சூதாட்டத்தில் சிக்கிய கட்டுச்சேவல் ஏலம்

நவீன் · நவீன் Wed Aug 11, 2010 8:32 am

அவிநாசி,:

அன்னூர் அருகே சூதாட்டத்தில் பயன்படுத்தப்பட்ட கட்டுச்சேவல்களை,
போலீசார் அவிநாசி கோர்ட்டில் நேற்று ஆஜர்படுத்தினர். அன்னூர்-
சத்தியமங்கலம் செல்லும் ரோட்டில் உள்ள பொங்கலூரில் ஒரு தோட்டத்தில் சேவல்
வைத்து சூதாட்டம் நடப்பதாக கடந்த 5ம் தேதி கோவை எஸ்.பி.,க்கு தகவல்
கிடைத்தது. அன்னூர் போலீசார், அத்தோட்டத்துக்கு சென்றனர். போலீசாரைக்
கண்டதும், அங்கிருந்தவர்கள் வாகனங்களை விட்டு விட்டு "எஸ்கேப்' ஆயினர். 24
டூ வீலர்கள், 26 கார்கள், 30 சேவல்கள் மற்றும் 2.38 லட்சம் ரூபாய்
ஆகியவற்றை போலீசார் பறிமுதல் செய்து, ஸ்டேஷனுக்கு எடுத்துச்
சென்றனர்.சேவல் சூதாட்டம் தொடர்பாக, கோவை மாநகராட்சி 10வது வார்டு
கவுன்சிலர் தன்ராஜ் (தி.மு.க.,), தொண்டாமுத்தூர் ஒன்றிய தி.மு.க., துணைச்
செயலாளர் சாமிபையன் உள்ளிட்ட 58 பேர் மீது அன்னூர் போலீசார் வழக்குப்பதிவு
செய்தனர். கடந்த நான்கு நாட்களாக சேவல்களை போலீஸ் ஸ்டேஷனில் வைத்து
பராமரித்தனர். சூதாட்டத்தில் பயன்படுத்திய 30 சேவல்களை, அவிநாசி
கோர்ட்டில் போலீசார் நேற்று ஆஜர்படுத்தினர்.ஒரு வேனில் வைத்து சேவல்களை
பாதுகாப்பாக எடுத்து சென்ற போலீசார், அங்கு ஒரு மணி நேரத்துக்கும் மேலாக
காத்திருந்தனர். மாஜிஸ்திரேட் அசோகன், சேவல்களை பார்வையிட்டு ஏலம் விட
உத்தரவிட்டார். அவரது முன்னிலையில், 30 சேவல்களும் ரூ.32 ஆயிரத்துக்கு
ஏலம் விடப்பட்டன. ஏலத்தொகை கோர்ட்டில் செலுத்தப்பட்டது.

சூதாட்டத்தில் சிக்கிய கட்டுச்சேவல் ஏலம்

சூதாட்டத்தில் சிக்கிய கட்டுச்சேவல் ஏலம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக