தமிழன் சிறுநீரகம் 2 சிங்கள இளைஞர்களைக் காப்பாற்றியது.

நிசாந்தன் · நிசாந்தன் Sun Aug 01, 2010 3:06 am

சமீபத்தில் விபத்துக்கு உள்ளான தமிழ் இளைஞர் ஒருவரின் முளை பலமாகப் பாதிக்கப்பட்டதால், அவர் உயிர் பிழைக்கமாட்டார் என வைத்தியர்களால் அறிவிக்கப்பட்டது. கண்டியைச் சேர்ந்த எம்.யோகராஜன் என்பவரே இந்த வாகன விபத்தில் சிக்கியவராவார். இவர் கண்டி வைத்தியசாலையின் அவசர சிகிச்சைப் பிரிவில் சிகிச்சைபெற்றுவந்த நிலையில், அவர் இறக்கும் தறுவாயில் சிறுநீரங்களை தானமாக வழங்க அவரின் தாயார் ஒப்புதல் அளித்தார்.

மூளை செயலிழந்து உயிரிழந்த அந்த தமிழ் இளைஞனின் இரு சிறுநீரகங்களும் எடுக்கப்பட்டு 2 சிங்கள இளைஞர்களுக்கு மாற்றீடு செய்யப்பட்டது. அவ்விரு இளைஞர்களும் தேறிவருவதாக சத்திரசிகிச்சையை மேற்கொண்ட மருத்துவர் பி.கே ஹரிசந்திர தெரிவித்துள்ளார். மகன் பிழைக்கமாட்டார் என்றதும் அவரின் தாயார் எடுத்த முடிவு வரவேற்க்கத்தக்கது. இருப்பினும் பல்லாயிரம் தமிழர்களைக் கொண்று குவித்த பேரினவாத சிங்களவர்களுக்கு இது பாடமாக அமையவேண்டும். மரணத்தையும் வென்று வாழ்கிறார் யோகராஜன்.

முள்ளிவாய்க்காலில் காயமடைந்த எமது உறவுகள் பலர் ரத்தப்போக்கு காரணமாகவும், உணவு இன்றியும் இறந்து மடிந்தனர். ஆனால், சிங்கள இளைஞர் உயிர் பிழைக்க தமிழன் தன் தார்மீகத்தைக் காட்டி இருக்கிறான் மீண்டும் ஒரு முறை. புரிந்துகொள்ளுமா சிங்களம் ? மரணத்தை தோற்கடித்த மனிதாபிமானம் !