அதிகாரிகள் மிரட்டி 2 ஆயிரம் வசூல்: “கர்நாடகத்திற்கு லாரிகளை அனுப்ப மாட்டோம்” லாரி உரிமையாளர் சம்மேளனம் அறிவிப்பு

நவீன் · நவீன் Tue Aug 17, 2010 5:28 pm

நாமக்கல்,

மாநில லாரி உரிமையாளர் கள் சம்மேளனத்தின் தலைவர் நல்லதம்பி கர்நாடக முதல் -மந்திரி எடியூரப்பாவுக்கு ஒரு மனு அனுப்பி உள்ளார்.
அதில் அவர் கூறியிருப்பதாவது:-

மாநில
லாரி உரிமையாளர்கள் சம்மேளனம் - தமிழ்நாடு, தமிழகத்தில் மாவட்டம் மற்றும்
தாலுகா அளவில் உள்ள லாரி உரிமையாளர்கள் சங்கங்களின் தலைமை சம்மேளனமாக
செயல்பட்டு வருகிறது.

தமிழகத்தில்
இருந்து கர்நாடகம் வழியாக வட மாநிலங்களுக்கு தேசிய அனுமதி வாகனங்கள்
நாள்தோறும் ஆயிரக் கணக்கான லாரிகள் சரக்குகளை ஏற்றி சென்றும், வட
மாநிலங்களில் இருந்து தமிழகத்திற்கு சரக்கு கள் சரக்கு எடுத்தும் வரப்
படுகிறது. அவ்வாறு வரும் லாரிகள், கர்நாடக மாநில போக்குவரத்து துறை
அதிகாரிகளால் சோதனை என்ற பெயரில் அதாவது தேசிய எண். 13-ல் அத்திபள்ளி -
ஜல்கி வரையிலும், தேசிய எண். 4-ல் அத்திபள்ளி - நிப்பானி வரையிலும் 24 மணி
நேரமும் லாரி டிரைவர்களை மிரட்டி ரூ. 2 ஆயிரம் வரை வசூல் செய்யப்பட்டு
வருகிறது,

மேலும்
அதிகாரிகள் சாலைகளில் ரவுடிகளையும், குண்டர்களையும் வைத்துக் கொண்டு பணம்
வசூல் செய்து வருகின்றனர். இந்த கொடுமை கர்நாடக மாநிலத்தை தவிர எந்த
மாநிலத்திலும் இல்லை.

இதுகுறித்து
ஏற் கனவே கர்நாடக மாநில போக்கு வரத்து துறை அமைச்சர் மற்றும் போக்குவரத்து
துறை ஆணையாளர் அவர் களிடம் கடிதம் மூலம் தெரிவித்தும் இதுவரை எந்தவித
நடவடிக்கையும் எடுக்கவில்லை.

மேலும்
கர்நாடக மாநிலத்தில் கடந்த 6 மாத காலமாக லாரி டிரைவர் களை கொலை செய்தும்,
சரக்குகளை கொள்ளை அடித்தும் வருவது தொடர்ந்து வருகிறது. சமீபத்தில்
பெல்லாரி மாவட் டத்தில் காப்பர் பிளேட் ஏற்றிச் சென்ற லாரியை கொள்ளையர்கள்
கடத்தி டிரைவர்கள் இருவரையும் கொலை செய்து ரூ. 56 லட் சம் மதிப்புள்ள
சரக்குடன் லாரியினை கடத்தி சென்றுள்ளனர்.

ஆகையினால்
முதல்வர் தேவையான நடவடிக்கை எடுத்து மேற்கூறிய பிரச் சினைகளை தீர்க்க
வேண்டும் என்றும், அவ்வாறு தீர்க்காத பட்சத்தில் கர்நாடக மாநிலத்திற்குள்
எங்களது லாரிகளை அனுப்புவதை நிறுத்துவதை தவிர வேறு வழியில்லை என்பதையும்
தெரிவித்துக் கொள்கிறோம்.

இவ்வாறு அந்த மனுவில் அவர் கூறி உள்ளார்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக