மயக்க மருந்து கொடுத்து பக்தரிடம் நகை கொள்ளை

நவீன் · நவீன் Wed Aug 04, 2010 12:26 pm

திருச்செந்தூர் : திருச்செந்தூர் அய்யா கோயிலுக்கு வந்த பக்தரிடம் ஆறு
பவுன் தங்க நகையை பக்தர் வேடத்தில் வந்த நபரே மயக்க மருந்து கொடுத்து
திருடியது தெரியவந்துள்ளது.இதுகுறித்து போலீஸ்தரப்பில்
கூறப்படுவதாவது,குமரி மாவட்டம் ஆரல்வாய்மொழி சுப்பிரமணியபுரத்தைச்
சேர்ந்தவர் இசக்கிமுத்து மனைவி பண்டாரத்தி (65). இவரும், அவரது கணவரும்
திருச்செந்தூர் அய்யா வைகுண்டர் அவதாரபதியில் தங்கி சாமி தரிசனம் செய்து
வந்தனர்.

அப்போது சேலத்தைச் சேர்ந்த பக்தர்கள் எனக் கூறிக்கொண்டு
இரண்டு தம்பதியினர்கள், ஒரு பையனுடன் தங்கியுள்ளனர். அருகருகே
இருந்தவர்கள் சகஜமாக பழகி வந்துள்ளனர். இந்நிலையில் கடந்த 28ம் தேதியன்று
இரவு பண்டாரத்திக்கு வயிற்று வலி ஏற்பட்டதால் ஆஸ்பத்திரிக்கு
சென்றுள்ளனர். அவருடன் சேலத்துக்காரர்களும் பையனுக்கு உடல்நலமில்லை என
கூறிக்கொண்டு சென்றுள்ளனர். பண்டாரத்திக்கு சேலத்துக்காரர்கள் வயிற்று
வலிக்கு மாத்திரை கொடுத்துள்ளனர். அதனால் மயங்கி விழுந்த பண்டாரத்தி
முழித்தபோது ஆறுமுகநேரி அருகிலுள்ள தண்ணீர் பந்தலில் இருந்துள்ளார்.
மேலும் அவரது கழுத்திலிருந்த 5 பவுன் சங்கிலி, அரை பவுன் தாலி, அரை பவுன்
கம்மல் ஆகியவை காணாமல் போனது தெரியவந்தது. இது குறித்து பண்டாரத்தி
கொடுத்த புகாரின் பேரில் திருச்செந்தூர் எஸ்.ஐ.,நடராஜன் வழக்குப்பதிவு
செய்து இன்ஸ்பெக்டர் ஜெயபிரகாஷ் விசாரணை நடத்தி வருகிறார்.

**பிளேடு பக்கிரி** · 01/03/2010

மயக்க மருந்து கொடுத்து பக்தரிடம் நகை கொள்ளை

மயக்க மருந்து கொடுத்து பக்தரிடம் நகை கொள்ளை

Re: மயக்க மருந்து கொடுத்து பக்தரிடம் நகை கொள்ளை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக