மதுரை அருகே சாமியார் கைது

ரபீக் · ரபீக் Wed Jul 21, 2010 11:58 am

ஒத்தக்கடை அருகே மந்திரம் செய்து தருவதாகப் பணம் பெற்று பால் வியாபாரியை ஏமாற்றியதாக சாமியார் ஒருவரை போலீஸôர் செவ்வாய்க்கிழமை கைது செய்தனர்.

ஒத்தக்கடை அருகே உள்ள புதுப்பட்டியைச் சேர்ந்த அய்யாவு மகன் ராமன்(38). இவர் மந்திர தந்திரங்கள் செய்வதாகவும், வசியம் செய்து தருவதாகவும் பலரிடம் கூறி வந்தார். இதையொட்டி அவரைச் சந்தித்து தனக்கு பால் வியாபார அபிவிருத்திக்கு வசியம் செய்து தருமாறு ஒத்தக்கடையைச் சேர்ந்த செல்வகணேஷ் கேட்டுள்ளார்.

இதற்காக அவர் ரூ.1,500 முன்பணம் கொடுத்தாராம். ஆனால் எந்த வேலையும் செய்துதராமல் ஏமாற்றி வந்ததால் ஒத்தக்கடை போலீஸில் புகார் செய்தார்.

இதையடுத்து போலீஸôர் ராமனை கைது செய்து விசாரித்து வருகின்றனர்.