அனைத்துக்கட்சி குழு-பிரதமர் இன்று ஆலோசனை

நவீன் · நவீன் Tue Aug 10, 2010 12:21 pm

காஷ்மீர் விவகாரம் தொடர்பாக ஆலோசனை நடத்த அம்மாநிலத்தின் அனைத்துக்கட்சி குழுவினரை இன்று பிரதமர் மன்மோகன்சிங் சந்திக்கிறார்.

காஷ்மீரில்
அப்பாவி இளைஞர்களை தீவிரவாதிகள் என்று முத்திரை குத்தி, மத்திய ரிசர்வ்
போலீஸ் படையினர் சுட்டுக்கொல்வதாக கூறி, போலீசாருக்கு எதிராக
ஆர்ப்பாட்டக்காரர்கள் போராட்டத்தில் குதித்தனர்

இதனால் இருதரப்பினருக்கும் இடையே மோதல் வெடித்தது. துப்பாக்கி சூட்டில் பலர் பலியானார்கள்.

இதனால் அமைதியை நிலைநாட்ட சுமார் 10 நாட்களாக ஊரடங்கு உத்தரவு அமல்படுத்தப்பட்டது.

காஷ்மீரில்
அமைதி திரும்ப செய்வது குறித்து விவாதிப்பதற்காக, கடந்த மாதம் 12-ம் தேதி
காஷ்மீர் மாநில முதல்வர் உமர் அப்துல்லா அனைத்துக் கட்சி கூட்டத்தை
கூட்டினார்

அக்கூட்டத்தை
முக்கிய எதிர்க்கட்சியான மக்கள் ஜனநாயக கட்சி புறக்கணித்தது. இதுபோன்ற
அனைத்துக் கட்சி கூட்டத்தை பிரதமர்தான் கூட்ட வேண்டும் என்று அக்கட்சி
கூறியது.

இதையடுத்து,
காஷ்மீரைச் சேர்ந்த அனைத்துக் கட்சி பிரதிநிதிகள் குழுவை பிரதமர்
மன்மோகன்சிங் இன்று சந்திக்கிறார். முதல்வர் உமர் அப்துல்லா தலைமையில்
இக்குழு டெல்லி வந்து பிரதமரை சந்திக்கிறது.

ஆளும்
கட்சியான தேசிய மாநாட்டு கட்சி சார்பில் மத்திய மந்திரி பரூக் அப்துல்லா,
அலி முகமது சாகர், அப்துல் ரகீம் ரத்தர் ஆகியோரும், காங்கிரஸ் கட்சி
சார்பில் சைபுதீன் சோஸும், மார்க்சிஸ்ட் கம்யூனிஸ்டு கட்சி சார்பில்
முகமது யூசுப் தாரிகாமியும் கலந்துகொள்கிறார்கள்.

மேலும்,
பாஜக, தேசியவாத காங்கிரஸ், பாந்தர்ஸ் கட்சி, பகுஜன் சமாஜ் கட்சி,
சமாஜ்வாடி, ஜனநாயக சுதந்திர கட்சி ஆகியவற்றின் பிரதிநிதிகளும்
கலந்துகொள்கிறார்கள்.

இக்கூட்டத்தையும் மக்கள் ஜனநாயக கட்சி புறக்கணித்துள்ளது என்பது குறிப்பிடத்தக்கது.

balakarthik · balakarthik Tue Aug 10, 2010 12:22 pm

சரவணன் · சரவணன் Tue Aug 10, 2010 12:25 pm

இந்த ஆலோசனை கூட்டம் நடந்து ஒரு முடிவு எட்டுவதற்குள் காஷ்மீரும் இருக்காது, அங்கு மக்களும் இருக்க மாட்டார்கள்.
அவ்வளவு வேகமாகவும், விவேகமாகவும் செயல்படுகிறார்கள் நம் அரசியல் வியாதிகள்.
இந்த பா.சிதம்பரம் என்ன பண்றாரு? பொசுக்கு பொசுக்குன்னு வந்து, மிக்க பிடிச்சி எதனா பேசுவாரே! ஒருவேளை சூட்கேசு எதனா எடுத்துகிட்டு அமெரிக்க போயிட்டாரா! ஒன்னும் புரியல

Sponsored content · Sponsored content

அனைத்துக்கட்சி குழு-பிரதமர் இன்று ஆலோசனை

அனைத்துக்கட்சி குழு-பிரதமர் இன்று ஆலோசனை

Re: அனைத்துக்கட்சி குழு-பிரதமர் இன்று ஆலோசனை

Re: அனைத்துக்கட்சி குழு-பிரதமர் இன்று ஆலோசனை

Re: அனைத்துக்கட்சி குழு-பிரதமர் இன்று ஆலோசனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக