருக்கனும்ன்னு ஒரு சட்ட திருத்தம் கொண்டு வரனும். அப்பதான் படிச்சவங்க அரசியலுக்கு வருவாங்க.இல்லைன்னா இதுபோல ரொளடிகளும்,கட்ட பஞ்சாயத்து பண்றவனுகளும்தான் வருவானுங்க

உதயசுதா wrote:அரசியலில் இருக்கனும்னா முதல்ல ஆங்கிலம் தெரிஞ்சு இருக்கனும்ன்னு ஒரு சட்ட திருத்தம் கொண்டு வரனும். அப்பதான் படிச்சவங்க அரசியலுக்கு வருவாங்க.இல்லைன்னா இதுபோல ரொளடிகளும்,கட்ட பஞ்சாயத்து பண்றவனுகளும்தான் வருவானுங்க

அப்ப நாங்கலாம் எங்க போறதுக்கு ?

ரபீக் wrote:இரு மொழிகளிலும் அவருக்குப் புலமை போதாது என்பதால் நாடாளுமன்றக் கூட்டங்களில் அழகிரியால் கலந்து கொள்ள முடியாத நிலை. இது பெரும் சர்ச்சையைக் கிளப்பியது.

என்னது போதாதா , இல்லவே இல்லை என்று சொல்லுங்கள்

எதற்கும் பதிலை படிக்கும் முன்,நம்பகமான ஒருவரை விட்டு,படிக்க சொல்லி விட்டு, சரியான பதிலா என்று அறிந்து கொண்டு படித்தல் நலம். எனக்கு தெரிந்த ஒருவர் தொழிற்சாலையில் ஆங்கிலம் அறியாத சுபெர்வைசராக இருந்தார். உறவினரை அழைக்க,சென்ட்றல் ஸ்டேஷேன் போக வேண்டி அரை நாள் லீவ் எடுபதற்காக,தன் கீழ் வேலை செய்யும் ஒருவனிடம் ஆங்கிலத்தில் லீவ் லெட்டர் எழுத சொல்லி அவன் அவர் மேலுள்ள கோபத்தில்," சென்ட்ரல் ஜெயில் போக வேண்டும். என்று எழுதிவிட்டான். இவரும் கை எழுத்து போட்டு விட்டு, தன் மேலதிகாரிகளிடம் வாங்கி கட்டிக் கொண்டார்.



ரமணீயன்

உதயசுதா wrote:அரசியலில் இருக்கனும்னா முதல்ல ஆங்கிலம் தெரிஞ்சு இருக்கனும்ன்னு ஒரு சட்ட திருத்தம் கொண்டு வரனும். அப்பதான் படிச்சவங்க அரசியலுக்கு வருவாங்க.இல்லைன்னா இதுபோல ரொளடிகளும்,கட்ட பஞ்சாயத்து பண்றவனுகளும்தான் வருவானுங்க