குளித்தலை அருகே வரதட்சணை கொடுமையால் இளம்பெண் கொலை? தீக்காயங்களுடன் பிணமாக கிடந்தார்

குளித்தலை,


குளித்தலை
அருகே செம்பியநத்தம் கிராமம் மேட்டூர் பகுதியை சேர்ந்தவர்
சத்தியமூர்த்தி(27). விவசாயி. இவரது மனைவி சரசுவதி(19). கடந்த 3?
ஆண்டுகளுக்கு முன்பு காதலித்து திருமணம் செய்து கொண்டனர். இவர்களுக்கு
மோனிஷா (2 1/2), பிரகாஷ்(1 1/2) என்ற 2 குழந்தைகள் உள்ளனர். இந்நிலையில்,
மனைவி சரசுவதியிடம், அடிக்கடி பணம்-நகை கேட்டு வரதட்சிணை கொடுமை செய்து
வந்ததாக கூறப்படுகிறது. மேலும் சரசுவதியை அடித்து உடைத்து சித்ரவதை செய்து
வந்துள்ளார்.

இந்நிலையில்,
நேற்று சரசுவதியின் தந்தை பழனிசாமிக்கு, சத்தியமூர்த்தியின் உறவினர்கள்
போன் செய்தனர். அப்போது சரசுவதி உடல் நலக் குறைவால் பாதிக்
கப்பட்டுள்ளார். ஆஸ்பத்திரியில சிகிச்சை அளிக்கப்பட்டு வருகிறது என்று
தெரிவித்தனர். இதனால் அதிர்ச்சியடைந்த பழனிசாமி மற்றும் அவரது
குடும்பத்தினர், சரசுவதியை பார்க்க ஆஸ்பத்திரிக்கு புறப்பட்டனர்.

அப்போது பஸ்சில் வந்து கொண்டிருந்த போது, பழனிசாமியிடம், உங்கள் மகள் சரசுவதி இறந்து விட்டதாக தெரிவித்தனர்.

உடனே
ஆஸ்பத்திரிக்கு விரைந்து பழனிசாமி மற்றும் அவரது குடும்பத்தினர் கதறி
அழுதனர். இறந்த சரசுவதி தலையில் ரத்தகாயம், மற்றும் கை, கால், மார்பு ஆகிய
இடங்களில் தீக்காயமும் இருந்ததை கண்டு பழனிசாமி அதிர்ச்சியடைந்தார்.

இது
குறித்து பாலவிடுதி போலீசில், பழனிசாமி புகார் செய்தார். அதில் தனது மகள்
சரசுவதியை மருமகன் சத்தியமூர்த்தி மற்றும் அவரது குடும்பத்தினர் வரதட்சணை
கேட்டு சித்ரவதை செய்து கொன்று விட்டனர் என்று தெரிவித்துள்ளார்.

குளித்தலை
போலீஸ் டி.எஸ்.பி. மனோகரன், உத்தரவின் பேரில் பாலவிடுதி இன்ஸ்பெக்டர்
ஆறுமுகம் மற்றும் போலீசார் விசாரணை நடத்தி வருகின்றனர். திருமணமாகி 3? ஆண்டுகளே ஆவதால் குளித்தலை ஆர்.டி.ஓ. பாலசுப்பிரமணியன் மேல்விசாரணை நடத்தி வருகிறார்.